سوالف عرب على جال (نقدهم) *

[عبدالعزيز رشيد]

قصيدة أرسلها الشاعر:محمّد أبودباس من بلدة العودة بالسدير لإبنه في عُمان:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ونةٍ ونيتهـا مـن خـوى الـراس=من لاهـبٍ بالكبـد مثـل السعيـره
ونين من رجله غـدت تقـل مقـواس=ويوّن تالـي الليـل يشكـي الجبيـره
ويا حمس قلبي حمس بـنٍ بمحمـاس=ويا هشـم حالـي هشمهـا بالنجيـره
ويا وجد حالي يا ملا وجـد غـرّاس=يوم اثمرت واشفا صفـى عنـه بيـره
من ثمر قلبـي سـرا هجعـة النـاس=متنحـرٍ دربٍ عسـى فيـه خـيـره
الله يفكـه مـن بـلا سـو الاتعـاس=ومن شـر عبثـات الليالـي يجيـره
فى ديـرةٍ تقطعـت عنـه الارمـاس=سبعيـن يـومٍ للركـايـب مسـيـره
لا والله إلاحـال مـن دونـه اليـاس=حـط البحـر والبـر دون الجزيـره
يالله ياللـي رد مـن عقـب ما يـاس=يوسف على يعقوب وابصـر نظيـره
ترد على دباس يا محصـي النـاس=يا عالـمٍ مـا بالخـفـا والسـريـره
يا دباس أنا بوصيك عن درب الادناس=ترى الـذي مثلـك يناظـر مسيـره
عليك بالتقوى تـرى العـز يا دبـاس=فى طاعة اللـي مـا ينجيـك غيـره
هاذي ثمان سنين من رحـت يا دبـاس=لا رسالـه جتنـي ولا مـن بريـره
يا دباس من عقبك ترى البال محتـاس=وعليك دمـع العيـن حـرّق نظيـره
وعليك كنى فى دجـا الليـل حـراس=أصبح على حيلـي وعينـي سهيـره
أصبح انا مابين طـاري وهوجـاس=وطـواري تطـري علينـا كثـيـره
مثل الوحش قلبي على كـف حبـاس=يكفخ كمـا طيـرٍ اسبوقـه قصيـره
متحيرٍ من عيلـه البيـت يـا دبـاس=ارجى ثـواب الله وأخـشى المعيـره
أخاف من حكي العداء ثـم الانجـاس=أهـل الحكايـا الطايلـه والقصيـره
ويقال خلا عيلته عـنّـز الـراس=أقفـى وخـلى عيلـةٍ لـه صغـيـره
والا فأنا يا بـوك قطّـاع الارمـاس=مانيب مثبـورٍ أو رجلـي كسيـره
آصلك لو دونك نبا حمـر الاطعـاس=الصلـب والصمـان دروب عسيـره
مهالـك مـدارك مـا بهـا أونـاس=ألا الثعـل والبـوم تسمـع صفيـره
لو كنت فى نزوى وديرة بنـي يـاس=أهـل المـوازى والوجيـه الغبيـره
عبّـادة الاصنـام شرّابـة الـكـاس=الخمـر والتنبـاك فيهـا وغـيـره
لركب على وجنا من الهجن عرماس=فجا النحـر يا دبـاس حمـرا ظهيـره
متروسة الفخذيـن مزبـورة الـراس=كن الخلاص عيونهـا يـوم أديـره
أو شبـه ربـدا تخـفّـق للأونـاس=وان رفّعـت جنحانـهـا مستـذيـره
تنشر من العوده على نـور الانفـاس=عند الفجـر والليـل مقفـي مريـره
