الجازيـــه

[بعد الليل]

بعض الفرح لا لفى .. يحتاج له تهيئـه
وشلون بالحزن لاباغـت بليّـا صهيـل ؟

كنّه كذا عـرش نخـل ٍ جيـت تتفيئـه
واثـره معرّيتـه ام الريـح مابـه ظِليـل

تغتاله الشمس لو عـدّت ظِلالـه مئـه
واتمحور اللي بقى منّـه : عطيّـة سبيـل

ما كنّ هـالأرض / ذول الناس/أيّـة فئـه
ذرّوا على شان توديعـه زهـور الرحيـل

شرْط الغياب : التعوّد ، كيـف نستمرئـه ؟
حتى لـوْ إنّـا تعوّدنـا الغيـاب الطويـل

أقسـاه ، لاوالله إلا ارداه ، لا أســوأه :
اللـي يلقّـم أمانينـا فَـمْ المستحـيـل !

لا والله إنـي مـن الخـذلان مـا آبرئّـه
كانه تمـادى بنـا حلـم وحصدنـاه ويـل

ماكـان يعنـي مـن الأوّل قبـل نـمـلأه
بالصبر ، يهدي تضاريس الوداع الدليـل؟

ماكانت الروح ؟ أصـل الـروح : متـلألأه
تومض على شفّة السعْد اْبتسامـة جليـل ؟

يْحـقّ لـي آتعاطـى الجـرح ذا وأنكئـه
ماهوب حزن ٍ عَرَى هالروح حـزنٍ قليـل

كانت كذا : تدحـض الضيقـه بـلا تأتـأه
إلين صـارت تزبّنهـا الخفـوق النحيـل

كانت كذا : تلطـش البـرد ويجـي أدفئـه
إلين غلغـل جمـود البـرد قلـب ٍ شِعيـل

كانت كـذا: تاخـذ الغيمـة مطـر تهنئـه
وتْزّين المـاي بألـوان البـزوغ الجميـل

كانت كذا : تعتبر نـزْف القصايـد : رئـه
إلين صار القصيد النـزف ضيـف ٍ ثقيـل

ومن كانت إلين صـارت شاحبـة مُطْفَئـه
وانـا آتنثّـر علـى آخـر مداهـا غليـل

اخترت أخـوض الوجـع هـذا ولا آهدئـه
قبل يْتوالـد شعـور القاتـل اللـي قتيـل

قبْل يْتنامى المـلام / الوخَـزْ /والتخطئـه
أبـآرِد المـرّ ليـن آصـدّر السلسبـيـل

وأتهيـأ الحـزن لا منّـه لفـى و أبدئـه
واصيح بي لاتسرّج خاطري: خيل خيل .. !


--------

هذه قصيدة أخترتها لكم لهذه
الشاعرة الباسقة الجميلة / الجازيـه

أرجو ان تستمتعوا بجمالها وبأبعادها المضيئة

 

[نواف التركي]

هذااااا


هو


السحر

 

[شاعر البدر]

ما كنّ هـالأرض / ذول الناس/أيّـة فئـه
ذرّوا على شان توديعـه زهـور الرحيـل
*
*
ما كنّ هـالأرض / ذول الناس/أيّـة فئـه
ذرّوا على شان توديعـه زهـور الرحيـل

*
*
يا..اللّه كمْ هوً ساحر!

 

[تركي الحربي]

مساء الخير

بعض الفرح لا لفى .. يحتاج له تهيئـه
وشلون بالحزن لاباغـت بليّـا صهيـل ؟

كان يوما ً ما توقيعي


شكرا ً يارائعه

 

[سنا الأبجدية]

شرْط الغياب : التعوّد ، كيـف نستمرئـه ؟
حتى لـوْ إنّـا تعوّدنـا الغيـاب الطويـل

أقسـاه ، لاوالله إلا ارداه ، لا أســوأه :
اللـي يلقّـم أمانينـا فَـمْ المستحـيـل !
آآآآه صاخبة انطلقت هنا




قصيدة مميزة أعادت الصراع بين الحزن والأمل
شكرا لاختياركِ الرائع بعد الليل

 

[بعد الليل]

المشاركة الأصلية كتبت بواسطة نواف التركي

هذااااا


هو


السحر

هكذا هي الجازيـة

 

[بعد الليل]

المشاركة الأصلية كتبت بواسطة شاعر البدر

ما كنّ هـالأرض / ذول الناس/أيّـة فئـه
ذرّوا على شان توديعـه زهـور الرحيـل
*
*
ما كنّ هـالأرض / ذول الناس/أيّـة فئـه
ذرّوا على شان توديعـه زهـور الرحيـل

*
*
يا..اللّه كمْ هوً ساحر!

وهذا ساحر آخر :

أقسـاه ، لاوالله إلا ارداه ، لا أســوأه :
اللـي يلقّـم أمانينـا فَـمْ المستحـيـل !

 

[بعد الليل]

المشاركة الأصلية كتبت بواسطة تركي الحربي

مساء الخير

بعض الفرح لا لفى .. يحتاج له تهيئـه
وشلون بالحزن لاباغـت بليّـا صهيـل ؟

كان يوما ً ما توقيعي


شكرا ً يارائعه

وشلون بالحزن لاباغـت بليّـا صهيـل ؟

تركي الحربي

امتناني لمرورك
تحياتي