فاقـــد الشيء لا يعطيه ..!!

[عطاالله ممدوح]

احبتي

في ابعاد أدبيه
السلام عليكم ورحمة الله وبركاته

تشرفت بالانظمام إليكم

وهذه اولى مصافحاتي لكم..

اتمنى ان تنال شيئا من اعجابكم...

[poem="font="simplified arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي كانـك علـي اتشـرّه=عمرك سمعت بفاقد الشي يعطيه
السالفة ماهي مثـل كـل مـرّه=وماكل مابالصدر للنـاس نبديـه
افتح زرار الود وارجـع وازرّه=اصارع ظروف الزمان وبلاويه
بعض العرب ماتفيد فيه المبـرّه=حتى لو انك فوق نفسـك تبديـه
يبين لك وقت الرخـا والمسـرّه=وعنداللوازم مبعـداتٍ خطاويـه
كل يوم له درب كفى الله شـرّه=يمشي ولكنه على غير (تاجيـه)
ماينفعك لـو هـو بمثقـال ذرّه=ياقل حسْناته وماكثـر مساويـه
وان غبت عن عينه غسيلك يشرّه=من يسمعه يقول كنّـك معاديـه
وبعض العـرب يانـاس لله درّه=لوانك اتحطه على الجرح يبريه
ياصاحبي والوقت حلـوه ومـرّه=لابـد ماتجـري علينـا لياليـه
كلٍ مع الأيـام يظهـر مصـرّه=وكم واحدٍ حاضره يشفع لماضيه
ومن لايقـدم بالزمـن مايسـرّه=على طريقه يكثـرن المشاريـه
والي عن الطولات نفسه تغـرّه=يموت ماحدن جاب ذكره وطاريه[/poem]

شعر/ عطاالله ممدوح المضياني

 

[سكون]

بعض العرب ماتفيد فيه المبـرّه=حتى لو انك فوق نفسـك تبديـه

والله انك صادق

شعر جزل / راق لي

 

[جُمان]

عطاالله المضياني ..

كالأشياء الجَميلة حِين تَجيء بِكامل بَهجَتها تجيءُ وبِمعيتِك الشِّعر
سُقياكَ بَركة ونَحنُ موعودون بالربيع

أهلاً بِك بيننا
ومرحباً واسِعة

.
.

 

[أيمن الشهاري]

حكمة ناضحه

وتجربه عميقه

وإحساس منطقي بالتعامل مع الأشياء

تركيز وبراعة في إعادة صياغة المثل القديم


لا فض فوك ولا تربت يداك

دمت

 

[سعد الجميلي]

بعض العرب ماتفيد فيه المبـرّه
حتى لو انك فوق نفسـك تبديـه
يبين لك وقت الرخـا والمسـرّه
وعنداللوازم مبعـداتٍ خطاويـه



صدقت صدقت ايهاالحكيم الشعر

ومن الشعر لحكمة ومدرسة للاجيال


شكرالك اخي عطالله على هذاالنص

 

[محمد عوده البلوي]

صح لسانك



لكل حرف في هذه القصيده ما يفرض وجوده



لله درك


وحياك الله يسعدنا وجودك


تحياتي

 

[خالد العلي]

وعليكم السلام ورحمة الله وبركاته
.
.
يسعد صباحك سعيد بوجودك لوجود الشعر معك
ويسعدني اكثر ان اكون من المنتظرين للمزيد!




دمت بخير

 

[عبدالله العويمر]

حُضُور غَنِيّ وبِه ِ مِن الحِكَم الكَثِيْر
نَص جَمِيْل ياعطَا الله
أهْلا ً بِإطْلالتُك فِي مَكَانِك