نصوصٌ ظلها مرتبك .!

[محمد يسلم]

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

هنا شعر وهنا نبض وهناك أنفاس ملعونة=هناك اللي نزف دمه، على مستقبلٍ خانه
هناك أحلام يسقيها الألم لو جات مدفونه=هناك آمال ما ادري مال بُرج انهدّت اركانه
هنا حْروفٍ قبل ما تنكتب تاتيك موزونه= وهناك حروف موزونه بـ.تخاذل عاش نسيانه
هنا رجلٍ رمى جهل الفكر وانزاح عرجونه=هنا فكرٍ ترجل وارتمى التاريخ فاحضانه
هنا شاعر على نهجه مشى واخضرّت غْصونه=هنا الطاهر.. هنا الباهر.. هنا السيّد على اخوانه
هنا الطفل البريء المبتسم للطهر من بونه=هنا السحر الجريء اللي رسَم رغم الفقر شانه
هنا تْرامت سرابيل العفاف وغطّت مْتونه=هنا تزرفل فراشات إلبست للفَرح فستانه
هنا شخصٍ قرا، علّم، كثيرٍ وأسدل جفونه=هنا من فسروه بعكس.. مايرجونه أخدانه
أنا وان جيت أبا أكتبني، كتبت اللي يسمونه=دهر.. ما ذلّ يوم الناس عاشت فيه منهانه
أنا ذنب أقتِرفني كل صبح وتكبر ظنونه=أنا غفران ذنب الليل عن لا تهطل أحزانه
نعم رجلٍ شمخ يوم الزمن تستسعر عيونه =سما برْسالته فوق السموّ ولا شحذ آنه
هنا شعر .. وهنا فكر .. وهنا عمرٍ يدلونه =هنا آخر مداين للضمير إن هدّو اركانهْ.!

[/poem]


إبريل/2008

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

من سبتك والجرح فيني له بلاد=مع كُل حزنٍ غيبتك فيني دموع
كنّ أطهَرَك بُعدٍ عزف فيني حياد=كنّ أعذبك صمتٍ يغذّيني رجوع
يا سيّدي حتى إرَم ذات العماد=طغيانهم في حضرتك.. بعض الخضوع
الهم ريشه تنغمس فيني مداد=ترسم تراتيل اليأس سجدةْ بـ خشوع !
ياسيدي قم غن و جروحك جداد=قم غن بي اشجان و اعزفها ربوع
يا سين عاونّي على تضميد ضاد=يس قال: الضاد ظاء لْها ضلوع
النوم ما يهنى على حَفلة حداد=قل كيف انام.. البؤس فيني له فروع
الشمس والصبح أغنياتٍ أو عَتاد=للريح ..ذكرى واحْرقتيني لْها شموع !
ماعاد باقي ..حتى باقي ماهي عاد=أشعر بها روحٍ تُحشرَج في طلوع
يا ليل وان ثارت مراسيم الحصاد=قل مات شاعر، تنذرف لجله دموع
قل مات حلمه، قبل تحقيق المُراد=قل كان حلمه ينبعث فيهم يسوع
قد لي ثلاث أحزان من عمر البُعاد=كل ما أكفّ الدمع يصرخ فِيّ جوع!!
الأمس ضيق وباقي اليوم السهاد=والغد -ريق الصمت- يا بؤس الخنوع
ما مات من شكّل من الظرف إبتعاد=ما مات من شكل من العتمه سُطوع!
[/poem]

سبتمبر/2007

 

[محمد يسلم]

مع اغترابي في مداك،

أستكثرك!

مع اعترافي /والهوى لِي
اتنكّرك !

أشعُر غيابك، بي يدين!
إتعذب اطرافي أنين، وتستمد من الفلق بعض النجوم،
وتنفرد بـ الياسمينْ!!

إن كُنت ظنّيت المحبة، ادعية و الا صلاةْ،، أسمِيكْ كافر!
وان كنت ظنيت الغرام،،، أشتاتْ//
خِلِّك يَعْذِرِك !!

إيه انتهيت وما بقى للصمت
/// فيني إلا فُصولْ و أمنياتْ
ولا بقى للروح غير أعذب
---- سُباتْ/ يْضم ضلعين الجحيم !

