ماتت وهي تحتضن أغلى دفاترها

[أحمد المعمري]

المشاركة الأصلية كتبت بواسطة متعب النصّار

السلام عليكم..


الخبر:

وفاة خمس طالبات بسبب حادث مأساوي أثناء خروجهن من محافظة طبرجل إلى محافظة القريات
مسافة 150 كلم وهذا المشوار يبدأ يوميا وذلك لعدم وجود كليّة تربيه في محافظه يسكنها 75 ألف نسمه !!!

[poem=font="traditional arabic,7,purple,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]



جوارحي يافهد فاضت مشاعرها=مما جرالي تفجّر سدّها العالي
ولو ما إنحدر سيلها ماني بعاذرها=حزني طغى والخبر بالحيل قتالي
هات الدفاتر ولاتنسى محابرها=وأنسخ على أوراقها همّي وغربالي
من قصةٍ جوّضت قلبي مآثرها=قصّة فتاةٍ بريئه دمّها سالي
أكبر طموحاتها وأغلى جواهرها=حلمٍ سعت له ولو مشوارها طالي
مافكّرت بالحواجز لو تعثّرها=قوّ الإراده يخلّي دربها خالي
مير البلا من أمورٍ جابت آخرها=تعال وإسمع وش اللي صار بالتالي
قبل الفجر قامت تسرّح ظفايرها=تضحك ونور الأمل في وجهها يلالي
صلّت وجتها امّها تبغى تبخّرها=دعت لها وودّعتها ربها الوالي
وراحت مع الباص والعاده يأخرها=إلا إذا زوّد السرعه بالأميالي
بعد المسافه وضيق الخط كدّرها=ميّه وخمسين كيلو حالها حالي
وفجئه بلا سابق إنذار بمخاطرها=حادث شنيع إنتهت به كل الآمالي
ماتت وهي تحتضن اغلى دفاترها=هو من حفظ سرها في كل الأحوالي
كانت تزخرف على أوراقه خواطرها=في كل ليله لها قصّه وموالي
مثل الزهر حلمها غيمه وماطرها=لكن ظلمها الخريف وحظها مالي
وأسبابها مالها شيٍ يبررها=إلا الظليمه ومعها بعض الأهمالي
والمملكه عندها ثوره.. مصادرها :=الأيدي العامله مع روس الأموالي
وش اللي يمنع طبرجل لاتسايرها.؟!!=سكّانها مسلمين ودمّهم غالي
تعدادها لو بعض هالناس صغّرها=خمسه وسبعين ألف بوقتنا الحالي
إبنوا بها جامعه نسبه لحاضرها=ولا إفتحوا فرعها صرحٍ للأجيالي
اليوم دار السعود الخير غامرها=تكفى يابو متعب الموضوع قتّالي
نبغى تبنّى القرارات وتصدرها=حقن لدمانا وتخفيفٍ للأهوالي
عسى فعولك إله الكون يآجرها=ويجزاك عنّا وتكسب راحة البالي
جوارحي يافهد هذي مشاعرها=سبّة فتاةٍ قتلها بعض الأهمالي
قبل أمس كانت تسلّى مع دفاترها=واليوم تحت الثرى في رحمة الوالي[/poem]

دمتم سالمين

صح الله لسانك

الجميل انه لا زال ناس تحاكي امور المجتمع بقصايدها من امثالك

تقبل مروري

 

[مرعي ونيس]

متعب


مُتعب هذا الحزن الهاطل من مزن النصار

مُتعب حرفا يراود التعليق على هذا الألم

كل الشكر للشعر والشعور قلبك

ماأجمل الشاعر الأنسان

 

[متعب النصّار]

المشاركة الأصلية كتبت بواسطة نواف العطا

متعب النصار
حزينه هذه الاحرف وقد أكتساها الابداع .
رحمها الله واسكنها فسيح جناته وألهم أهلها الصبر والسلوان
وعسى أن ينظر بهذا الوضع ويتم فتح
ما تكبدن العناء من أجله .
شكراً على هذا الشعر السامي وهذه
الرساله ودمت بود .

نواف العطا


العفو يالغالي وشكرا لحضورك الأول




تحيّاتي

 

[متعب النصّار]

المشاركة الأصلية كتبت بواسطة سلطان خلف السرحاني

يا متعب هذي نقطه من بحر

مشاكل الطلاب والطالبات والمدرسين والمدرسات كثيييره بمملكتنا

واتمنى يلقوون لها حل عااااجلاً وليس آجلاً

صح لسانك

سلطان خلف


صح قلبك طال عمرك ولا هنت





تحيّاتي

 

[متعب النصّار]

المشاركة الأصلية كتبت بواسطة مي اللاّفي

ليتني لم أدخل الـ متصفح
أتعلم لم َ !!؟







لأن ّ هذا الـ نص ّ موجع
موجع
موجع





سلمت ياأخي


.

مي اللاّفي



جميعنا أحسسنا بما خالجك من شعور


لأنه نفس الشعور الذي أتانا أول مانزل الخبر


وللمعلوميّه هناك صور لم انزلها مع القصيده رأفه بأمثالك من الأنقياء






تحيّاتي

 

[متعب النصّار]

المشاركة الأصلية كتبت بواسطة حياه

..


جَميلة هذه الأبيات كَ حُزنُها الموجع
صح لسانك وَ لافض فوكْ
سلامِي لك
..

حياه


صح قلبك سيّدتي وشكرا لكرم حضورك




تحيّاتي

 

[متعب النصّار]

المشاركة الأصلية كتبت بواسطة عمر المسفر

.
.



متعب ياصديقي

تاتي بالبياض دوماً
وأنت شاعر تختصر بداخلك
الكثير من الأصوات والمجتمع
شكراً بحجمك وأهلاً


.
.

عمر المسفر


أفتقدت تواجدك ياصاحبي

أهلا بك وبمعرّفك




تحيّاتي

 

[متعب النصّار]

المشاركة الأصلية كتبت بواسطة ماجد العيد

أهلاً بك يا متعب ..
و جميل حسّك و حيث أخذك إليه ..
دعائنا بالرحمة لها و أعان الله على المصائب

ماجد العيد


هلا بك زود طال عمرك


شكرا لحضورك ودعائك الصادق





تحيّاتي