هات لي قصيدة وعلاقتك الـ شعريّة معها

[عبدالعزيز رشيد]

لـ : عبدالمجيد الزهراني

كنت قد قرأت النصّ في جسد الثقافة . بالطبع أشعار عبدالمجيد الزهراني متناقضة جدّا جدّا . تجد منها :السيّء , الجيّد,الرائع,المبهر,المبكي,المُضحك,المحزن, وشيء ماله داعي,وشيء له كلّ داعي . الذي أثار انتباهي أنّ هذا النصّ لم يتواجد في الكثير من دواوين الشاعر نفسه ,هنا وهناك.في النصّ حالة معقّدة تحكي عن حالة معقّدة جدّا وغريبة لاتكاد تثير اهتمام الشعر . قد يراها الشعر حالة منفّرة ومثيرة للقرف لكنّ هنا كانت حالة شاسعة التعبير رغم مدخلها الضيّق جدّا!.عبدالمجيد يقول:" تقول أمّي _توجّهني_:ولد اصحك تسبّ الناس! ... لقيت الناس لكنّي فقدت امٍّ توجّهني" .

كانت الساعه ثمان
وكان يتلمّس ملابس داخليّة
وكان في الشاشه حوار
وكانت القدس القضية
طلّ من شبّاك غرفه
شاف صدفه :
طفل يتبوّل وهو واقف
على طوب الرصيف
التفت في شقّة الجيران
كانت جارته تلبس كلوتّ
وكان واضح من ورى الروب الخفيف
شدّ أصابيعه بشهوه
صاح جاره :
( يامره شاهي وقهوه )
سكّر الطاقه وقال :
ليه سعر المالبورو زوّدوه ريال ؟!

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] برد الجسد فاض عن برد الشبابيك =وحدك هنا : بك تفيض ... زحامك : هناك
أحيان تحتاج لك وتدوّرك فيك =وتضيع وأحيان لوما أحتجت : تلقاك
قلت القرى وجه بنت من الأتاريك =يخرج مبلل حزين يدردش مـــعاك
في موطن الحزن بعض التبغ : نافيك =في موطن التبغ : كل الحزن : منفاك
الشعر : مو إنك تشخبط معانيك =الشعر هو إنك تشخبطك : معناك
ماقول هو فين هذا اليتم ينهيك =اقول من وين هذا اليتم : يبداك
أحزن سؤال ان سألك الناس : وش فيك؟ =والأحزن أنك تردّ بخوف وارباك [/poem]

 

[عون القحطاني]

نص [ من علم لساني ]
البدر .

علاقتي بهذا النص تحتاج لكلامٍ غريب حتى استطيع قول ما اريد قوله .
اكتفي بالنص .

من علم لسانى
الكلام الغريب . .
إلين قلت ان الحليب رمل والمرضعه ريح
والصدر خيمة راعى في الجدب
من علم الكذب لسانى
الرسم الاغانى
الطفل في الظلما
الحلوى في الدكان
أو خيزران معلم معتوه
من علم المشدوه بألوان العيون
هذا الجنون الجنون
من علمنى الحب غير الناس . .
والكره غير الناس . .
من كدس الإحساس في اجفانى
وخلانى احلم احلم
وانا من سنين انسانى
وامحى مكاتيبى
شوهت وجهى كثر ما حكيت ألواني
وعلى الزمان الثانى
رسمتنى مثل ما بغانى . .
لكن على لسانى بقى كل الكلام الغريب
أنا الغريب
وكل شاعر في الناس غريب
وفي الارض كهف من نيزك مجهول
لكن يعرف يقول يقول
كل الكلام الصعب
الحليب رمل
والمرضعه ريح
والصدر خيمة راعي في الجدب .

شكراً لك ياعبدالعزيز
على هذه الشجرة الطيبة التي تتفرع وتمتد بالجمال .