والعصر بالصمان تسمع لها اضراس=حبل الرسـن خطـرٍ تبتـر جريـره
نهـار ثالـث بيـن حمـا الاوراس=واره يمينـك جعلهـا لـك سفـيـره
ثـم أركـب ساجيـة تقلـب الـراس=تمشي بأهلها فـى البحـور الغزيـره
إلى مسقط الفيحاء بها الخير محتـاس=لولا الكفـر والشـرك واوي ديـره
عز الله انها ديرةٍ مالها أجناس=لولا بها يعبد مع الله غيره
لولا بها يشرك علي وعباس=وأيضا بها الفاروق سبّه بريره
فيها الطبيخ وراهي الخبـز يا دبـاس=يقعد خـوى الـراس خنـة خميـره
هى ديرة اللي باغـيٍ كيفـة الـراس=ولا له أحد همه مـن النـاس غيـره
هيسٍ ولد هيسٍ للمواعين لحّـاس=يفـرح إلـى نيـدي لذبـح النحيـره
وماقفك ذا يا دباس مـا فيـه نومـاس=يصلـح لقيـنٍ مهنتـه طـق زيـره
ترى الفداوي دون وانشد الناس=راعيـه مـا يذكـر بمدحٍ وغيـره
ماله سوى طق الحنك منـه واليـاس=وليا انقطع خرجه فـلا لـه ذخيـره
طلب المعيشه بالحراثـه والاجنـاس=المشترى والبيـع يوصـف وغيـره
قم انهض العيرات مـع كـل فـرّاس=يـا دبـاس دوّر خـيّـر تستشـيـره
جدك وعمانـك هـل العـز والبـاس=أهـل اللـوازم مكمليـن القصيـره
يا دباس ما يصبر على البق والحـاس=ألا الـذي مالـه بنـجـدٍ عشـيـره
واليوم يا مـروي شبـا كـل عبـاس=أنـت الرجا يـا كعام وجه المغـيـره
عشرين عامٍ كلها أرجيك يـا دبـاس=مثـل الغريـر اللـي تولـع بطيـره
عد المناكـب هيلـعٍ فـرخ قرنـاس=يمناه فـى لطـم الحبـاري شطيـره
عانق خلوجٍ روّحت عقـب مـرواس=عنـد العصيـر لبيضهـا مستذيـره
والليل جاها وحال من دونهـا اليـاس=روحها علـى فرقـاه فـرت فريـره
يا دباس أنـا يابـوك مانيـب بـلاس=ميـر ان عيـلات الرفاقـه كثـيـره
جنبت وسط السوق وامشي مع الساس=وأخذ شوي الحـق واتـرك كثيـره
يا دباس لو جبت من دحب الاكياس=مختلفـةٍ مــا بـيـن رزٍ ونـيـره
مالـي بهـا يا جعلـها بألـف قبـاس=أو جعلهـا تذهـب ولـو هـي كثيـره
يا دباس قلبي كل مـا هـب نسنـاس=شرقيـةٍ هبـت بقلـبـي سعـيـره
والحال يا فرز الوغى مسّهـا البـاس=عليـك يـا ناطح وجيـه المغيـره
وغصون قلبي يا فتى الجـود يبّـاس=غادٍ أنـا يابـوك كنـي هشيـره
مـن شافنـي يقـول ذا فيـه لسّـاس=واللـي بـرى حالـي إلهـي خبيـره
لا وعلا من قبـل غـوّال الانفـاس=ومفـارق الدنيـا يجينـا بشـيـره
عسى يطق البـاب والنـاس غطـاس=يا والـي القـدرة عليـك اتعبـيـره
وصلاة ربـي عـد ماهـب نسنـاس=على النبـي عـدة حقـوق المطيـره
.[/poem]

