[ بعيدا ً عن الرّقابهْ ] !

[تركي الحربي]

لِمنْ يُعاني شد عضلي بـِ النفسيه : [ مثلي ]
سيكون هذا المُتصفّحْ الـ مجّاني لِمحاولة زرع إبتسامه


رجاءْ :
حاول تبتسم بـ أي طريقه حتّى لو تكذب على نفسك



تحذير :
إن لم تبتسم سـ أخبر عنك [ مطوّعْ سابقْ ] ، له قضيّهْ في الجنائيه ْ والسبب إنه من شدّة حقده على [ جنّي ظَريفْ ] رفض أن يخرُج من جسد إنسان [ ملبوس ] لـِ قضيّة ما بينهما | هدده بـ الصعق الكهربائي فـ أجابه الـْ [ جنّي ] بـ إنه :


بيّاعْ كلامْ [ وماعنده ماعند جدّته ] أي جدّة الجنّي !


فــ [ كبرت براس المطوّعْ ] وأمر أحد مُقلديه بـ إن يُحضر له [ كيبل كهربائي ] من السياره ، وبعد عشر دقائق حضرت الشرطه والإسعاف [ خاصة نقل الموتى ] لـ بيت الملبوس



ي
ت
ب
ع

 

[تركي الحربي]

دخل رجل الى محل حيوانات أليفة وطلب من البائع ان يشتري قرد ، احضر له البائع ثلاث ‏قرود ، وأشـّـر على الأول وقال : هذا بـ 500 دولار !‏

قال الرجل : ليش قيمته عالية ؟

رد البائع : هذا يعرف يستخدم الكمبيوتر

وأشــّـر البائع على القرد الثاني وقال : هذا بـ 1000 دولار !!‏

سأله الرجل : ليش ؟‏

رد البائع : هذا زود على أنه يعرف يستخدم الكمبيوتر ، يعرف يستخدم نظام تشغيل ‏ Linux

وأشـّـر على القرد الثالث : وهذا بـ 4000 دولار !!!‏

الرجل : أووف ! ليش ؟ وش يسوي هذا ؟‏

قال البائع : بصراحه راح أكون معك صادق ، أنا ما عمري شفته يسوي شي ،
لكن القرود ‏الاثنين ينادونه بـ ' طويل العمر '

 

[تركي الحربي]

من كم سنه رحت [ أتوسّط ] حق واحد من الشباب عند مدير من الربع في وزارة الصحه ، دخلنا على السكرتيره على موعدنا معاه وصادف إن عنده إجتماع طاريء يبيله نص ساعه على مايخلص ، سكرتيرته خوش بنت عمرها يتخطّف الأربعين فوقها / تحتها شوي بس مهتمّه بنفسها [ ذربه يعني ] ، وباين عليها إنسانه [ مُتفتّحه ] فاهمه في جيولوجيا الحياة يعني ، ضيّفتنا قهوه تركيه الله يجزاها خير ، ودارت بيننا سوالف خفيفه مواضيع عامه مدري شنو اللي خلانا ندخل في موضوع [ تعدد الزوجات ] هي ماكانت مؤيده بالمرّه لــ هالأمر وأنا في ذيك الساعه كنت في صفّها ، الحبيب اللي معي قام يخربط شوي | ضايقها بكلامه | ـــ يعنني !! ـــ ردّت عليه قالت له : تقدر تلوّن البيضْ أحمر وأخضر وأزرق من برّا لكن من الداخل كله متشابه ! ، وصل المدير وإستأذنّا منها ودخلنا عليه وقضينا حاجتنا يوم ركبنا سيارتنا نشدني /


- هي وش تقصد بـ سالفة البيضْ ؟!
+ يمكن إنها ماتريّقت بنت الحلال !

_ لا والله صج أسألك أنا من اليوم أفكر في سالفتها
+ هاللحين إذا كسرت البيضهْ وش يطلع لك

_ صفار !
+ ممتاز

_ بس !
+ بس !!

_ أنت إستفدت شي من هالمعلومه ؟!!
+ لا

_ صاحبك مالقى غير هالغبيه يحطها سكرتيره له
+ غبي !!