ابا اعترف؛ في غيبتك أتنفسّك؛.؛
أتنفسّك
ظُلم ومتاهات وْ"حنين"،

أتنفسّك
ضيم ومسارات وظلام

أتنفسّك/
صدر لْـ مسافه من تعَب، ليل وحسافه بْـ لا سببْ

أشعر ضلوعي، تحتضن طيفك وينفضها بعيد
.....علمت طيفك،، كيف يقسى يا شديد !!

أبا اعترف لك، أني أبعَد من فرح يبكي على شاطي العذاب !
واني أقرب من ألم، غطى جُفونه واستناب،
وان العيون
اللي فـ حلمي زاورتني، اغرورقت فيني ارتياب!

ابا عترف،
والشوق غطى راحتيني واعتَكف


أن الغياب، إنسان جاير فـْ حقّ الظروف !
إنسان سادن للوجع،
..... وانسانٍ لـ ظلمه أمين !

مع اقترابي والسفر يبعد وانا في زحمته همّ وعتاب
أتذكّر أني مانسيتك؛

لحظة الضعف فـ خريفي أشعل ابها ذكرياتك

لحظة/ الغمّ ف مصيفي
كمّ تسكبني معاها وانتثر في داخلي أبحث عن أصداءك وذاتك!

وآتذكّر.. في هيامِك كمّ ناديت التوتُّر
يندفن في دمعة القلب/ وينوء

إلا معاها
في صداها،
ردّد الهمس فـ سُكوني في صداها
آه يا ذكرى بلاها؛

الحُلم: ف غيابك سعير
والوقت بـ فراقك هجير،،
واني أحسن حال شفته في رحيلك
هُوْ اغترابي في مداك

واعترافي للهوى:
إن المسافه لو تطول/
أتنفسك ليل وحسافات وتعب !!

أتنفّسِكْ
ليل وحسافات وتعب

.

نوفمبر/2007

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

ماني بــ رامي بس شعري مرامي= لا من قدح زنده وشبّ الفتيله
حطيت خلق الله فـ طارف حسامي =و وقفت كنّي أبرهة دون فيله
وشديت متن الليل داخل حزامي = وأهديت لـ التاريخ نبضِ يْحكي لهْ
عن قصةٍ فيها دوا للجذامي=وعن جذعٍ أرهب جيش متنظّمي لهْ
ما كنه الا ريح تشقي غمامي =ولا كنّي إلا الما جرى سلسبيله
عذرا تهزّ القافْ في بيت شامي=صلّت على جْروح الأوادم‘ قتيله .!
أحْدٍ طمع فيها يُسمى حرامي =واللي قصر عنها يُلقّب خبيله ..!
يا زينها لا عوّدت في الزحامي = ويا شينها لا زادت الميل ميله
لا هزّعت خيل الوغى من كلامي=ما اهتز شعري، وارتكبته وسيله
للنايفه والعاليه من مقامي =للنادرة ولـ. النافرة المستحيله ..!
شفني على نوحي تهاديت ظامي=وانهدّ حيل الشعر مما رُوي لهْ
ماني بـ رامي بس شعري؛ مرامي = يكتب قصيدٍ تحتمي به قبيله .!
[/poem]

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
صعّر بخدك للزمن لا كشّرت أنيابه=وابسَم فـ، وجه المفترس؛ ثُم جرده من ثوبه .!