 

[حاتم منصور]

للشاعر [عبدالرحمن البلوي] قصائده مميزه وبإذن الله سأطرح لكم منها الكثير
فهذا الشاعر استمع إليه منذ صغري ولازلت مغرم بروائعه

(الجروح قصاص)

[poem=font=",5,darkblue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""] الهبايب اعطت انفاس المطـر صبـر وجـلادة=وخلت انفاس الغدير تموت بايمـان وسكينـه!
علموها كل ما اقفت ليه انـا اعيـش بسعـادة=ماعلى الفرقى ملام ولا علـى اللقيـا مدينـه!
ماتضيق صدور تنبـت فـي مفاليهـا … ارادة=ماعليها من الجراد وهـي سنابلهـا دفينـه ..
بعض خلق الله تحسب حساب لايـام القـرادة!=ماتغامر بالسنين وعمرهـا .. تفنـى سنينـه!
والبنادم لـو خلقـه الله عبـث مابـه عبـاده=وكان ماسـنّ الاوائـل … للبنـادم مايعينـه!
صاحبي والسبت دينن للأحد .. والسبت عـاده=لا تشبث بالذهـاب وعودتـك ماهـي ثمينـه!
والمرار احيـان يبقـى سكـره حالـي زيـاده=لمن يعرف يذوق طعم الأجوبه عقـب الغبينـة!
لاتأسف وانت تدري بالأسف … وش هو مراده!=شخص ياتي بعد وقت ومشرطه قاطـع يدينـه!
ضمد جروحك وخلك .. من دوى فاقد ضمـاده=الجروح قصاص .. واللي مات له ثكلى حزينه!
تبكي عيوني عليـه وطفلهـا بسـن الـولاده=مات ابوه وماخسر غير … الملاذ .. بوالدينه!
عـود عيونـك تنـام بـلا قـرار ولا وسـاده=وانت تعرف ليه انا .. لا نمت احلامي سجينه![/poem]

عبدالعزيز شكرا ً لك على هذه المساحه الرائعه
لقلبك

 

[عبدالعزيز رشيد]

لـ عبدالمحسن بن سعيد :
عشقت كلّ مايكتبه وكلّ أفكاره في قصائده غاب طويلا ولم أكن ممن أدركوا أيّامه فعدت إلى قصائده المنتشره هنا وهناك . أخذت عليه أمرين : التفاوت الكبير في قصائده ومبالغته في تطعيم القصيدة بمفردات "خواطريّة" الطابع . ليس ذلك عيبا على الإطلاق وقد يكون عيب ذائقتي لكن بعد عودة نشر في مجلّة فواصل قبل مدّة هذه القصيدة والتي وجدتها متّزنة جدّا أكثر من بقيّة قصائده ؛ فأحببتها أكثر وأكثر وتمنّيت لو كانت لي.

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خبرى بالآيام ياترف الغلا عجله=وياشين خبر الغريب بدورة ايامــه
ومن ماوطــى فوق راس جــروحه برجله=عشى الهواجيس نفسه وأهلك أحلامه
والمشيه اللي ما بين العدي والعجله=ماتتعب إلاغريب المشي واقدامه
يابنت وانتي على حلوالدل خجله=وشلون صرتي خوال القلب وأعمامه
والخاطراللي رضيت بغربتي لأجله=ماهوكثير إن بكيت والمت من لامه
والنفس لوماتكون بطعها وجله=مايشتري قربها المعشوق لوسامه
لاالنيل جـدي ولاني من ظهر دجله =من هامة المـجد نجد وحيهاهامه
شاعروأحب القصيد العذب وأرتجله=وأسوق عمري فـد ا لخال والشامه
وإلى تغزلت أروم الصعب وأنهج له=كم صفقت لى تبوك وغنت تهامه
والمايق اللى قلوب الخلق تسرج له=الشمس ظله وذيك النجمه زمامه
هوجد كل الحلا وإحفادة ونجله =ياسرع ما شابن الخفرات قدامه
كلالزوايا تقدوم إن جاوتفرج له=كم استقامت معاني وانحنت قامه
ياموق البعد غم المهدتوي وأجله=يكفي حبيبك تهاوت وسطه عظامه
خبري با لآيام يوم موصلك عجله=واليوم شان الزمان وطالت أيامه



[/poem]

 

