نــص استــوى

[خالد العنزي]

"
"

ماني بـ قايل ياكبر همي , وياضيعة رجاي
,,,,,,,,,,,,,,,,, تشتاق ,, ولاّ ياعسى مااشتقت , بعيوني سوا

اعرف حالي واحترم روحي واقدّر مستواي
,,,,,,,,,,,,,,,,, يوم انت دايم بافضل الحالات , دون المستوى

لكن خطاك اهون , ولايمكن يُقارن مع خطاي
,,,,,,,,,,,,,,,,, والفرق , طبعاً , لاعتبارات ,, التفاوت بالقوى

يعني خطاي اكبر , وانا اكبر , وانا عذري معاي
,,,,,,,,,,,,,,,,, غشيـتني بلسانك المعسول ," يانص استوى "

وانا بشر واحيان اخطي واتمادى في غلاي
,,,,,,,,,,,,,,,,, وانساق للمظهـر , ولا ادقق بنوع المحتوى

لكن عزاي اني عرفتك زين يازين , وعزاي
,,,,,,,,,,,,,,,,, اني اكلتـك ,, ياعنـب شامي , وذبيت النوى

والحين شوفك لايسليني ولا يسعد مساي
,,,,,,,,,,,,,,,,, ماعدت تغريني , وانا مليت من درب الهوى

لاتقول احبك يابعد عمري , ولا تركض وراي
,,,,,,,,,,,,,,,,, كنت الدوا فيما مضى والحين , لا , منت الدوا

وماني بقايل ياكبر همي , وياضيعة رجاي
,,,,,,,,,,,,,,,,, تشتاق ,, ولاّ ياعسى مااشتقت بعيوني سوا





"


احــترامي للجميـــع