الحرّ لا اغْرز فـ،الثنادي وارتعد مخلابه=لا عاد دنّس منقلةْ فكري بذكر عْيوبه

حرامْ.. والتاريخ زِندي والزمَّن سبابه=والليل جلباب الشِّعر؛ دام القريحه تْشوبه
ما جيت بأضغاث الشّعور..وْجبتها وثابه=قصيدةٍ تزأر بحق الله؛ لِـذا مَرغوبة
طلّيت من بين الحضور ..المستمد غْيابه=مـمّا وراء الغيب جبت، نْبوّةٍ مسكوبة
الحُزن: عصفور الشتا؛ رفرَفته المرتابه=سُلَّم صعَد بي لارتباكْ السارية المصلوبه
ياصاحبي دام الأماني ثُكَّلٍ منصابه=لايستفزّ الورد حلمِك لإضطراد عْيوبه !
الحُنجرة فيها بكي زرياب بين أصحابه=ما به صدى يرتد،، عبر حْدوده المنكوبه
ريق السحاب إنشاف ناشِف؛ قَلّ أو ما شابَه=زغْرودة أرضٍ والفيافي مُثقله/مشحوبه
إيد السما تبطِش عبث وتمرجحك في غابه=حتّى المَدى ربَّت عكتفك وانثنى عرقوبه
الوقت رمْحٍ والثواني شوكْ وسْط حْرابه=والريح صدرك، والذبولْ إتلقَّفِه بـ.اعجوبة
ذب الذُّهول ولَعنة الصمْت إقنتَت أوابه=قطعَت زفيرٍ كَم تطلّع للصفا منسوبه
ياطفلةٍ للْ ما مضى كبرَت وهي خطّابه=جيش السرابْ تْزاوجه بالدَّمعه المرعوبه
ملَّت وهي تشوف العهر مدّروِش ف محرابه=صلى هدِر.. شفَّع هذر.. قرآنه الا ْذنوبه
سلام (للعشرين فلته).. عربِجي وأصحابه=سلام من شايب يناجي عفّةٍ مَغصوبة
شاف التعَب في عينها يلهث/ لثَم عنابه=والروجّ يصرخ في شفاه الضحكة المسلوبه
يُمه حديثي عنْك إفكْ وملحمه منسابه=بين النحَر والخصْر حلَّت تنتخيك التوبَه
متى يغيض الما.. يا سلمى بنتي العرابه=متى على الجوديّ ترسى احلامنا المشطوبه !
[/poem]







11/2007

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]قم ضمد الجرح في تشريعة الغابي=و اصنع دفا ريح من تسبيحة الأنّه
عد الضما للإما/ءْ وسامح اسهابي=بشْعل من الشعر شي ٍ كنت خافنّه
شي ٍ مداره فلك .. شيّ يتبدابي=شي ٍ متوني مطر و بْسبق هلّنه
شيّب نواظر وصِف تاريخه وشابي=من شدة الموقف القيفان طاعنّه
كان المسا للسما/ كان الزهر صابي=كان القمر للسمَر مضمونه وفنّه
كان الغلا للحلا... لو يقتل اعصابي=ما باله الود .. مسترخي وحاونّه !!
في مركب البعد كانت تسرح إركابي=ضاعت وشح الحيا في لوث داسنه
الموت يا بو حِميد فجملة إعرابي=أن تشتكي والجروح .. الصمت غوّنه
أعلَم الأشباح من ياتيك مرتابي=وأجهل بْن آدم؛ انْفوس النساْ إتسنّه
لاتترك الليل يضحك وانت مصطابي=ولو تهمِل الظلمْ، قلبكْ ما رضى عنّه
لا تامن الوقت يوم الوقت عيّابي=اركد على جنبك وْ الأيام يرونّه
اصبر؛ وْ حلم الصغير تْجيه لألعابي=راح الحلِم، يومه كبَر واستحضر الجنة . [/poem]


8/2007

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وحيد اتلامس ايدي الحروف وما معي اقران=سوى الإنسان في عُمق القصيد وجفوة أحبابه !
سهرت أغزل من الدفتر قلم .. ومن القلم برهان= لقيت الدفتر اكبر ما يلمه لحظة اكتابه
انا والاَّ انـت يا ليل البطا في لهفة العجلان=على طول الزمان اتْفصل العجلان فـ ثيابه !
وانا وان قلت: يا ليلي سلام الله، رقص نشوان=على باله سمع مني سلامٍ كان يرضى به
يا عمي يكفخ الحرّ الأبيّ ويربك الجنحان= وتدوي عزّته في عظم ساقه دون مخلابه
يضك السرج في عين الشجاع مضمّر الفرسان=يجيب العادية ضبح لخطاوي الريح وثابه
على لبطان لو صكّت؛ قصيدي لا ترد الشان=مدام أكبَر عيال الذيب خيّب من تعزوى بهْ
لَعمري السالفه ماهي بكا؛ دام الدموع إخوان=ودام أن الأماني يضحكن فجـروحٍ مصابـه*
على أطراف المكان أمسى كفيف الذاكرة عنوان=يدلّه ..من تناساه المكان وشابَه ترابه
خليلي قال: تبقى الشمس؛ لو عاشت ورا الجدران=وانا اقول: المدى للشمس؛ والجدران كذابه
خليلي قال: نشهد للجدار ان الحجر خوّان=وانا اقول: الخطا فـ السيد الحجَّار واصحابه
لقيت الريق فـ اوتار الحناجِر منتهى الحرمان=لمن صوته نشز في حنجرة غيره وقفا به
يعذبني كثير أن الحكي أوطى من الحيطان=واقل امْن الوشَل في محجر الواقف على اهدابه
بفك ازرار صدرك يالسما.. واستدرج الهتان=عسى وجه الثرى تنبت على مشهاته اعشابه
أشوف الشرق ساعه واقفه والناس فيها اوطان=أشوف الغرب موغل فـ الغرابه واهله أغرابـه
نبي مثل القيامه يقظةٍ تستشرف الأكوان=ولا هي بالوعود اللي لها ساقي وشَرَّابه!
رسالتنا؛ حضارتنا ماهي بالقتل والكفران=عمار العالم أجمل من دمار الكون وارهابه
بعيدٍ في الوجع شوف العرب كتلة من الكتّان=تقلّبها الرياح الموحشه في عتمة الغابه
جنوب ايصبّر الحلّة وغزة اتثور في الجولان=ثلاث أحزان في عرض الخليج تهيج مرتابة !
صهَر حلم الحياة -طفل ارتعد- يستجدي التحنان=تجهّم عضّ آهاته.. بـ نابه عذرَب ألعابه
يبي وجه السما طلْع، ونخيل الأرض فـ الابدان=عسى القمرا تبادله الترف في حضن سحّابه
هتَك خُدر المسا طُهر الفرح، واتنهدت الاغصان:=متى تقلع؛ سمانا الهم..والجوديّ نرسـى بـه؟[/poem]

