شقا..وتك

[مرعي ونيس]

سولف شف عيوني تسولف غلاوتك
.....حتى غيابك مـع حضـورك وشنّـه

عيوني ..اللي قبـل لاأعرفـك خاوتـك
.....وعرفنّـك وصـارن بجيتـك جـنّـه

دخيـل هالمبسـم لياويـن أحاوتـك
....الا غـــلاك أصحـك عليّـه تمّـنـه

سولف وأنا أتبـع بقلبـي شقاوتـك
......وتقـول: والمـوال ..وأقـول: غـنّـه

أحلف وقل أن غبـت والله لأموتـك
......وأنا أموتـك/ حـب.. والمـوت سنّـه

سولف عن احلامك هيامك حلاوتـك
......نـورك اذا نجـوم السمــا عايشّنـه

عن ..لهفة عيونك سهرك وعلاوتـك
.....عن ..قلب أخبـاره.. حنينـه ...وونـه

عن.. ضحكتك هاللي من القلب أروتك
.......نبـع القصايـد.. والعـروق نبضّنـه

عن.. عن كثير أشيا واشياء قوتـك
........علـى الفـراق الله يخــرب مطنّـه

سولف عيوني جت معاهـا غلاوتـك
.........الا الغـلا ياجيـت... أنـا لا تكـنّـه

 

[فيصل الكردي]

عن.. عن كثير أشيا واشياء قوتـك
........علـى الفـراق الله يخــرب مطنّـه

.

.

مرعي صح لسانك

قصيدة تنثر الجمال في كل مكان . .

 

[خلف المهيلان]

،، الغالي مرعي مبدع يالذئب / نص مدهش كعادتك ،،

/ ودي وغلاي / وتواضع مروري /
/ خ / م / ن

 

[نهار بن ممدوح]

القدير مرعي ونيس

صح لسانك

نص في غاية الجمال

وحضور فخم محمل بالشعر

لاهنت

 

[عبدالسلام السهلي]

القدير مرعي لافظ فوك كنت هنا كالبحر شكرا لقلمك

ودي واحترامي

 

[حاتم منصور]

أحلف وقل أن غبـت والله لأموتـك
......وأنا أموتـك/ حـب.. والمـوت سنّـه

عن.. عن كثير أشيا واشياء قوتـك
........علـى الفـراق الله يخــرب مطنّـه

سولف عيوني جت معاهـا غلاوتـك
.........الا الغـلا ياجيـت... أنـا لا تكـنّـه


وخالقي يامرعي

نص من أوله لأخره يصهل شعر

والقافيه دليل على ذلك

لله درك

وصح لسانك ملايين

تقبل إعجابي ومروري

ودي لروعتك

 

[ميــرال]

.


دائماً صباح العصافير والشعر يامرعي

اعجبني هذا الشطر العذب والعميق ببساطتهِ ورقته


أحلف وقل أن غبـت والله لأموتـك......

مختلف جداً

 

[جُمان]

مرعي ونيس ..

تُجيد اقتِرافَ الشِّعر بذات النَّكهة المُختلفة ، بذات نبضاتِ القلب المُربكة
حينَ تهادى على شَاكِلةِ غِناءٍ وبإحساسِ ضوءٍ يَقِظ ومُتمكِّن
أعجبني الرِّتم الخفيف لهذا الشِّعر وقافيتُهُ المُتقنة
وعذوبَتهُ الناضِحة


شُكراً لك

.
.