واعترف .. راح اعترفلك !

[صالح العرجان]

/
\


من مملكة آل السعود لـ مملكة برج الوليد
.................................. مالك شبيهٍ بالشموخ .. الا شموخ المملكه

/
\

نارٍ على قمة هرم بالشعر والفكر السديد
.................................. مابه طريقٍ للخفوق ، الا وحرفك يسلكه

/
\

تزيدني حب وولع واصرخ بعد هل من مزيد ؟
............................. ألقيت نفسي من كثر حبك .. بوسط التهــلكه

/
\

قل للعذارى تفتهق ماني بهــارون الرشيد
........................... لي قلب واحد معتمد .. لانسان واحد يملـــكه

/
\

يعني بلاش من التعب يامعجبه مابه قصيد
........................ الا على اللي أسست في وسط .. قلبي مملكه


/
\

 

[غاده]

‏"الوصل غايه والمفارق عمى عين"

 

[صالح العرجان]

ترسل لي اللي يسعد القلب والروح
............................... في وقت انا ارسل بالغلط شي ثاني

ورغم الخطا تقول عادي ومسموح
............................... من طيبتك .. تحط نفسك مكـــاني

تضحك ولا كنك .. من شوي مجروح
.............................. يامــ كثرك .. مابين .. حدب المحاني

 

[غاده]

‏شافوني أحبّك.. وضايقتهم فيك
‏مدري أنا ليه العداوه عشانك!؟

 

[صالح العرجان]

:
:
:

قولو لقلب الغاليه .. دامني حي
.............................. ماوالله انسى رجفته في يديني

ياما سقاني من جفاف الوله مي
....................... وياما عطش واسقيت نبضه حنيني

 

[شعور]

-


مدري ولكن يابعد كل من غاب ..!
... ... ... ...ماعاد فـ/ عيون الليالي / رحابه .

ولا عاد فيني قلب يستحمل عتاب ..!
... ... ... ...والمقبلات من الزمان تتشااااابه

 

[صالح العرجان]

انتي اللي ماعرفتي من هو انتي ... بالخفوق
............................... والله انك لو عرفتي .. ماسألتي : من أنا ..؟؟


هاتي يدينك هنيـّا .. والمسي نبض العروق
............................... كل ماتطري عيونك .. ينتفض قلبي .. عنا ..!


لو عنا قلبي يسولف عن وجع هضم الحقوق
............................. كان ماذاقت عقول الناس من شعري .. هَـنا ..!


بس انا آداري خواطر ناس تقراني واروق
............................. حاسب حساب النتايج .. قبل ادونها .. هــِنا ..!

 

[غاده]

‏اغيب عنك وخاطري عنك ما غاب
‏حتى طيوفك في الجفا مشغلتني !