الهطول الأول ..

[نواف الغريّب]

السلام عليكم ورحمة الله


يسعدني التواجد هنا .. بين هذا الكم الكبير من الأسماء الكبيره ..


مشاركة اولى .. اتمنى قبولها


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا قلب وش لك في طريق المحبين =وش لك بدربٍ ما يجيب السعاده
دامه طريق الهم والحزن والبين= ليه التعب ليه الجهل والقراده
يا قلب ما تذكر عذابك من سنين =ما تذكر الجرح الغزير وضماده
ما تذكر انك كنت بالعسر واللين =وافي على رغم الظروف وعناده
كنت الضحية في جميع الميادين=لجل الغلا منت بـقوي الإراده
ما تذكر انك تجزي الشين .. بالزين=كنت العطا .. والتضحيات .. وزياده
ما تذكر انك عشت ما بين نارين=ما تذكر اسلوب الغرام وجهاده
ما تذكر اللي راح مدري على وين =ما تذكر الضيقه من اجل ابتعاده
يا قلب .. لولا الشوق ما تسهر العين=ولولا الجفا ما يصبح الدمع عاده
بالله تبعد عن طريق المحبين =دامه طريقٍ ما يجيب السعاده [/POEM]

 

[سعود المتعب]

يا قلب .. لولا الشوق ما تسهر العين
ولولا الجفا ما يصبح الدمـع عـاده


نواف الغريّب

اهلاً بك بيننا في أبعاد

هطول اول رائع وراقي

ننتظر القادم

مودتي واحترامي

 

[سلطان ربيع]

نواف الغريّب

ياهلا فيك
ونتشرف بوجودك

ولابد من قلوب تعيش إنكسارات الحب
وقلوب تنعم منه ويقطر لها شهده
أصبحت سنه من سنن الحياه
العاطفيه

دمت بخير

 

[قايـد الحربي]

نواف الغريب
ــــــــــــ
* * *

أهلاً وسهلاً بك في أبعاد
ولك الشكر على منحنا هذا الضوء .

 

[عبدالله ثويني المانع]

..

العزيز / نواف الغريّب ... أهلاً وسهلاً بك في أبعاد

إذا كان مطلع النص نداءً للقلب فحتماً سيصل هذا
الصوت للقلوب ...

نواف الغريّب لك الشكر والتقدير .. يسعدني تواصلك

أرق التحايا لقلبك

..

 

[شوق]

صح لسااااااااانك

نص أكثر من رائع

كل الود لك

أختكـ/شووق

 

[خالد صالح الحربي]

.
.

.

نواف.. الغريّب..
بكَ.. يطيب.. المكان..
فأهلاً.. وسهلاً.. بك..
من.. ألفك.. إلى.. ياءك..

.
.

 

[مشعل العبار]

يا قلب ما تذكر عذابك مـن سنيـن
ما تذكر الجرح الغزيـر وضمـاده

هطول رائع..وجميل

الله يحييك مكانك يانواف