أهلين

[خالد حمود]

،،،
عرف قدر الغدير اللي سحب رجله سراب اللال
........عبـادٍ ،،، شـغـلها نسـج الخيـال ،،، الله يشفيها
فرق مع كتف ردميّه بعد طـرقه ،،، يبي مقيال
........نسى المقيال ،،، واعجـبته خطـوطٍ قـام يعطيها

 

[خالد حمود]

،،،
سلامي خـذ سلامٍ مبـتدا ما هـو سلام اختام
..........يجي لـ المبتدا علم وخبر بـ افراح واحزاني
عـلى حـرٍ يحوم بـ غـيبة عـقابٍ لـو انّه حام
..........تشوف الحـر يترك صيـدته لو كـان جيعاني
تجسّد لـ الملا صورة عزيـز النفـس والمقدام
..........تبرهـن فطـنة الاول ،،، وتـثبت سطوة الثاني
وانا ماني من اللي يرفع بـ وجه الرفيق حسام
..........انـا ارفـع معـنويـّاتـه ،، ولا ازعـل لـ تعدّاني
مدام انّه عـلى خبـري ،، إلامـن قـلت له قدّام
..........حضـر قدّام ،،، ما يرجع ورا لو كان ما كانِ

 

[خالد حمود]

،،،
عـام الاوّل صـاحـبك غـرّته كـذبة ابليس
..........دربه اظلم ،،، ما لـقى من يولّع له كبوس
يحسب الجوهر مزيّف لقى الجوهر نفيس
..........والنـفيـس من الجـواهـر يـفادى بـ النفوس
ارفع النظـره سما واعـتبر من درس قيس
..........ما صفت لـ الانبيا والدهـر يعـطي دروس