راعـي ثـلـيـم

[نهار بن ممدوح]

[poem=font=",6,limegreen,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هذا الوطن شامخ ولا يلحقه ضيم=نموت دونه مايدنّس ترابه
دونه مداغيش العيال الشغاميم=خراب دار اللي يدّور خر ابه
من دون حدّه مانعرف المفاهيم=نجهل ولو نملك عقول وخطابه
صحيح دون مقدساته مواليم=والله مشرفنا بمكه وطابه
لكن (وطنا عرضنا) مابعد سيم=كلّه مقدّس من سماه لرحابه
فضله علينا مايقابل بتحجيم=مايجحد المعروف رجلٍ نِشابه
حتى الغريب اللي على خدّه مقيم=يدين له بالفضل لانّه سعابه
يكنّ له حب ومعزه وتعظيم=ومن الوفا ماباع به واشترى به
ياظالمٍ نفسك وفي غيّك تهيم=فعلك سؤالٍ ما لقينا جوابه
وشلون وانت ابن الوطن,والوطن ديم=قد علّ عودك لين مازهر شبابه
بدال ماتهديه مجدٍ وتكريم=تجزيه بالنكران يا للغرابه
اليوم عقلك فيه خفّه وتعتيم=وأبعدت عن نهج النبي والصحابه
وسلكت درب اهل القلوب المجاهيم=حتى انهم جرّوك صوب الخرابه
طاعة وليّ الأمر عُرف وتعاليم=والله مقدّرها بمحكم كتابه
وشلون من للدين صاروا مقاديم=(ال السعود) اهل الشرف والمهابه
لهم الوفا منا عليّ الملازيم= وإنّـا لهم وقت الشدايد عصابه
عهدٍ عطوه جدودنا راعي( ثليم)=ما دامنا حيـّـيـن حنا زهابه
واللي تعب صوته وهو يرّقب الغيم=يبي يموت ولا درت به سحابه[/poem]


"شعر/ نهار بن ممدوح

 

[فرج البلاز]

وافي يا نهار

صح لسانك وكل عام وانت بخير

 

[عبدالإله المالك]

الشاعر / نهار بن ممدوح

تغنيت بالوطن .. وما أجملَ الوطن ..

شاعرية مقتدرة

سلمت

 

[سعيد الموسى]

العزيز جداً : نهار بن ممدوح
بشعرك الوطن أجمل ...
شكراً لوفائك

 

[صالح الشملاني]

نهار انت وطن لحالك مليئ بالمدارس
باللأدب بالشعر الحقيقي
صباحك الجميل اشبه بي بسمة الاطفال .. وغيابك اشبه بـ دم الغروب مؤلم وصعب جداً
نص لتاريخ يانهار صح الله السانك ياعظيم .. ولاتغيب عن وطنك ابعاد !

 

[فهد الغبين]

الغالي نهار


صح السانك ولاهنت

 

[وليد الفالح]

يستحق الوطن كل القصائد
شكرا لك يانهار

 

[عبدالعزيز العميري]

كل عام والمملكة
بأجمل حلة

لك الحب

شكرا على الشعر