الـجـادل

[نهار بن ممدوح]

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا خاين الملح والعشرة عليك الملام=من يوم شلفاك حلّت بي مضاريبها
وانا احسب انك على شوفي طواك الهيام=واثريك ترسم على الفرقا وناويبها
كم لي وانا انظر سحابك والظوامي حيام=وعوج المحاني لطرشك عاويٍ ذيبها
لكن خذ العلم مني والمشاعر صيام=عن مثل شرواك طب النفس تهذيبها
والحر لا شاف جوّه يعتريه العسام=يشوم لين السما يدهل مراقيبها
والنفس ورده ومنتوج المشاعر غمام=وإلا بسنّ الفطام يبين لك شيبها
والشعر مثل المطر يحيي عروق الثمام=عقب سموم الدهر قفّت لواهيبها
واليوم في وقتنا هذا عليه السلام=ناسٍ تشد القصايد من عراقيبها
ولو إنها تنكتب بالغصب وإلاّ المرام=إن كان شفت البشر كثّرت مشاعيبها
لكنّها موهبه من عند رب الأنام=اللي صدور الاوادم عالمٍ غيبها
والجادل اللي تكشّف ما سترها نظام=كم لي وانا يا وسيع العرف ماليبها
فيها المبادي تلاشت والمشاعر تسام=وحتى عيال العجم قامت تهذريبها
عزاي غرّ القصايد تنهمر لي شمام=إليا لفتني هجوسي قمت اغنيبها
تغيب عني وترجع لي ضيوفٍ حشام=وتلفي وهي عارفه منهم معازيبها
شاعر وليّه من المعنى شعفة السنام=واتعب على النادره واوفي مواجيبها
لو اني أنشر بعض مكتب بوسط الزحام=كان الصفوف الأوايل عدت ترتيبها
[/poem]


شعر/ نهار بن ممدوح

 

[شقران الزيادي]

والـحــر لا شـــاف جـــوّه يعـتـريـه الـعـســام
يــشــوم لــيــن الـســمــا يــدهـــل مـراقـيـبـهـا
.
.
.
عــزاي غــرّ القصـايـد تنهـمـر لــي شـمــام
إلـيــا لـفـتـنـي هـجـوســي قــمــت اغنـيـبـهـا
تغيـب عنـي وتـرجـع لــي ضـيـوفٍ حـشـام
وتـلـفـي وهـــي عــارفــه مـنـهــم معـازيـبـهـا
شاعـر وليّـه مـن المعـنـى شعـفـة السـنـام
واتـعــب عـلــى الـنــادره واوفـــي مواجيـبـهـا
لو اني أنشر بعض مكتب بوسط الزحـام
كــان الـصـفـوف الأوايـــل عـــدت ترتيـبـهـا
.
.
كفو يا نهار وتحري بطيب من الشعر
نص جزل ممزوج بالثقة والاعتزاز بالنفس
وبلا شك مستحق

همسة:
حتى وان اعدت ترتيب الصفوف رقمك في صدارة المبدعين وسيبقى كذلك

اخوك

 

[عبدالله العويمر]

ولو إنها تنكتب بالغصـب وإلاّ المـرام

إن كان شفت البشر كثّـرت مشاعيبهـا

ياسلام عليك

 

[عطاالله ممدوح]

ياسلام عليييييييييييييييييك يابو نايف
نص جميل ومتجاوز

صح لسانك

ودمت بهذا الالق

 

[أمجاد محمد]

نص فاخر وجميل جدآ
شكرآ لك

 

[نهار بن ممدوح]

القدير/ شقران الزيادي

شرفتني في حضورك

الغالي و العالي


لاهنت

 

[عبدالإله المالك]

الشاعر نهار

أجزلت شعرًا

وأغدقت فكرًا

 

[أشواق مكتومة]

والنعم يا شاعرنا
صح السانك ألف
ولا فض فوك