وهذا جواب ابنه:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حي الجواب اللي لفانـا مـن الـراس=جابـه غـلامٍ مـا توانـى مسيـره
اهـلا هلا عد مـا حبـك قرطـاس=أومـا كتـب فوقـه بيـوتٍ شطيـره
جواب منهو لي مـودٍ مـن النـاس=ابوى مـا يوصـف حلـيٍ لغيـره
فرز الوغى كنه على الوكر قرنـاس=قـروم ربعـه كلهـا تستشـيـره
دليل عيـراتٍ ليا هـب نسنـاس=ثـم ادلهـم الجـو ومابـه ذخـيـره
مهفي الغنم لاهل الركايـب والأفـراس=لا روحوا له فلا عليهـم قصيـره
راعي معاميلٍ بهـا العبـد جـلاس=للبن يشـري بالسنيـن العسيـره
هاذي بمركاها وهاذي بمحمـاس=وهاذي يصبـه للوجيـه السفيـره
وخلاف ذا يا راكـبٍ فـوق عرمـاس=مامونةٍ من نقـوة الهجـن عيـره
حمرا وهي فى سنها وقـم الاسـداس=متوسط لا فاطر ولا هـى صغيـره
ماهي لحوحٍ راكبه بالعصـا قـاس=حرّم عليهـا غيـر شيـل النقيـره
والخرج هو وبيـوت قيـلٍ بقرطـاس=مـع مزهـب الأيـام ما هـي كثيـره
وفوقه غلامٍ منـوته قطـع الارمـاس=لـو هـو بليـلٍ ما تغيـر نظيـره
وليا لفيت الدار فاجهر بالاحسـاس=وبلغ سلامـي كـل ذيـك العشيـره
وختص ابوي اللي نفل جملة النـاس=وخصّه بعلمٍ وقـل ترانـي بشيـره
لا يا نقى العـرض يا بـوي لابـاس=ان كان تشكـي الضيـم فأنـا اسيـره
وان سايلك عنـي ترانـي بنومـاس=وأنا أحمد اللي مـا توسلـت غيـره
الحمد لو يشـرى شرينـاه بأكيـاس=بأموالنـا نرخـص نـدوّر الستيـره
مطرق فنرجـيٍ مضاريبـه الـراس=ومصلبـخٍ جبتـه عسانـى ذخيـره
من صنع نصرانيٍ مشـروبه الكـاس=يذكر ورى جـاوه بعيـدٍ مسيـره
أبغيـه للـي حادينـك علـى السـاس=اهـل النمايـم والحكايـا الكثـيـره
ربعٍ نـووا فيـك الـردى والتخسـاس=مهبول ياللي قـال غايـبٍ عشيـره
علي ديـنٍ لأودع الجمـع ينحـاس=لين العشيـر يقـوم يلعـن عشيـره
يا بوي انا ما رحت لكيفت الراس=مع ذا ولانـي فـى سفـاهٍ أوغيـره
أما سكنا الدار مـن غيـر هوجـاس=وألا نعـاف الـدار وندوّر غـيـره
كلـه لعينـا كلمـةٍ قلـت يا دبـاس=تشكي وأنا دونـي بحـورٍ غريـزه
خذ لك يمين الشرع قطـاّع الأنفـاس=انه فـلا جتنـي علـومٍ بصيـره
لانيب جانـي ولا حبـرٍ بقرطـاس=ايضـا ولا جتنـي علـومٍ سفيـره
ان كان تشكي الضيق يا بوي لاباس=جاك الفرج يا بـوي هـو والبريـره
ولا فأنا يـا بـوي قطـاع الأرمـاس=اصبر على الشدة ولو هـي عسيـره
يا مسندي يا بوي شف اوكد النـاس=ثم أنشده قل ويـش هو في مسيـره
ان كان ما يفرح صديقـك بنومـاس=تحرم علينا اللي نهـوده صغيـره
مدلول مجهـول زها زين الالبـاس=بنت الذي يثني ليا جـت كسيره
طارٍ يقول اظهـر وطـار بجـلاس=قمت اشرب التنبـاك واثـره نكيـره
ابغى عسى الله يبرد القلب يا نـاس=من لاهـبٍ شبـت بقلبـي سعيـره
ومن كان له غايبٍ فلا يقطع اليـاس=ان قدّر الله جـاب علمـه بشيـره
.[/poem]


