بياض / شقاء

[نافع التيمان]

لها فقط .. ولعبد الرحمن الغبين فقط أيضا .. !!!!


انتي ما تدرين عن برد الحنايا ..
والتوائي من جفاف الجوع وانتي غايبه ..

انتي ماتدرين .. عني ..
ولا تعرفين السبب ..
أو ليه من جرحك اغني ..

وليه نفسي في وصالك ذايبه ..!



..



أنتي ماتدرين عن طعم الحنين ؟ *



له طعم لكنك اللي ماتبين ..
لا تحسينه ولا تستنشقينه ..

..:

الحنين البرد لا قال احضنوني ..
الحنين الجوع شوفيه بعيوني



ماتبين ..!

انتي ما تدرين وش يعني الحنين ..!



الحنين .. بـــ وينك انتي .. ؟
ووين كنتي ؟
وآنا يرسم وجهي البؤس وتفاصيل انتظارك ..

الحنين أني تصعلكتك ..
واتعبد وقارك ..

الحنين إن جابني حزني لدارك ..
دون مدري ..
جابني صوتك ..
وموعد كان يجمعنا زمااااااان ..


الحنين .. إني اعيشك ..
وانتي ماتدرين عني ..!
وانتي ..


/


/


/






ما تدرين عني ..!



انتي لو تدرين وش معنى الحنين ..
ما سألتيني وأنا الهث من الخطوات نحوك ..

أنت مين ؟


ماتعرفين الحنين ؟

الحنين ..
البسمه الأولى .. ووردة يا سمين ..

الحنين ..
إنك تعرف شلون تتكور حزين ..!



ما تعرفين الحنين ؟



انتي لو تدرين وش يعني الحنين ..

ماسألتيني وانا يبكيك قلبي ..

أنت مين ؟



الحنين ..
إيمانك بحزنك وتعظيمه بروحك ..

الحنين ..
إنك تحب اللي تفنن في جروحك ..

الحنين ..
إنك تحس بضعفك بقمة جموحك ..




الحنين ..
العبرة اللي تختنق باعماق روحك ..

الحنين ..
إنك تنام وتحتضنهم ..
وانت مليان بتعبهم ..
ما دروبك ..
كنك اللي منت منهم ..!



كنك اللي منت منهم ..
مادروبك ..


الحنين تحبهم ..
ولا دروبك ..
مادروبك ..
مادروبك ..

* مسروقة من عبد الرحمن الغبين .. (:

 

[نافع التيمان]

ما ابيك ..
حتى لو روحي بكت حزنك ..
ولا اشره عليك ..

اعمق الاحزان انك تحكي إنك كنت عاشق ..
والحزين اللي تسمع لك ..
يحبك وانت ..
تدري وكنك اللي مادريت ..
تجرحه ..
ويطبب جروحك ..
ويبكيلك .. ويسخر من جروحه ..

بسألك بالله ..
منهو اللي يحبك ..
اللي تبكي من فراقه .. وإلا من يبكي عليك ؟
ماابيك
ماابيك ..
اكذب ان مره سمعت اني اردد : ماابيك ..!

 

[نافع التيمان]

.
.

http://gulf.salmiya.net/songs/abdelk...elkareem72.ram

انا وين اروح ؟
ليلي طويل..
وسكتي برد ..
وصدى فرقاك نوح ..


بس يعني لو اتقول لي :
انا وين اروح ؟

بعدك انا بالله يعني وين اروح ؟

وآنا من احزاني جسد
من غير روح

لـــ تقول روح .. لـــ تقول روح ..
معاك باقي واللي تسويه فيني اقبله ..
لوهو كثير ..
لوهو حزين ..
لوهو ولا بالبال .. بس .. لـــ تقول روح ..
خلني معاك ..


انا تعلمت الطريق من اوله ..
وآنا معاك ..
لـــ تقول روح ..
انا وين اروح ؟

طلعت للدنيا انا ..
وانا معاك ..
لـــ تقول روح ..

والله من بعدك اضيع ..
والله من بعدك اضيع ..!

انا وين اروح ؟..

فكربي لو لحظة وشوف
بذمتك ..
من جد اذا خليتني
انا وين اروح ؟

 

[نافع التيمان]

شفني وانا اترجاك لوّني الذبول ..!
اخاف يا خذني المدى وآغيب ..

اخاف يصفعك الذهول
وتقول ليتك مارحلت ..!
ماخفت لو مرّه يصير اللي أقول ؟

 

[نافع التيمان]

ترجيته كثيـــــر .. كثير .. ما همه ..
وكن الشوق مايعنيه ..
بس آنا اللي يعنيني ..

ولا مره شرى خاطر غلانا بصدق ..!
ولا مره ..

ولا حس بتعب روحي ولا مره ..

يظن اني الى هاليوم ..
يملاني الفرح لا جاد وصله ..
مثل كل مره ..!

ولا كان يتوقعني اقول : إنسى ..

زمانك .. طاح من عيني ..!
..!