أُغنيات على ضفاف الليل

[علي الامين]

صدقيني
لن انخدع اكثر
كل ماتكتبين له
كل ابيات الشعر تخصه
العطر الذي تضعينه
تبرجك
تسريحة شعرك
كلها له فلاتقولي اكثر

 

[علي الامين]

حين صورتك إمرأة لاتشبه النساء
وجدتك كأي واحدة منهن
الذي يختلف فقط هو الاسم

 

[علي الامين]

مايعجبك كلامي
ومايعجبك كيف افكر
انا ماقلت عنك شي/ن غريب
كل عيوب الناس فيك ويمكن اكثر
في عيونك تكذب انت
في كلامك تكذب انت
حتى وجهك ماهو لونه
لونك اصفر

 

[علي الامين]

تمر ساعات
ليل ياكل ليل ويوم ياكل يوم
وك روحي خرابه وسكنها البوم
ردت النوم
مامش نوم
ردت ارويحتك ...من البرد تحضني
وتصير هدوم
ردت من اعطش تمد ايدك للسما
وتحويلي من عثكها غيوم

 

[علي الامين]

بيه حزن ..ولو افضفض
والله تغرك الوادم بالدمع

 

[علي الامين]

احلم ..
لو تجيني شلون ابوسك
شلون احضنك
اشلون اشمك
احلم
بيا حرف اكتب قصيده
بيا لون ارسمك
احلم
واحلم
واحلم واتعب
وارد للواقع التعبان
لا انت تصير الك جيه
ولا انه اكدر اجيك واصل يمك

 

[علي الامين]

شكثر محتاج اغفه اعله صدرك
اشكثر محتاج احضنك
واهجس دفو من تلتاف اديه اعله خصرك
المس شفافك
العب بشعرك
ابوس الجوري البخدك
واعضك حيل من نحرك
كلي ولك يالبعيد هناك عني
ماكضن كبسولات صبرك
يالموتتني سكته سكته
شلون اعذرك

 

[علي الامين]

اكسر كل تقاليد المهنئين
ولا أقول
كل عام وانت الحب