.
عنّي كما يقال عن طرفة بن العبد:"هو أجودهم واحدة" يعنون بها معلّقته أجد قصيدة أبودباس كذلك بالنبطيّ

 

[صالح العرجان]

صباح الخير عبدالعزيز رشيد

لـ التنويه

لو تتبعت قصيدة الأب لوجدت ان الابن لم يكن في عمان بل الأقرب انه كان بـ احد جزر اندونسيا
اعد قراتها مره اخرى يتضح لك ذلك

ايضاً في رد الابن
هناك أبيات ان قبلتها القصيده ما يقبلها الواقع
ببيته اللي يقول

راعي معاميلٍ بهـا العبـد جـلاس
للبن يشـري بالسنيـن العسيـره

هاذي بمركاها وهاذي بمحمـاس
وهاذي يصبـه للوجيـه السفيـره


والمعروف انهم من أهل القرى وأغلب وقتهم بالزرع لاهين عكس أهل البادية اللي اشتهر وقتهم كله بقربه من الدلال


متابع من عرض متابعين

 

[صالح العرجان]

الركايب بين الماضي والحاضر بعيون الشعر


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

راكب اللي ما وصل من بلد بــــــــوش = عليه لليابان رمز ومـــــــــواري

vxr اسمه على الباب منقــــــــــوش = مصممينه للمدن والصحــــــاري

شكل الجناح بموخره تقل طربــــــوش = ماهو مرهم بالمحل التجــــــاري

لاناشته رشه ولادق شاكـــــــــــــوش = ولا دار ويله بين بايع وشــــاري

نزل من الميناء على ساحة الــحوش = بناخي الكزس عدو السفـــــــاري

يزعل من النمره إليا ناشته نــــــوش = وعند الدبل يعلن ظروف الطـواي

مثل الشجيع إليا اعتلا هزت الـهوش = وهز القناة وقال يابا الثــــــواري

واليا اشتغل واقف تقل ينقد قــــروش = صوت المذيعه بالقرار الــوزاري

يسرح صلاة الصبح من حي بدغوش = اليا طرالك بعض الأحيان طـاري


[/poem]


****


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


الونيت إللي يبا مشتل البيب = ما دق صدره بالخطوط الغزيره

يوم يتخثع في محير الاداعــــــــيب = يشدي تخثع جادل في حــــريره

لا تجربونه ما يبا ((الفرت)) تجريـــب= قد جربه بالبيت الأبــيض خبيره


[/poem]

****

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

راكب اللي لامشى الخط الطويل=لومشى يومين ما جاب الملل

اسمحوا لي باصفه وصف قليل=عقب وصفي يا عسى دربه سهل

اقصد gx-rما غيره بديل=لعنبوا من صممه لين اكتمل

امدحه وان ما مدحت آخر مود يل=وايش بابمدح موتر غيره اجل

وارد اليابان ماجا له مثيل=اقطم في السوق ما مثله نزل

كحلي لونه مثل زبده صميل=وارثم خشمه مثل خشم الفحل

لون زيكه لمعة السيف الصقيل=لمع برق في خيال منهمل

والعلامة لاسرى مثناه ليل=في جبينه كنها كوكب زحل

والإشارة لونها جمر كليل=يتلالا مثل منتوج النحل

والخطوط بشاشة صفة فصيل=تزهر أرقامه مثل ورد النفل

والازره داخل الكشن الجميل=دائرية حجمها كبر الهلل

ويتهزأ مثل نقاض الجديل=منوته مثناه خط لنسحل

ويتنهض لبرمه في القاع ويل=وان بغيته يعتلي راس الجبل

كن تشيله عن عزاز الأرض شيل=فيه من قدام دفرنس الدبل

اسود كنه حصاه من حجيل=للنفوذ مصممينة والوحل

ما ورد مثله مواتر مستحيل=أن رضي راعي السفا ري وان زعل

الجيوب أوصافها في الرأس خيل=من خويه جيب ماجاه زمل

افترد عبد اللطيف ألهن وكيل=وعامل اليابان وانصح في العمل

فوقها اللي لامشى الغد راء دليل=ويتحمل للشقا مثل الجمل

في لزومي عن طريقه ما يميل=ولانخيته ما تمشى بالمهل

حوله مع حافة الضلع المهيل=لين عنه طويق قدام انعزل

باسمح له يا عسى جاله يسيل=لاسمح له زيد سواقه وصل

ولاتساوى مر مرات يعيل=ولاتعدى من وراء شقراء عدل

ثم تنهض مابقي لوكان ميل=داخل الطبلون والخط النحل

وشد حيله مابقى في الحال حيل=لين ضاق الكون جا كبر الدحل

والهواء عن رفرفه جاله شخيل=راسي ومرسيه عرض العجل

المراكز ما تعرض له سبيل=خابرينه عن هدفهم مستقل

ثم تنصى الأصيل ابن الأصيل=لاوصفته فاصفطه قدم المحل

تاجد اللي داخل المجلس ثقيل=ولاتكلم ما تلفظ بالزلل

الكرم تلقى أوله بن وهيل=والسوالف والحجاج المسفهل

والشبب ومعز بك ذباح حيل=تفعله يمناه لاجاها شلل

قل لبو فهد كساب الجميل=وايش رأيك ندرج اسمك في السجل

غنوا الشعار ومرير الحبيل=تيحت الفرصة لرجال يحل

واستلم ما قيل واجني بالحصيل=واركب المبروك وارجع لي عجل



[/poem]

