مركى وسوالف

[موضي]

جئت وأنا معبأة بالحديث ولكنه نام قبل أن أنام ! استلقى على جانبي عقلي ويتقلّب كالنائمين وأما أنا أشعر بوخزه وألمه وتقلبه وأسكت لأنه نائم فقط !.

 

[موضي]

خالد وأحمد : ليه ضي تحس إنها تنتهي بدونكم !؟





::

 

[موضي]

خلاص عطللللللللت ( ايقونة تمغط ) ميزة العمل في الهجر البعيدة إننا نخلص قبل ياهو شعور جميل
تخلص بعد كرف طويل وقبل الموعد زيادة
ومعها صرت وحدة عجاازة وحتى عن الحتسي ، ومع اليورو بس تسدح ورحت أنا ويوفا وقضينا بخمس مية مبهجات على قولت غادة وياسلام اجازة ومباريات يورو وتبطح وتسدح وافلام ( فيس منسدح وحاطن رجل فوق رجل )

 

[موضي]

من العجز اللي فيّ جوعانة ماكلت شيّن أبد ومتعيجزة أقوم واروح للمطبخ وأشوف وش فيه وهمن اسوي لي شيّن آكله ياطوول هاللفة بس .

أمس تركت فرنسا وصرت مع الماتادور عشان بس البرتغال ماتصعد للمباراة النهائية ، لأن فرنسا بمستواها الهزيل مستحيل تفوز

اليوم الازوري امام تحدي قوي في مباراة نارية بس وش الفايدة اذا فازت لعبت مع المانشافت ! شي يقهر وفي هالبطولة البرتغال فريق محظوظ جدا جدا جدا

قضى بنزيمي بذلت مجهود :d

 

[موضي]

يالله على المباراة اليوم ، يالله على الازوري ، يالله على بيرلو وعلى بوفون ودي روسي وجيرارد وجون تيري ، الانجليز كانوا يبونها ركلات ترجيح بحكم إن ايطاليا حظها أسود جدا في هالموضوع بس بوفون ورفاقه كسروها وكسّروا خشوم الانجليز .
- بيرلو أخذ أحسن لاعب في المباراة وهذه الثانية له الاولى مع كرواتيا
- شيفشينكو كان حاضر وهنأ الايطاليين وتكلم مع بيرلو وخذ قميصه أكيد تتهنيهم يابن الميلان
هالمباراة يبي لها قعدة وتوثيق

 

[موضي]

ياولد ياولد ياحريف ياولد من ركلات الترجيح إللي مايكررها إلا الكبار

- في اليورو من أجمل المباريات : الأزوري والماتادور في الأدوار الأولية
ومباراة بولندا وروسيا هالمباراة مجنونة بحق كل مافيه يتكلم حتى الملعب ! مباراة الاستعمار والثأر وانتهت بالتعادل
ومباراة الأزوري والانجليز في دور الثمانية
ومباراة السويد والانجليز وجنون ايبرا ، ومباراة السويد بعد ضد اوكرانيا مباراة ايبرا وشيفشينكو
- في عالم الكرة الحديثة المباريات الأولية اللي تكون مفتوحة ولعب حماسي هي منتخبات تلعب من غير تكتيك مطلقا ، لكن شكرا لهم لأنهم أمتعونا نحن الذين من قديم نتابع الكرة قبل أن يدخلها عالم التكتيك والحذر وشكرا لبيرلو وبوفون وشيفشينكو وايبرا إللي رجعونا لفكرة شخص يقدر يبعث الروح لفريق بأكمله
- كان يُفترض تصعد اوكرانيا وكرواتيا وهولندا بدل التشيك والبرتغال واليونان
- ايبرا استطاع أن يحمل منتخبه على رأسه ويحاول أن يصعد به لكن لوحده فلم يستطع ، السويد منتخب فاشل جدا ووجود ايبرا أصلا غلط بنظري أنا .



هنا هدفه المجنون ضد فرنسا ، عبود يحاول يسوي زيّه مار أقول تبطي عظم أجلس بس لايتعوقلن رجيلاتك



::

 

[موضي]

للأزوري عذرا اليوم ما أتمنى إنك تسجل وتفوز .
+ يخرب بيت العدو كل بزارين العيلة أنكبوا على المانيا كن مافيه إلا هو وكل هذا عشاني أشجعه أقنعهم بأسبانيا وايطاليا بس متنحين وكنهم يفهمون في الكورة شي اصلا يهجون ويجون شوي وهاتك أسئلة : من اللي لابس أبيض ؟ كم النتيجة ؟ من إللي جايب هدف ؟ وين مسي عاد هنا أطنقر وأطردهم شرّ طرده .


::

 

[موضي]

"لكل منا أب آخر والسعيد منا من يكتشفه."*
هذا ماقاله نجيب محفوظ وهذا النجيب الذي يعلمني كيف أتماهى عافية وسقم في آن متى ماعدت أقرأ له ، مؤلفاته شيء عزيز أسعد بحوزته وقراءته ودائما ما أقول : من لم يقرأ لنجيب محفوظ فلم يقرأ شيئا من الأدب العربي الحديث .
هنا نجيب أخبرني لما أنا تعسة ! ولما هو ايضا تعس ولما ثلة من البشر تعساء ، أخبرني أن نكتشفه لا أن نجده والاكتشاف مختلف تمام الاختلاف عن الايجاد ، الاكتشاف يحتاج لصدفة وربما لمعجزة لذا هو ليس بالهين مطلقا فقال " والسعيد " ولم يقل مثلا : الفَرِح ، المحظوظ .



::