[عون القحطاني]

القرين :
لـ محمد الثبيتي

عندما اقرأ لهذا الشاعر . يستعصي علي تصديق انه من بيئتي البدوية . ويشاركني نفس الهواء والماء

مقيمٌ على شغف الزوبعهْ
له جانحان .. ولي أربعه
يخامرني وجهه كل يومٍ
فالغي مكاني وامضي معه
أُفاتحه بدمي المستفيقِ
فيذرف من مقلتي ادمعهْ
وأغُمد في رئتيه السؤالَ
فيرفع عن شفتي إصبعهْ
أما زلت تتلو فصول الرمالْ ؟
أُقامر بالجرحِ ..
اقرع بوابة الإحتمالْ
(( أأشعلت فاصلة الارتيابْ )) ؟
دمي مشرع للتحول والانتصابْ
أتدرك ما قالت البوصلهْ ؟
زمني عاقرٌ
قريتي أرملهْ
وكفي معلقة فوق باب المدينةِ
منذ اعتنقت وقار الطفولةِ
وانتابني رمد المرحلهْ .
لدى سادن الوقت تشرق بي
جرعة الماء..
تجنح بي طرقات الوباء ..
تلاحقني تمتمات البسوسْ
أرى بين صدري وبين صراط الشهادة
شمساً مراهقةً
وسماءً مرابطةً
ويميناً غموسْ

 

[هيفاء الخالدي]

المشاركة الأصلية كتبت بواسطة عبدالعزيز رشيد

لـ [شاعر يجاري مسفر الدوسري]
قرأتها في أحد المواقع على انها لـ مسفر الدوسري فصرخت الروح في داخل جسدي " أجمل رثائيّة .. ومسفر أجمل من يكتب التفعيلة " لأتفاجأ بعد نشرها هنا من رسالة أحد الأعضاء هنا بأنها ليست له ! بل هي لـ شاعر يجاري رثائيّة أخرى لـ مسفر لكن أعترف لازلت أقول ماقلته حول كونها اجمل رثائيّة قرأتها وإن لم تكن لـ مسفر نفسه وكذلك أعترف بأنني أحبّ قراءتها لأنها تمثّل دراما مأساويّة وواقعيّة بالفعل

