والله وأفْرَجَت القِمَّه العربيَّه عن قايد الحربي :)

[شهيق ورده]

أسعد الله صباح السَادَة العرب حكوماتاً وشعوباً



والله يبارك فالسَّاعه الي تجمَّعنا فيها

في رياض الخير و بلد السلام..


تحت ظل


مَلِك الإنسَانيَّه وخادِم الإسلامْ..




الله يطوِّل عمرهـ ..



ما راح أتكلم عن جهوده في زيادة الإخاء العربي..





لكن يكفيني إنه أفرج عن قايد الحربي وكثير من جنود الوطن المعْطاء في هذا اليوم




لينعموا بأجواء أخويه صادقة ..

ويستشعروا حلاوة الإجازة لا جت على حين غرَّهـ


شكراً يا وَطَنْ على إجازة اليومين لأبناء الرياض ..


أقلَّها اليوم أبعاد منعْنِشْ بالأجاويد الي كانوا ساهرين الليل مع صُبْحِه لخدمة الوطن ..


يعني جعلهم يجتمعون هالسَّنه وكل سَنَّه فالرياض ولولا الكلافة على طريق المطار

وكوبري الخليج وطريق الملك فهد والملك عبدالله..كان دعينا تكون كل شهر


::


المهم أبقولكم وش كان برنامج الوالد يوم انتهى دوامه الاثنين الماضي <-يعني قبل أمس

الشايب الله يطوِّل عمره أخذ كِسْرَه عنه قبل المغرب ويوم صحى قال :" تولَّموا يا عيال بنروح الشرقيَّه "

"الله ونااااااااسه !! " " يعني ناخذ شورتاتنا بنروح نسبَح في بحر كبير مهوب مثل المسبح "<--ضعيفين أهل الرياض صابهم الجفاف "تقوله صادز ؟ وانفلونزا الطيور والحصبه ؟!<--الراس الكبيره هرجَتْ

"يابنت الحلال الحافظ الله"

<-طبعاً تتساءلون في خضَمِّ هذه الأثناء أين شهيق ؟

وكعادتها من تخرجتْ سهر على أبعاد وإلا مطامر كل صبح تدوِّر وظيفه ونووم


وينقزون المخاريشْ أخواني الشياطين ويصحُّوني من حلم فوشي تخيلت فيه إني مديرة عامه لأبعاد

ويالله ما غسَّلتْ وجهي زين إلا أنا فالسيارة والمطر يضرب فوقنا والجو خيالي ,وقلت:"الله ! وش رايكم نهوِّنْ بس ؟!" وقتها طار النوم يوم شفت عيون حمر تبحْلِقْ فيني

المهم مسكنا خط الدمام .. وصلنا هناك على الساعه الرابعه فجراً ..ابد رحنا نتمشى لين قالوا هنا الخبر

والجو بديع والمطر رذاذه يشرح النفس العليله ..وطيورالنورس على جزيرة المرجان أسرااب متكاتفه قلبها على بعض مهوب مثلنا <-إحم ما قالت شي

ويوم تعبنا قلنا نروح للشاليه الي حاجزينه واحنا فالرياض..

ويوم وصلنا ..قال الشاليه راح عليكم!!!

ليييييه ؟وكييييف؟ ولصالح مييين؟

الطمع خلاّهم يتعجلون ويعطون أقرب واحد الشاليه !!

قلنا قدَّر الله وما شاء فعل ..

ونلف الخبر على الدمام .


ومالقينا سويتْ ولا شقه ولا حتى نص غرفه !!!!!


وأمَّة لا إله إلا الله من سكَّان الرياض إلي أتوقَّع وصلوا لـ 15 مليون نسمه متوزعين في الشرقيه انتهازاً ليومين الإجازه مع الويك إند ..

والله ما تتخيلون الطقاق على الشقق..كل عمارة للشقق المفروشه يطامر قدامها خمس ست سيارات ..لدرجة صارت كل سيارة مطلَّعه واحد من عيالها برَّى متعلِّق فظهر السيارة عشان ينزل بسرعه

تقولون والله في برنامج الحصن كل عايله توقف ع راس الشارع و توزع عيالها يدورون فالفنادق والشاليهات والشقق على أمل يلقون مكان يتاوون فيه بس دونما جدوى تُذكر

وطنقرت مع قايد الحمله وقال أخر حل نشوف الاستراحات على طريق الرياض يمكن نلقى غرفه وبكرة الصباح يحلها ربكم..

ومسكنا خط الرياض والمسْكَه المسْكَه

ما لقينا لنا غرفه ولا حتى زاويه ولا جحر ضب نريِّح فيه !

قسمْ قَسْمَاتْ هذا الي صار معنا ..ومع ملايين غيرنا لقيناهم في طريق رجعتنا ..


اييه..

إحمد ربِّك يا قايد قاعد في أبعاد منتب مدنْوَخْ من هالخطوط



المهم نرجع لمحور حديثنا


وينْ العربِّي وينْ !!
















وينْ العربِّي وينْ !!

 

[مشعل العبار]

صراحه غثونا أهل الرياض..

 

[إغفاءة حلم]

عن نفسي اعيش
أجازة مفتوحة
بس وش معنى الرياض..؟
وحتى أعيالنا لازم يكون لهم نصيب من هالعطلة
<<وجه حاقد

 

[زهرة زهير]

>>>> المتصفحة هذي لم تفهم شيئاً .. ( وجه متنح )


شهّوق وش السالفه ؟؟

 

[زايد الشليمي]

الخبــــر..الشر ...قيّة
روحة رحْتها....لاعادت....من طيب أهلها..يستقبونك..بالشارع
بس ماتدخل...
:
روحة...رحتها.....جعلها تعود
لقيت ثلاث...خليل الشهري.وطلال..والبحر..
:

مبروك ياقايد...
والله اني حاسدك...
لكن وين تروح ....راجعلك السبت..
:
:
شهيـــق ورْدة..
الله يحفظ الوالد.....والعيال...
انتبهوا....من اثنين
البحر...والهنود...
:
سلمي ..على ابوك..
والعيال...اجازة سعيدة..
:

 

[سلطان ربيع]

اللهم لا حـسـد

 

[شهيق ورده]

المشاركة الأصلية كتبت بواسطة مشعل العبار

صراحه غثونا أهل الرياض..

ههههههههه

اجل جبتها ع الجرح أنا

معليه تحمَّلُوهم..

كلها الجمعة وراجعين ديرتهم وترتاحون

 

[شهيق ورده]

المشاركة الأصلية كتبت بواسطة إغفاءة حلم

عن نفسي اعيش
أجازة مفتوحة
بس وش معنى الرياض..؟
وحتى أعيالنا لازم يكون لهم نصيب من هالعطلة
<<وجه حاقد

<--سيم سيم إجازه مفتوحه

الرياض حبيبتي عندنا طفرة سُكَانيَّه مُنْقَطِعَة النظير..

ولولا هالإجازه ..كان ما قدروا يجتمعون لعقد القمَّه العربيه

شوفي هذا والرياض الحين يعتبر شبه فاضي..والله ما قدرنا نمشي فيه من الزحمه أمس أغلب الطرق شبه متوقفه الحركه فيها وخاصة المؤديه لطريق المطار والطرق الي تمثل شريان يصل شمال الرياض بجنوبه وغربه وشرقه وهكذا..

أما وجه حاقد تعوذي من إبليس بس

بكرة يعقدون عندكم قمَّه ويعطونكم اجازه وقتها حنا بنصير وجيه حاقده بعد