جـــــاذبـيـة التــنافــــر

[فايز بن جبيل]

على كل حال بمان الجرح والبلسم

.. طوينا الوقت وضيعنا الكثير ولا جنينا شي

 

[فايز بن جبيل]

كلهن بي مدري كلهن حولي

.. ضعت مدري وش اللي لي واللي عليه

كل جرحً اشوفه يشبه الزولي

.. وكل زولـــــــن لـــــــــــــفاني قــــــلت ياحيه

 

[فايز بن جبيل]

هي ها تي


سماح وعارفً اني انا مبطي عليك اخطيت

,, تعمدت الخطا وانته تحمل كل غلطاتي

انا توي صحيت امن الرقاد وجيت لك ياليت

,, تمعن بالحروف اللي تفسر كل زلاتي

انا اول خطاي اني حبيب وطيب وحبيت

,, وانا اكبر خطاي اني مشيت ابصدق نياتي

زرعت الطيب بعروقي وفا واحساس مامليت

,, وانا بعيني نظر طبعي وطبعي بكل نظراتي

اشوف الناس بعيوني ابد محدً ظميرة ميت

اجل وشلون اشوفك انت وانت اعز من ذاتي

لك الله يالغضي قلبي بنا لك بالحنايا بيت

,, حلف مايسكنه غيرك رغم كل اعتراضاتي

رغم عزت هواي اللي انا مبطي لها ذليت

,, دموعً ما انزفت بقسى المواقف فيض عبراتي

حبست الدمع بعيوني انا وجرحي وعنك اقفيت

., نسيت ان الدموع اصلاً اتخفف من معاناتي

من اول ماني ابعاجز لصد ولكن ان صديت

,, ترى الصده هي الصده ما رد البعد هيهاتي

 

[فايز بن جبيل]

القلب اخضر والسوالف بيض

,, والدم احمر واللحم علقم

والصورة اللي مالها تحميض

,,تقطيعها بين الورق اسلم

 

[فايز بن جبيل]

صالح ارجوك يكفي ما بقلبي امروه

.. داو قلبي مدامك الخوي القــوي

وين وجه التشابه بين جوك وجوه

.. حبلك اللي تمده وحبلي الملتوي

يا ابن عمي زماني ماعرفنا ابنوه

.. واجد الماء وانا اللي من التظما مرتوي

طحت في بير مدري اسفله من علوه

.. كل ماطا بجاله قام بي ايهــــــــوي

وان مدحتك قصيدي بك تشرف تنوه

.. لك ذبـــحت القصايد تقطع وتشتوي

 

[فايز بن جبيل]

جتني تقول ابقلبي انسان ثاني

.. من يومها وانا اتعوذ من ابليس

قلت الله اكبر وش بقى يا زماني

,, وراحت هواجيسً وجتني هواجيس

وشلون افسر دمعك اللي غشاني

.. ورسايلك ملي الورق والقــــراطيس


ان كان حبك صادقً لي يباني

,, وان كان ماهو صادقً ماني ابتيس

ليلى وعبلة مثلكن يالغواني

,, وانا انا لا ني بعنتر ولا قيس

ابشرك ما عاد قـــلبي يعاني

., جيتي ورحتي قبل لا احس واقيس

 

[فايز بن جبيل]

لا شي لكن عشرت احروف لازم
.. وبديت اعــ د اع د وعديت عـــــشرة
عشرة على عشرة اذا كـــــنت جــازم
..اظرب على الكايد اذا شفت قــــشرة

 

[فايز بن جبيل]

بيني وبينك بحـــــــــر اياتنا تبغـــــــا

.. واذا عبرت وقطعت احذر من الثاني

ينجي دعاء السفر يا موج لاتطغا

,, فرعون لو ماطغى ما راح غرقاني

ياناس وش يعجب البحار بالببغا

.. غير انه ايحس بالغربه بوجداني

شعور غريب مدري النفس وش تبغا

.. اتحس في غربت البحار وتعاني

هذاك انا وذاك انا واياتـــنا تبغــا

,, تلقاني بشعور ايا واحـــــد ً ثاني