يبـه شلـونك...؟؟؟
**
يبه شلونك...؟؟ملل هالــكــون من دونك ..
يبه شلونك ؟؟وتمضي رحلة الدنيا..
بليا طلة عيونك..؟؟!!
يبه شلونك ؟؟وشلون المرض وياك ؟؟
بعد ماهدك بدنياك..عساها تغمض جفونك ؟؟
تبي تدري عن أحبابك ؟؟عن عيون تغنى بك ؟؟عن قلوب دفنها الشوق..وإذا جاها الغفا جابك ؟؟
.. يبه أمي تخيلك دوم...تغني لك مع القمرا..
يبه واللي خذاك بيوم....خذا بنيتك بكرا..
خذا.. وياماخذا.. ويا ما..خذا ناس يحبونك
يبه حنا صرنا كبار..توفقنا وتخرجنا..
يبه معاد فيه صغار..يموج بها الزمن كل شي..
وحنا ماتموجنا..على ذاك العهد نسري..
نبيع العمر والدنيا..ولا تخلف بنا ظنونك
يبه شلونك ؟؟تبي تدري عن إخباري ؟؟
عن أفكاري وتذكاري ؟؟
أشيلك داخلي جمره ..وبعيون الحزن عبره..تغرقني .. وتحرقني..
أشوفك نجمة تجبر..مراعيها .. يراعيها..
وأشوفك للرجولة اسم..إذا شد الزمن تقسى..واحلم من معاني الحلم..أحسك مقبل بكرى..وعيا لايجي بكرى !!
يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لأجل هذا ..
وكل هذا ..
أقول اليوم يايبــه ..
ملل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
أشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و أنا عندي أمل للحين ..
و لكني أعرفك وين !!
يبه وينك ؟؟
عسى الداعي يبه بس خير ؟!!
عساك بخير .... مداين تكرم لعينك ...
بس أرجوك علمني ...
علمني .. يبه وينك ؟؟
سألت أمي عن رجوعك ... ولا كني أعرفك وين !!
و قالت .. ما يدوم الزين !! ... و أنا .. عندي أمل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش أحلى من طلوع اثنين ؟؟
طلوع الشمس .... و طلوعك
يبه وينك ؟؟
سألت أمي ...... غيابك طال ؟؟
ولا كنّي أعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. أنا عندي أمل للحين !!
سؤالي عنك يالوالد .. صار كما الموال
و أشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان أقوى قلب ... ضعف .. من قسوة ظروفه ..
يبه ..
أرجوك علمني ...
تشوف اللي أنا أشوفه ؟؟
أنا أشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و أنا أشوفك نهار و ليل .. مع إني ادري ما ترجع !!
غريبة .. بعدها تدمع .. عيوني من هموم البين !! .... و ادري به مكانك وين !! ... مع َ هذا .. أرد و اسأل !!
يبه .... وينك ؟؟
و لا كني أعرفك وين !! شبكت العشر في غيابك ... على رأسٍ ٍ كساه الشيب .. و من وداك ... ما حابك ..
و لا ادري وش يخبي الغيب !! ... و جرح ٍ عذّب أحبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتئم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقى الدوا دكتور .. أنا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبة ما
تـلتم ..
بس عندي أمل للحين !! ... و لا كنّي أعرفك وين !!
يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
آلا يا حيف .... آلا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. إلا يا حيف !!
يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت.. و ندعيلك في كل الظروف ..
يبه وينك ؟؟
تعال و شوف .. صحيح الدنيا ما ترحم ..
تجرعنا التعب أنواع ... و لكن الأمل ما ضاع ..
و أنا عندي أمل للحين !! ... و لا كني أعرفك وين !!
يبه تذكر شطا نتنا ؟؟
أنا و اخواني و خواتي ... معانا عيال حارتنا ..
نلعب في زوايا البيت .. يبه ... والله أنا حنيت ..
لذاك الوقت في وجودك ... ألا يا ريت ... ألا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يبه أمي تذّكرنا ... بأيامك قبل ما تروح ... تناديها.. يا روح الروح..
تغازلها و تنظر لك .. مثل طفله ... ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. أو بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينة الشمس في غيابك .. و نفس الحزن في أحبابك .. وأخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم... مع انه ما يكفينا.. نشوفك يوم.. نبي حضنك يدفينا .. و نشوفك دوم..
لكن قلّت الحيله ... و يمكن مـ البطا ضاعت ..
و قلنا يوم !!
يبه سامحني بترخّص ... قبل ينشف حبر الأقلام.. كلامي بعده ما خلّص..
و لكن موعد الأحلام .. حان ..
ولازم أوفي له.. بعد ما ضاعت الحيله .. أشوفك والوعد باكر !!
إذا فكّر يحي باكر..!! .. و برجع أسألك وينك !!
بس لازم تجاوبني.. ترى عندي أمل للحين !! .. و لا كني أعرفك وين..!!
يبه شلونك ؟
ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لأجل هذا ... وكل هذا ... أقول اليوم يابـوي
ملل هالكون من دونــك...

سامح الله قلوبنا أوجعها ما قرأت هناااا .....


:: عبدالعزيز رشيد ::

متصفح عذب يتوشح الثراء ..

هنيئاً لنا به ..
يشرع لنا شرفات الجمال ...


بالغ تقديري ..
وباقات الورد اخي ..






...

 

[عبدالعزيز رشيد]

لـ [عبدالعزيز الودعاني]
كنت قد سعيت للاطلاع على قصيدة كان قد كتبها باحدى المناسبات الرسميّة وكانت القصيدة مدح , وسبب سعيي هو اللون الذي لم يعتد عليه ولا الكتابة به ولمحبّتي لجرأته ولخوضه بالشعر ومحاولته من دون حاجز الـ "يعجبهم" فهو متطرّف من هذه الناحية ويؤمن بما "يعجبه" أكثر من أيّ شيءٍ آخر لذلك أحببت أن أقرأ ماكتبه.

