قصيدة..!!

[نواف التركي]

.

.

.

.

النهاية :
عمر ما كانت صناعة ..
لو قدرت أختار ما أخترت الحضور ..
النهاية :
قسمة وحظ ونصيب ..
غيب قدّ ما تقدر تغيب
يمكن أقدر أذبح إحساسي وأغيب ..

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحة مات في حظن الكلام العتب = تمكّن الشكّ من ذبح الشعور اليقين
حديث الأرواح بعيون القلوب إنكتب = على ضفاف الجراح اللي نستها السنين
اللي مفارق ماهو محتاج عذر وسبب = أشرّه على اللّي يهزّه فـ / الغياب الحنين
الحبّ وحده يدلّي لك غصون العنب = الحبّ ضعفي وأنا سيد الكلام الرزين
عرّضت صدري من الضيقة لصدر المهب = أبيه يقطف بقايا ضحكة الياسمين
كتبت ياما كلام من الزعل وإنشطب = خفت القصايد تموت بزحمة العابرين
أحيان الأنسان يختار الطريق الصّعب = أحيان تستدرج الذكرى الشعور الحزين
يا غيمة الحلم ما بلّ الحضور الجدب = ولا طرى لك على كثر الضمى تمطرين
البارحة بعتّ فضّة وإشتريت الذّهب = البارح الصمت كان أبلغ كلامٍ ثمين[/poem]

 

[خالد العزاب]

البارحه بعت فضه واشتريت الذهب ..


وربي احساسك ذهب يانواف ..


شاعر انيق

تعيش

 

[ميــرال]

.

اللي مفارق ماهو محتاج عـذر وسبـب

أشرّه على اللّي يهزّه فـ/ الغياب الحنين

صباحنا شعر يانواف وايضاً معاتب لهذا الغياب

هكذا كنت وهكذا انت حين حضور /تملي الدنيا عطر

 

[صالح العرجان]

خل عنك بس
والله ان الوجع لامسن الكبد

نواف
صح لسانك وإعتلا شانك
رد ود

 

[صالح الحريري]

للقصيد في ضلال اضلعك بيت ومركاز يـ نواف ..!

قصيدة قادرة أن تكشف عن ساق الغياب

تمنح صرح المعنى انعكاس الصور ..!

دمت بألف خير

 

[خالد صالح الحربي]

:
بكلّ اختصار : كانت الـ [ قصيدة ] / قصيدَة .
تُشبه شاعرها المتوشّح بالغياب والرفض والثورة على كُلّ شيء لا يستسيغه .
نواف التركي ~ لروحك الجميلة كُلّ الوِدّ .
والشُّكر / أيضاً .

 

[علي المحمد]

لك وحشه يالغالي

خلك قريب عسانا ما ننحرم هالطله

صح بوحك

أخوك / علي المحمد

 

[عبدالعزيز سحل]

الحبّ وحده يدلّي لـك غصـون العنـب
...................الحبّ ضعفي وأنا سيد الكـلام الرزيـن

العذب / نواف التركي

ما زالت الساحه بخير وهذا القلم الي توشح الابداع

شكرا لك بحجم السماء لارواء الذائقه فكرا وشعرا

مودتي