تعال واكتب حالتك/لحظتك شعراً ..!

[عبدالرحمن العتيبي]

اما تعال وقول انا اهواك واغليك
واعطيك مع حبي والاشواق روحي


ولا تعال وقول مابيك مابيك
وارحل وانا بعدك بداوي جروحي

#عبدالرحمن_العتيبي

 

[كريمه السالمي]

صح لسانك استاذ عبدالرحمن 👍


‏المجامل بيت ذلً يعري من بناه
‏لو يطول به الزمن تنكشف حقايقه
‏،
‏والصراحه بيت عزً يذري من وزاه
‏مايجيه الا صدوقً عرف وثايقه



.......

 

[عبدالرحمن العتيبي]

المشاركة الأصلية كتبت بواسطة كريمه السالمي

صح لسانك استاذ عبدالرحمن 👍


‏المجامل بيت ذلً يعري من بناه
‏لو يطول به الزمن تنكشف حقايقه
‏،
‏والصراحه بيت عزً يذري من وزاه
‏مايجيه الا صدوقً عرف وثايقه



.......

صح بدنك وشرفتيني بتعليقك ومرورك الراقي
وسلم لسانك واجاد بنانك ودامت اطلالتك الكريمه بكل خير



بين قسوة قلبك وزايد غرورك
صرت اسير الحزن والرحله طويله

يابخيله بالمشاعر وش شعورك
لو رحلت ومابقى في يدك حيله

#عبدالرحمن_العتيبي

 

[كريمه السالمي]

أكاليل الياسمين لحضورك الطاغي



‏ذكرتني بـ :
‏الليل خيم والمشاعر تبي تموت
‏والشوق والعزه وهواش ومعارك

.....

 

[رشا عرابي]

هذي رتابات السعادة عيّتْ بـ كفّي تنام
كِلْ ما غَفَتْ.. فزّ الجفن .. مذعور في ليل الشّقا

كِلْ ما ندهت الشمس وارى ظلّها لون الغمام
وكلّْ ما حصدت الفرح (ضحكة) ضاقت دروب اللّقا

رشا

 

[فيْصَل الصَقّار]

يا غايبة وين اللي بتاتي من سنين
قلبي معك يا غايبة تاخذينه........!
وانتي ولا انتي تايهه بالعناوين.../
وانتي ولا انتي راجعه للمدينة.....!

 

[فيْصَل الصَقّار]

‏‏‏‏من له وهو مولي وتوّه الى الحين..
‏ريّض على زخم الدروب اللعينة...!

 

[عبدالرحمن العتيبي]

كيف استريح
وهاجسي
مايستريح