****
في وصف الأبل

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


راكب اللي مـا يعـوزه تواصيـف=حمراء تورد به ليـا سـرب الـلال

قب الضلـوع وطولهـا بالأطاريـف=شقرا شعر به من تحت تقل سروال

يزال جفله للخلاوي علـى الكيـف=عاقل تحض المزهبه ليـن تشتـال

ويروحـه مـع وادي ذل ومخيـف=ركّابها عـده عـن الجيـش خيـال

ويا درهمة تشدى سريع الشواحيف=يكتلـه مـوج ٍبعيـد عـن الجـال

منوة غريـب دون حيـه مياهيـف=اللي من الثنتين يامـن بـه الـذال

تلفـي لربعـي نازليـن الأطاريـف=نزّالة الحـزم المطـرف ليـا سـال

ربعي هل الطولات وتكـرّم الضيـف=ربعي هل الردات ماضيـن الأفعـال

بتفرّق الشوفـات ياحيـف ياحيـف=الله لحـد ماطـاح بالفكـر رجــال

الفكر ساس الحظ والفعـل بالسيـف=والعـز بجمـع الرفاقـة والأفعـال

وليا ضاع فكرك شاور اهل المعاريف=الله جعـل لمـدوّر الفكـر الأسيـال

ولا تشاور إلا من يخوّفك ويخيـف=يتيه راي مشـاور البايـه الضـال

ولا تطيع مقرود ٍ يدربيـك بالهيـف=وليا سرا بك قبلـة تصبـح شمـال

بير العيا من طببه قيل مـا شيـف=همج ٍ ولا عمره ظهر منـه حيـال

وصيّور ما للقالات تاتـي مناكيـف=وتصير كسبات الفشايل لمـن عـال

ياناس بقنـا الله بكثـر المحاليـف=هو الذي عنـده ميازيـن الأعمـال


[/poem]


****


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا راكب اللي تقل تداري من ايده=حمرا على السند اخروم يشوعي

حمـرا تدنّـا للديـار البعـيـدة=عمال ما جارت عليها القطوعـي

ركابها يوصل سلامـي امكيـدة=حبه مخلي بالضمائـر مزوعـي

كلٍ نهـار العيـد عايـد وديـده=وأنا نهار العيد عيدي ادموعـي

ياناس هنيـت القلـوب البليـدة=ما ولعنـة زاهيـات الردوعـي

جو جمع من كل سمـويٍ بديـده=وجان البلاء من ذهيبان النجوعي

الرأس ذيل اللي تلـوج بحديـده=شقرا ترادي من هواها الفزوعي


[/poem]


****



[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

يا راكب حمرا من الجيش مرعـاب=طويلـة الساقيـن مثـل الـزرافـه

ما ضربت عند الشرارات بضـراب=ابوه وحش هـي كاسبينـه حيافـه

بين الرباع وسنها وبيـن الانيـاب=ومحيلينـه ليـن زيــن عسـافـه

وليا روحه مع سهلة تلعـب ألعـاب=تاطا علـى مثـل المجيـدي خفافـه

يقصر رسنها ويدب الجيش بـاداب=مثل الطموح اللـي تزايـد اعيافـه

تسهم على الممشى كما يسهم الداب=وتنـف برطمهـا وللذيـل سـافـه

وعلى السنود مضريه توثب اوثـاب=عين العديم اللـي يشـوف الجنافـه

وليا ركبها الشيـخ والغـزو كسـاب=وحكـوا مطـراش الأهـل والكيافـه

كثيرهم يلفي علـى اللـي تقـل داب=وهروجها مثـل وشيـش الحضافـه

لجه مثـل معـارك الذيـب وكـلاب=والذيب منهـم خاطـف لـه خطافـه

زوله طويل وغاربه تقـل مصـلاب=ومن طول زوله صايـر بـه هدافـه

وليا جت بالسايه تقل مشـي دولاب=حسـه طويـل ولاتهـاب القنـافـه

والشيخ يلفي على وضـاح الانيـاب=بنت الشيوخ اللـي تبـارق رهافـه

بنت الشيوخ اللي خواله له انسـاب=اعطوه (نوره) من سخاهـم مرافـه

يا شبه وضحا به دباديـب واجنـاب=اللـي يحطبـه الجـرس والكتـافـه

ما شفت (نوره) مع اجانيب واصحاب=ولا تنتوصـف عايـزات اوصافـه

يا عود مـوز بـه الريـح تنسـاب=يازيـن ياهـب الهبـوب انتسافـه

[/poem]