 

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
السيّد إبن الليل مكسور الجناح=الساده أعداء التوحُّد لو أزيد
يمكن أسبّب للبعض سوء ارتياح=فالوقت نفسه يمكن النشوة تزيد!
طيب أبكتب عن غبي سيَّر وشاح=في فم الجلاد و اتسامىْ الجليد
من بعْد ماذاب الغسق والشك زاح=من قبل ما أفلّك حروفٍ ياقصيد!!
أنا السموّ اللي فْ لُما التاريخ لاح=وأنا العلوّ اللي تباهى للبعيد
يمَّمت للمعنى أساليبٍ صحاح=واكملت لاسلوب الشعر نهجٍ جديد
في أولّي يرتع نبي يُدعى "فلاح"=في أوسطي يرتع ملَك يربِك عتيد
فكر التألُّه ماخذٍ ذاتي اصطلاح=يعنّي إبّساطة/فلسفاته لي صَعيد
المُلك نبض..وخُطوتي اتقول انزياح=ذُلّ الملِكْ من رِيبة الراي السديد
إذا ارتبكتْ انا أشهد التاريخ ناح=وإذا نفثْت أعطي الزمن عُمرٍ مديد
البعض في عيني ترى من قام، طاح=والكلّ في عيني مُطارد أو طريد .!
الغادي آشوفه يجي وقت الرواح=والرايِح اشوفه غدى../ لاني مُجيد
شكّلت ليل الله شُعله أو رِماح=أطعن بها شكّ الحسود ولا أحيد
يا عاذلي واجملك في عيني نباح=وآخر مزايا رفعتِك ذنب وصديد
الذُل فعيونك تهندم واستراح=يابسمة الخيبات/ ياخيبةْ عضيد .!
عزّ الطمور أبهى ضمورٍ للجراح=كبدك لهدها الذعر ..لاشَب الوقيد
السامري جبهَتْك فاختومه صحاح=يا قاتل الناقة.. يا أفّاك العبيد
هامان عُهرك داس تُفاحة سجاح=فرعون بُؤسِك ينتظر مني مزيد*
مستوغدٍ تنعَق على كل شي راح=سَفسفْت نفسك وانت شيطانٍ مَريدْ..!
نافخ ف كير الكذب والمجراب فاح=خاير وشايخ فـ الهزيمة يالبليد .!
إيمانك بنفسك ترى كُفرٍ بواح=مغموس طينك خُبثْ جاحِد يا جحيدْ
ناكث عهودك والوعَد ياصاح.. صاح=لابارك الله فيك.. يالرجز الزهيد
العيب يصنعْ مع شقا روحك نكاح=والزَلّة ف قلبك تلد ولا تحيد
مهما اعتلى منزلك تذروه الرياح=وجهك تراب اتريد/ والا ما تريد
تمسح طرف خُفي..وتبشر بالنجاح=لامتّ من غلّ.. وتكسَّر بك جريد
زاوِج دموعك للفضا نهق ونباح=ماتاصَله ظفري.. ولو بتزيد أزيد
هذا الزمن/ هذا انا/ هذا الوشاح=والْ ما فهم/ يقرا القصيدة من جديد![/poem]


11/2007