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خاط المسا وجه القمر بالسعاده =تلبس نخيل العز نور الفرح شال
وفي جيد الارض من التفاخر قلاده =مع هبة النسمة لها عطر يختال
ودلال ماضينا على نار عاده =وفنجال حاظرنا لكف الولا مال
لحضور رمز المكرمه والسياده =طابت لك ارض الخرج ياطيب الفال
ترسم لها بريشة كيانك رياده =لوّنتها عزٍ وبروزتها افعال
صارت مثل غاده ماهي بأي غاده =ماتنثني من حسنها لأي رجال
إلا لمثلك ياعتّي الإراده =دامك حفيد اللي صنع ملك واجيال
المجد لاسمك صف صفوة جياده =ساست بطيبك وانذهل كل خيال
تحيا ياابو فيصل وتحيي الإشاده =والمدح أقصر من معانيك لو طال
زرت البلد والحر يعشق بلاده =واللي على قلب الصدوقين ينقال
في ديرةٍ سكر غلاها زياده =فيها زرعنا الخير والروح والمال
من عهد الاجداد ارتوت بالجلاده =واضحت على كتوف التواريخ تنشال
ربي حباها من الجناين وساده =تغفى على روضة أمن والشقا زال
فستانها بستان يشفي براده =وباقدامها الساقي إذا رنّ خلخال
أم الأسود اللي تجيد الإجاده =واليوم جادت بالبنا كفوف الاشبال
باسم الوفا والفكر واجمل حصاده =يامير بامرك نفتتح خير مدهال
مجلس رفعناه بعمود العباده =وحب الوطن في صدره الشرح فعّال
مجلس يوحّد نبض ويشع إفاده =به حكمة الشايب وبه همّة عيال
بالود والتقدير نضغط زناده =شعارنا بان الوفا حي لازال
نستانس بناره ونرفض رماده =يرتاح في شوفة نواميسه البال
لاهل العلوم البيض فيه استعاده =يربط مسافات المحبين بحبال
والضيف ماننساه لا طل ناده =ومانلتفت لهروج عايب وجهّال
مجلس بظل الفكر يهدي مداده =مخضرّه علومه وبالورد ينهال
وهذا بلدنا فيه حقق مراده =للمجتمع يبني أماني وآمال
مشكور كل اللي بدا باجتهاده =لجنة بلدنا وكل من صال أو جال
وبحضور ابو فيصل تزيد السعاده =باسم الولي نفتح معك خير مدهال
[/poem]

 

[بثينة محمد]

النص " رسالة من المنفى " لمحمود درويش ..
كنت ّأحب أقرأ له هو و إيليا أبو ماضي و فاروق شوشة في مراهقتي، بعد كذا لفترة طويلة وقفت قراءة.. الترم الماضي كانت هالقصيدة وحدة من الخيارات في تكليف في الجامعة. كان عبارة عن نوع من القراءة و التحليل لعمل أدبي.
هذا النص لمحمود درويش مؤثر جدا.. أحسه آية متكاملة في وصف الشعور بالعَجَزْ و مقدار الألم و الانكسار في أنفس العاجزين ..
جدا رائع و قريب من نفسي..
مجرد ما أقرأ أول سطر : " تحية و قبلة و بعد " أحس بمقدار العجز في النص.. لدرجة إن درويش اكتفى بالتحية و القبلة و خلاص ما يقدر ع أي شي غيرهم ...
أحيانا أرى نفسي في النص بمنظور آخر خاص بي..