****



[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

يا راكب اللي كنها سلوع الذيب =حمرا ولا عم الحوير غذي به

حمرا وتكسر من عياها المصاليب=حمرا وتوه في جهلها منيبه

[/poem]


***

أكيد ان البل أغلى علي من ركابة الجيب لذا ودي لو أوفيت لحقهن بعض شيء

قصيد الوصف بالابل لـ [ أبو زويد ]
يا عنك ما يغليهن إلا من يشفق على شوفهن

 

[عبدالعزيز رشيد]

هلابك:صالح ..
"أسعد بالنقاش معك"

ابن أبودباس في عمان واستلم الرسالة في عمان وان عدنا كما قلت سنجد القصيدة تؤكّد ذلك كما في هذا الشطر "لو كنت فى نزوى وديرة بني ياس" نزوى وديرة بني ياس كلّها في عمان وأكّد ذلك بقوله"إلى مسقط الفيحاء" أين الجزر التي تشير إليها القصيدة؟,حتّى وصف الطريق لم يبيّن ذلك

وبخصوص البيتين بالعكس أخالفك الرأي لاأرى وجه دقّة في كلامك لامن قريب ولامن بعيد,اعتراضك على البيتين في قوله:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راعي معاميلٍ بهـا العبـد جـلاس=للبـن يشـري بالسنيـن العسيـره
هاذي بمركاها وهـاذي بمحمـاس=وهاذي يصبـه للوجيـه السفيـره
.[/poem]

هل يعني كلامك أن أهل القرى ألهتهم الزراعة عن الدلال لهذه الدرجة؟ إذا ماقولك في أشهر قصيدة عن "القهوة" لمحمّد القاضي وقول الشاعر خضير الصعيليك في ابن حيدان التميمي؟؟ بل إنّ المعروف أنّ صاحب المزارع إن كان ذا جاه وغنى ومكانة يكون أقرب إلى مجلسه ودلاله والغروس أمرها لأبنائه ولمن يعمل عنده والابن عنى ذلك في البيتين

 

[صالح العرجان]

المشاركة الأصلية كتبت بواسطة عبدالعزيز رشيد

هلابك:صالح ..
"أسعد بالنقاش معك"

ابن أبودباس في عمان واستلم الرسالة في عمان وان عدنا كما قلت سنجد القصيدة تؤكّد ذلك كما في هذا الشطر "لو كنت فى نزوى وديرة بني ياس" نزوى وديرة بني ياس كلّها في عمان وأكّد ذلك بقوله"إلى مسقط الفيحاء" أين الجزر التي تشير إليها القصيدة؟,حتّى وصف الطريق لم يبيّن ذلك

وبخصوص البيتين بالعكس أخالفك الرأي لاأرى وجه دقّة في كلامك لامن قريب ولامن بعيد,اعتراضك على البيتين في قوله:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راعي معاميلٍ بهـا العبـد جـلاس=للبـن يشـري بالسنيـن العسيـره
هاذي بمركاها وهـاذي بمحمـاس=وهاذي يصبـه للوجيـه السفيـره
.[/poem]

هل يعني كلامك أن أهل القرى ألهتهم الزراعة عن الدلال لهذه الدرجة؟ إذا ماقولك في أشهر قصيدة عن "القهوة" لمحمّد القاضي وقول الشاعر خضير الصعيليك في ابن حيدان التميمي؟؟ بل إنّ المعروف أنّ صاحب المزارع إن كان ذا جاه وغنى ومكانة يكون أقرب إلى مجلسه ودلاله والغروس أمرها لأبنائه ولمن يعمل عنده والابن عنى ذلك في البيتين

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لا والله إلاحـال مـن دونـه اليـاس=حـط البحـر والبـر دون الجزيـره

آصلك لو دونك نبا حمـر الاطعـاس=الصلـب والصمـان دروب عسيـره
مهالـك مـدارك مـا بهـا أونـاس=ألا الثعـل والبـوم تسمـع صفيـره
لو كنت فى نزوى وديرة بنـي يـاس=أهـل المـوازى والوجيـه الغبيـره
عبّـادة الاصنـام شرّابـة الـكـاس=الخمـر والتنبـاك فيهـا وغـيـره
لركب على وجنا من الهجن عرماس=فجا النحـر يا دبـاس حمـرا ظهيـره
متروسة الفخذيـن مزبـورة الـراس=كن الخلاص عيونهـا يـوم أديـره
أو شبـه ربـدا تخـفّـق للأونـاس=وان رفّعـت جنحانـهـا مستـذيـره