 

[تركي الحربي]

فيه سالفه أبـ أكتبها ومتردد

 

[تركي الحربي]

المراد /

فيه شايب عمل حركة نذاله بـ رفيقة دربه الطّويل
" طلقها " ، هو بصراحه بعد ماسمعت منه ماينلاّم لكن تبقى إرث تاريخي المفروض يهتم فيه ، إسمه أبو ناصر حكايته تدور فصولها الأولى في " أبان الحمر " في السعوديه " بداية " التعارف بينهم أعني ، قصتهم فيها شبه من قصة " قيس وليلى العامريه " اللي في جبل التوباد : يابعد الفرق بينهم


ي
ت
ب
ع

 

[تركي الحربي]

الحديث له ُ الأن :

طفولتي كانت طفولة ٍ قشرا " طفولة عدوّك " ، أمي جابتني على كبر قبل سن اليأس بـ دقيقه حملت بي ، كان وقتها أبوي متزوج على أمي وحده أصغر منها بـ عشرين سنه تقريبا ً ، ولي إخوان منها ، مرت السنين وكبرنا ، أخواني" مدللهم " أبوي دلال موطبيعي وأنا اللي متنيّل على عين الي خلفني ، تركني أبوي أسرح بـ الإبل " راعي بدون فلوس يعني " | أهمز مهماز الأولين | بـ ليل وبـ شتاء ولا أحد يسأل عنّى حتى أمي الله يرحمها " خرّفت " مرات أجي أجلس عندها تحسبني " سرووق " تقوم تحذفني بـ الرضم ، ترى عمري هكاالحين بـ قيام السبعطش ، وترى ليالينا شتا وبروق وأمطار وخير | أنعااااااااااام | إيه قبل لا أنسى ترى الشجاعه لك عليها فـ الليل ، تدري أيامنا هذيك ذيابه ومغازي وحنشل وأنا ورع ووحيد مع هـ البل مامعي غير خنجر ، المهم هـ/ كا اليوم أمرحت عند أهلي ويوم أصبح الصبح ركبت رحولي ومشيت من أهلي السما مغيّييييمه غيم ٍ أسود " يِخْرِعْ "

ي
ت
ب
ع

 

[تركي الحربي]

يُكمل الحديث :

يقول همزت عن أهلي لي حول يومين هالحين ، وبثالث يوم غابت الشمس وهي تشتغل علي " البروق والرعود " شي ٍ يسلب العقل ، صوااااااااعق ٍ متشابكه ، ضاقت علي الوسيعه مدري وين أرووح ، انا أبنحاش بس المشكله مدري وين أروح ، يقول أنا بـ طرف البِل ْ راص ٍ روحي على جنب الرحول قلت إن جت صاعقه تضربها هي " من الفهم الزايد " ، شف إن نيّتي قشرا وهي تضربنا صاعقه قريّبه فكّنا الله منها مالها شبيه غير قذيفة مدفع ، أنا تراي منبطح عند يدها اليمين وقريّب لرقبتها والرّحول تحذف رقبتها يمين علي وتضربني على " خشمي " والحمدلله ماصار شي بس " أرعفت " رعاف ٍ خفيف وشوي دوخه ، ماااااش انا ضاقت فيني الوسيعه ويوم شعق برق آخر نسيت الرعاف ، وأشوف لي جحر ماهو بعيد خابره قبل لاتغيب الشمس من حلاة الروح زبنته ، وأروح أركض يمّه ، أثاريه جحر " كلبة ٍ مجري " الله يكرمكم ــ انا مدري أحسبه خالي مابه أحد وأدخل عليها بـ رجليني هي و " جراوتها " ، ومن القراده جت رجليني على إثنين من جراوتها وأذبحهن ، وهي تهيج علي أمهن وأطلع من الجحر ركض من طيب الحظ

برووووق وهـ اللي تبي تنتقم مني وراي تخطّفني


ي
ت
ب
ع

 

[تركي الحربي]

حكايته بـ كامل تفاصيلها ،
أحاول أن ألتقط منها الـ مُضْحِكْ فقط ،
وإن كانت بـ أسلوبه هو ممتعه جدا ً وشيّقه أكثر بـ كثير من كتابتي لها !