-1-
تحيّة ... و قبلة
و ليس عندي ما أقول بعد
من أين أبتدي ؟ .. و أين أنتهي ؟
و دورة الزمان دون حد
و كل ما في غربتي
زوادة ، فيها رغيف يابس ، ووجد
ودفتر يحمل عني بعض ما حملت
بصقت في صفحاته ما ضاق بي من حقد
من أين أبتدي ؟
و كل ما قيل و ما يقال بعد غد
لا ينتهي بضمة.. أو لمسة من يد
لا يرجع الغريب للديار
لا ينزل الأمطار
لا ينبت الريش على
جناح طير ضائع .. منهد
من أين أبتدي
تحيّة .. و قبلة.. و بعد ..
أقول للمذياع ... قل لها أنا بخير
أقول للعصفور
إن صادفتها يا طير
لا تنسني ، و قل : بخير
أنا بخير
أنا بخير
ما زال في عيني بصر !
ما زال في السما قمر !
و ثوبي العتيق ، حتى الآن ، ما اندثر
تمزقت أطرافه
لكنني رتقته... و لم يزل بخير
و صرت شابا جاور العشرين
تصوّريني ... صرت في العشرين
و صرت كالشباب يا أماه
أواجه الحياه
و أحمل العبء كما الرجال يحملون
و أشتغل
في مطعم ... و أغسل الصحون
و أصنع القهوة للزبون
و ألصق البسمات فوق وجهي الحزين
ليفرح الزبون
-3-
قد صرت في العشرين
وصرت كالشباب يا أماه
أدخن التبغ ، و أتكي على الجدار
أقول للحلوة : آه
كما يقول الآخرون
" يا أخوتي ؛ ما أطيب البنات ،
تصوروا كم مرة هي الحياة
بدونهن ... مرة هي الحياة " .
و قال صاحبي : "هل عندكم رغيف ؟
يا إخوتي ؛ ما قيمة الإنسان
إن نام كل ليلة ... جوعان ؟ "
أنا بخير
أنا بخير
عندي رغيف أسمر
و سلة صغيرة من الخضار
-4-
سمعت في المذياع
قال الجميع : كلنا بخير
لا أحد حزين ؛
فكيف حال والدي
ألم يزل كعهده ، يحب ذكر الله
و الأبناء .. و التراب .. و الزيتون ؟
و كيف حال إخوتي
هل أصبحوا موظفين ؟
سمعت يوما والدي يقول :
سيصبحون كلهم معلمين ...
سمعته يقول
( أجوع حتى أشتري لهم كتاب )
لا أحد في قريتي يفك حرفا في خطاب
و كيف حال أختنا
هل كبرت .. و جاءها خطّاب ؟
و كيف حال جدّتي
ألم تزل كعهدها تقعد عند الباب ؟
تدعو لنا
بالخير ... و الشباب ... و الثواب !
و كيف حال بيتنا
و العتبة الملساء ... و الوجاق ... و الأبواب !
سمعت في المذياع
رسائل المشردين ... للمشردين
جميعهم بخير !
لكنني حزين ...
تكاد أن تأكلني الظنون
لم يحمل المذياع عنكم خبرا ...
و لو حزين
و لو حزين
-5-
الليل - يا أمّاه - ذئب جائع سفاح
يطارد الغريب أينما مضى ..
ماذا جنينا نحن يا أماه ؟
حتى نموت مرتين
فمرة نموت في الحياة
و مرة نموت عند الموت!
هل تعلمين ما الذي يملأني بكاء ؟
هبي مرضت ليلة ... وهد جسمي الداء !
هل يذكر المساء
مهاجرا أتى هنا... و لم يعد إلى الوطن ؟
هل يذكر المساء
مهاجرا مات بلا كفن ؟
يا غابة الصفصاف ! هل ستذكرين
أن الذي رموه تحت ظلك الحزين
- كأي شيء ميت - إنسان ؟
هل تذكرين أنني إنسان
و تحفظين جثتني من سطوه الغربان ؟
أماه يا أماه
لمن كتبت هذه الأوراق
أي بريد ذاهب يحملها ؟
سدّت طريق البر و البحار و الآفاق ...
و أنت يا أماه
ووالدي ، و إخوتي ، و الأهل ، و الرفاق ...
لعلّكم أحياء
لعلّكم أموات
لعلّكم مثلي بلا عنوان
ما قيمة الإنسان
بلا وطن
بلا علم
ودونما عنوان
ما قيمة الإنسان
ما قيمة الإنسان
بلا وطن
بلا علم
ودونما عنوان
ما قيمة الإنسان