إلى مسقط الفيحاء بها الخير محتـاس=لولا الكفـر والشـرك واوي ديـره

طلب المعيشه بالحراثـه والاجنـاس=المشترى والبيـع يوصـف وغيـره
.[/poem]




تنشر من العوده على نـور الانفـاس
عند الفجـر والليـل مقفـي مريـره

والعصر بالصمان تسمع لها اضراس
حبل الرسـن خطـرٍ تبتـر جريـره

نهـار ثالـث بيـن حمـا الاوراس
واره يمينـك جعلهـا لـك سفـيـره

ثـم أركـب ساجيـة تقلـب الـراس
تمشي بأهلها فـى البحـور الغزيـره




بدء الرحله من [ العوده ] وهي من قرى القصيم مروراً بـ [ الصمان ] وبعدها [ حما والاوراس ]
ثم ذكر انه يركب [ساجية ] وهي لفظة تعني [ السفينه ] واكد بذلك ما قاله بعدها انها تقلب الراس لـ دوار البحر

هل بإعتقادك ان الطريق [ للعمان ] من [ القصيم ] يحتاج لركوب [ البحر ] حتى يصل لها !!!!!!!

وبأول بيت مما اقتبسته يؤكد ان البحر قد حال بينه وبين الوصول لولده

لا والله إلاحـال مـن دونـه اليـاس
حـط البحـر والبـر دون [ الجزيـره ]



هذا في ما يخص ذكري بان ولده في جزيره من جزر اندونسيا وذلك لان عمان كانت ميناء كبير وذات سيطره وسياده
عسكرية [ وتجارية ] في البحر

 

[صالح العرجان]

وعن ما ذكرته بخصوص الأبيات التي تعني [ المعاميل ]

انا هنا ما اجحفت حق أهل القرى من الطيب والكرم أنا تعاملت مع ظروف القصيده كامله

[ حيث انها الوحيده التي عرف بها أبو دباس وولده ولا يوجد ما يدل على غير ذلك من تأكيد تاريخي او حتى نقل
هو شخص رويت عنه هذه القصيده لهذا الموقف ثم توقف الزمن عند ذلك ]

يعني ان صاحب [ الدلال والمعاميل ] يبقى ذكره حي كما أوردت أنت مثال [ القاضي ] وهو بس وصف القهوة
وليس من من إشتهروا بدواوين وقد تاب أخر عمره واشتهر بابيات الحكمة والموعظه



هذا والله أعلم

 

[عبدالعزيز رشيد]

ياهلابك صالح ..

أوّلا: للتنويه قرية "العودة" من قرى السدير
ثانيا: السفر عبر البحر أسرع من البرّ والكثير من أهالي نجد كانوا يصلون إلى سواحل الخليج للسفر بحرا لعمان تفاديا لطريق البرّ الأبعد,وكنتَ قد استدلّيت بماترى بأبيات الأب بالرغم من أنّ الأب قبل وصف الطريق قال ذكر ديار بني ياس ونزوى ومن ثمّ ابتدأ بوصف الطريق,أعود وأكرّر الطريق إلى عمان القديم لم يكن كلّه عبر البرّ وحده بل إن أغلبه عبر البحر وإن كنت قد لمحت تلميحا رأيته يشير إلى جزر ففي القصيدة تصريحٌ يقودنا إلى عمان عوضا عن ماهو معروف في نجد أنّ الولد كان في عمان

 

[عبدالعزيز رشيد]

بخصوص ماذكرت حول "الدلال والمعاميل" أبودباس معروفٌ أنّه كان ذا مكانته في بلدته إلى أن رحل إبنه وانقلبت عليه الأحوال ولذلك ذكر ابنه ماكان عليه وهو مألوف في كلّ القرى لذوي المكانة,وبخصوص مثال القاضي لم أعني القاضي نفسه ووحده بل إن وصف القاضي يدلّ على وجود تلك العادة ويقرّ كما ذكرها خضير الصعيليك عند ابن حيدان