أبعادياتي

[مرعي ونيس]

لو جفوني

لهم أكتب

على

جفوني

 

[مرعي ونيس]

الله ..لو الحظ يستقعد شوي
...وأدعس على راية غيابك وأشوفك
..

محتج..على البعد من لهفة يدّي
.........تبي تعبّر عن غلاوة كفوفك

 

[مرعي ونيس]

قلت له (مر)(عيـ) ـــّــا تعداني وراح.
.....ليه يحسب يوم أقوله (مر)تقل أقول (عيّ)

 

[مرعي ونيس]

دايم نخطي

ونسامحنـا

طول الوقت

وحشد الناس

وحسد الناس

ولا انحزنا مثل اللي للذل انحازو

زاح العالم

مازحزحنا

حنااللي لورحنا وجينا

وجينا ورحنا

كنّا نجي ونطوحنا فوق الغيم

وكنّا نروح نمرجحنا بقوس القزح

كنّا اثنين

عين

وعين

وكنّا براس الاثنين

وحده تشكي هم لوحده

ووحده تسهر على وحده

ولاوحده تشكي الوحده

ايه كنّا طيرين وطرنا

طرنا

فوق

فوق

فوق

وطوطحنا

الريح ولا

طحنا

كنّا عمر ومقسوم على اثنين كل مامرّ الواحد

منا يومن مرّ

كان الثاني طيب

ولاهو اناني

يهديه الضحكه من قلبه

لوأن بين ضلوعه جمر

كنّا غير ناخذ
معنا
الحب و المشاعر

مشاوير

كنّا نسافرمعنا لنا

نبعثرنا ونجمعنا

كنا ننشد طعم الحب

والصبح الطاهر يسمعنا

والليل الساهر يدمعنا

كل ماشتقنا لبعضنا

وكل

مارجعنا

وارتحنا

كنا نعاتبنا

ولاتبنا

ويدينا كانت

تكتبنا

ونقرانا ونلقانا

من الشوق

تناثر لهفة اشلانا

كن الواحد منا

طفل واستشهد والشاهدقانا

قانا

كنّا مثل احسن ماكنّا

دايم كنّا نسأل عنّا

رغم البعد

ورغم الليل

لأنا كنّا

تقل منّا

مانجرّحنا

كنّا

هنيّا

هنيّا

وهنيّا

وهنيّا

وهنيّا

لكن

رحنا

سامحنا

ياحب

سامحنا

 

[مرعي ونيس]

قالت:وقوفي طال..واللي خلقك أمش
....يرضيك أصير بنظرة الخلق هوله

قلت:المشاعر تجمش العاطفه جمش
....وعايش بك الأعجاب أجمل فصوله

قالت:وش اللي؟ عاجبك قلت:هالرمش
....وأبو النخيل اللي عطا الرمش طوله

 

[مرعي ونيس]

لايغرك

هذا الخيزران غيران

وسوس بعقل الهوى وهّزك

مادري أنه يهز الكون

اذا قدّك

تحرّك

 

[مرعي ونيس]

تقسم برب عيونها امـس رفـت
...تبي تشوف اليوم ناسن عزيزيـن

واليوم جيت اشوفهـا واستكفـت
...تبيني اكتـب سالفتهـا عناويـن

جت نورت عيني وراحت وطفـت
...كل النجوم اللي بسمايه من سنين

احيان اقول لقلبي ياخـي توفـت
...يقول طيب ماخلـق ربـي اثنيـن

اقـول الا بـس كفـت ووفــت
...الله معاها.. والسهـر والدواويـن

ياكثرهن ياقلب وش بـك تلفـت
...يمين شف يسـار يسـار يميـن

هذيك شفها بالكوفي شوب غفـت
...وهذيك زول وطول ومع الدلع عين

وهذيك تناظرلك وذيـك استخفـت
...وهذي تبي تجني على المستهيمين

قال ايه لكـن هـي وانـا مزفـت
...تنبت على ضحكة ثغرها بساتيـن

من غابت عروقي من الدم جفـت
...راحت وباقي عطرها بالشراييـن

تركض معـي والمـوت لياتعفـت
...أنفاسها تنفث بصدري شياطيـن

هي اللي ياقالت لنا العيـن رفـت
...نجي قبل لا يرتد الطـرف للعيـن

 

[مرعي ونيس]

ياثقل هال عالم

ولا أحد بأحد

عالم