غن / لا ضاقت عليك الوسيعه / غن

[عادل الرديعان]

خلّ الحكي و امشي معي نقطع البيـد

يمكن نلاقي في فضـا البيـد راحـه

الله مـن طـول العنـا و التناهيـد

و الله مـن ليـلٍ تأخـر صبـاحـه

ضجّ الرصاص و مَلّ سجن البواريد

متى على الباغين نطلـق سراحـه

نفس المواقف و الحكي نفسه انعيـد

عزّي لمن صار الحكي هو سلاحـه

شعبٍ جهل بالحرب رميٍ و تسديـد

يسْهل على المستعمريـن اجتياحـه

نـزداد ميـلٍ للكسـل و المقاعيـد

و عدونـا يـزداد ظلـم و وقاحـه

باسم (السلام) يذلنا كيف مـا يريـد

و باسم (العداله) صار يركز رماحـه

جَدّد طمعه بـ(سوريا) دانـة الغيـد

و صارت تحوف حدودها من رياحه

دايم كـذا فـي أول الأمـر تهديـد

ثمٍ علـى البلـدان يبسـط جناحـه

نبكي قهر أو نِتْبـع النـوح تنهيـد

في هالمواقـف مـا تفيـد النياحـه

عطني رصاص و قلب ثابت ولا يحيد

حقي أرد النـذل و أكبـح جماحـه

لا بـد ناقـف للعـدو كالجلامـيـد

نضرب على الهامه و نثخن جراحـه

لجل العَدِل صوت المدافـع زغاريـد

و السجن لجل عيون الأسلام واحـه

إمـا كـذا و إلا لفتنـا المواعـيـد

و أضحـت بلدنـا للعـدا مستباحـه

وشي حياة الحرّ لا صار لـه سِيـد

كافر سلب أرضـه بحجـة صلاحـه

.
.
.

امشي معي يا ضايق الصـدر للبيـد

يمكن نلاقي في فضـا البيـد راحه

و امشي نشيّد مجدنا اليـوم تشييـد

خلـي بقلبـك للتحـدي مسـاحـه

عسى تـزول همومنـا و التناهيـد

و عسى طويل الليل يقبـل صباحـه





الشاعره

ريوف الشمري

 

[نسرين الأحمد]

:

سو الذي ترغبــــــــــه ما عاد تعنينـــــــي

حبك نسيته وبــــــــــا قي منك تنساني

وفــــــــــر كلامك امــــــــــانه لا تنـــــــــــاديني

ما عااااد تسوى عليك تــــــــــرجاني




ما قلـــــــت لك راح تندم لو تخليني


ما قلـــــــــــــت لك راح تـــــــــرجع وتمنـــــاني


هــــــذا انت راجع وذا قلبـــــــــك وسكيني

بالمختـــــصر بــــــــأجرحك واتركك وحداني

بـ.. اعلمـــــــك كيف تتجرأ وتجــــــــــفيني

واللــــــــــــه لا اخـــــــليك تونس بعــــــــض ما جاني

انا ادري انك بتالي الووووقت تبــــــــكيني

بس(( انا قبلك ذبحني البعد وابكااااني))




خـــــــــــــلاص فاااارق مدامك طحـــــــــــت من عيني

ولا عـــــــاد تشره على الوووقت صحاني

صحـــــــيت من ضيعتي من غفوة سنيــــــــــني

لا بـــــــــــارك الله بحبــــــــك وين ودانـــــــــي؟

أب ... تمــــــــاكن شباااابي دام يمديـــــــــــني

وانـــــــــــــــــــت الله يعين قلبــــــــــــــــك لين ينســـــــاني


:


برضو مش عارفة لمين

 

[هدب]

اخطيت يوم اني طلبتك حنانك
لاصرت فاقد شي ..وشلون تعطيه

مهما نطق لي بالمشاعر... لسانك
شيٍ بدون احساس .. ما اقتنع فيه

احساسك المصنوع خنته وخانك
جاملتني به وانت تجهل ..معانيه

منى نصيحه تنفعك في زمانك
الاشعورك ..لاتبيعه وتشريه

كانك تقدر قيمه الحب كانك
اللي يودك .. لاتحاول تعنيه

ياكثر ماحبك فوادي .. وصانك
مع كثر ماتبعده .. كنك تناديه

غيرك امانه خوف .. والخوف امانك
ماكل من راعاك .. تقدر تراعيه

حتى لو عليت بالقلب ...شانك
ابقى يتيم الحب .. جرحي اقاسيه

اعذرك ..لاحطيت نفسي .. مكانك
لاصرت فاقد شي .. وشلون تعطيه

 

[شهيق ورده]

لاخاب ظنّك بالرفيق الموالي ***** مانك بشاريه ٍ على نايد الناس

ياعلّ قصر ٍ مالقي به ظلالي ***** ينهد من عالي مبانيه للــ ساس

محمد الأحمد السديري

 

[شهيق ورده]

ياليتني لاطحت لاطحت لاطحت
مااطيح عند اللي تمنى مطيحي..

عاقل الزيد-الله يرحمه-

 

[شهيق ورده]

كلّن يـــــذوق المُر والـ حالي
و أنا .. أذوق المُر ... ولـــ حالي

أحمد الغنّام

 

[لينا الحمدان]

مابيني وبينك مشاريه وعتاب
وشوف دربك اللي جيت منه تدله


عهد علي لاجعلك عبره للاحباب
لين الخليل ايتوب عن جرح خله


وزلاتك اللي مانفع فيهم احساب
لاجـيت اعـددهم ثـمانين زلّـه


احرجتني بين القرايب والاجناب
كن الجفا سيف بوجهي تسله


ماكنت اقصر فيك من كثر الاعجاب
يومك تساوي عندي الكون كله


كنت القريب وكلهم كانوا اغراب
وحتى القمر لا غاب شفتك محله



خلاص لا ترجع ترا خاطري طاب
الخاطر اللي كنت عايش بظـلّه



مـا يـجتمع بـالحب صـادق وكـذاب
رزقي على الله وأنت رزقك على الله

 

[عيون الشوق]

الدمعة لاطاحت أبد ماهو دليل ... إني حزين !!
....... مثل السحابة لاهمت ... ماهي دليل ../ الإنحدار !!

العمر مسباح التعب .. في راحتينك يالسنين !!
....... نركض ويلحقنا الأسى !.. ياشين طعمك يالفرار !!

والوقت لامنه عطى يعطي من الهم السمين !!
....... وجايز إليا منّه خذا ياخذ ... شموخ الإنكسار !!


لا أعرف صاحبها