تعال / وإنفض غيومي !

[مشاعر تائهة]

.

.
.


إختناق
والدعوى .. محتاجه عناق!
ولا طرى لك
.... غير تهديني.. سهر
ضيم
و
فراق

هـَز جيدي ..هالغثا مافك قيدي
وطاح من عيني عزم(صبر) مغلوب

يا عرب لا تنشدوني عن جديدي
هالصدر من ضيقتي ماهو رحوب

دام هذا الهم يسري في وريدي
أبشرو باللي (يذوّب)ما يذووب

حظي طاح بكل شي الاّ قصيدي
من كتبته وآنا احصد لي قلوب

 

[مشاعر تائهة]

.
.
.


وَ أحيانا ً كل من يحمل دم هذه الفصيله يبحث عني لأتبرع له
’


أذكر جيداً في شتاء الـ 2007 عملية المرحومه (المرارة) وكانت تحتاج لمتبرع يحمل -O
ولكن لم يكن يطابقها غيري .. ذهبت لبنك الدم ومعي ربطه سوداء لأعصم عيني لأني أكره الإبر .. ورؤية الدم ../ بعد التحليل صرخت بوجهي الممرضه ( ياماما دنتي محتاقه مين يتبرع ليكي إخرقي برّااا ) كان جدلي معها عقيم لينتهي بي المطاف في ممر المستشفى وأنا أبكي بحرقه

يمّاي وإن كان الحزن ذا غدى بي
مابين قبل أمس ٍ وبعده وبكره
مقفله لـ لحين يمّاي بابي
مابي أحد / ماحب .. |ماني بأكره
هجس الشعر اللى كبر لا سرى بي
مابين خط الصحو أو خط سكره
يحق له يحلم وأحيا شبابي
مادامني ماعوم في ماي عكره
لا تشرهين إن كان طوّل غيابي
مابي أكون بعينهم يوم ( نكره)
يمّاي بعدك صرت أذكّر: صحابي
(ان مات طيبنا فما مات ذكره)

 

[مشاعر تائهة]

وآتصبّب من أرق
في جبين الحزن .. ووجيه القلق
وأحترق
لا إنتشى شوقي ( وله )
وإنت عندك ما فرق ،


سيدي .. والجرح هذا ما سرق
غير طــفله .. غارقه بألعاب
وشعور
وصدق ..
ياللي فعلك ما صدق ،

آه لو قلبك يحس أوحنينه يستجنّ
ليت في لحظه يرقّ
والغرق .. ما وجعني كل ما

همّي برق
غير إنّا :
( بعد هذا الحــب حنّا نفترق ! )

 

[مشاعر تائهة]

أنا وفيروز وأحلامي نسافر بك ولا نرجع
لان أغلب صباحاتي معك تجلي غثا ضيقي

وتدري لا انشغل بالك وش اللي بالفعل يوجع
إذا طيري نصاك وعاق ظروف الوقت تحليقي !

يا حبيبي
كن صديقي .. لك أغني بعز ضيقي: كن صديقي
كان ما تقدر تكون
لي حبيبي .. بل ريقي
وكن صديقي
ما أبي حر التعازي
لا تواسي .. يالخيالي .. كن حقيقي
عالأقل .. لا مات عزمي .. وتهت (عني) كن طريقي
وكان ما تقدر .. بتقدر لإنكسر حيلي وجيت بعز ضيقي
كن صديقي
كن صديقي
كن صديقي

يا أصاله ..
اللي بيـْنّا نـُص حاله
احنا كنّا في الحقيقه مو حقيقه
واللي فعلا ً يُبنى عن طيش وجهاله
ما يضيّع غير ( كل ٍ ) عن طريقه !

 

[مشاعر تائهة]

يا صباح الجرح والحزن الأكيد
يا هموم ٍ ما ْطعمت حلو الصباح

كل هذا الفرْح في عيني زهيد
من لبس عنقي قلايد من جراح

صار هذا الحلم عن ايدي بعيد
يوم ضيّق لي غيابك هالبراح

موجز الذكرى على بالي تعيد
كيف ضعـْتك يوم هبّت هالرياح

كل هذا الوقت عيّا لا يبيد
شوقي اللي يغرس بصدري رماح

كيف أبلبس ثوب وإحساس ٍ جديد
وكل ما أحبّ إندفن عقبك /وراح

صرت أترجمني بعد عينك قصيد
لو يقال الحكي عنّـا مو مباح!

كيف يا يمـّه أبفرح كل عيد ؟
دام روحي ماطْلبت طلق السراح

،

كل عيد ٍ مرّني ما هو سعيد
إنتي خذتي معْك أفراح الصباح

 

[مشاعر تائهة]

http://www.4shared.com/audio/i2s2H7SZ/__online.html


شكراً لصاحب الصوت الشجي على هذا الإهدااء ممتنه له كثيراً رغم أسفي على عدم ذكر إسمه أو حتى لقب له

 

[مشاعر تائهة]

المشاركة الأصلية كتبت بواسطة عـالـيـة الـصـيـت

.
.
.

لو تركت لتس التعليق على هذإأ الصوره .. وش رأإح يكون التعليق .~]

.
.
.

كلّ ما
ضاق المكان
.......................و و و وإختنقت
وصرت محتاجه ( بياض )
وإندفن كل الحكي
وما نطقت ْ
غير إنّي
ما طرى لي غير : إنتي
وإحتياجي لك حنان
وصدر أركانه رياض
.......و و و و إنطلقت
شوق مدري صوت
موت / حفنة إعتراض
وإنسرقت . إنتمائي لك أمان
البكا مـِزعج هدوءك
وصخبك العامر
حنين ، جابني لك
ما حشمني من زمان
و و و أرتمي لك
مالي من دونك مكان
صرتي والله بعد أمّي
ريحة أمّي يالرياض
ريحة أمّي يالرياض

 

[مشاعر تائهة]

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بلّغو أعداء شعـري يـا عـرب=ماعلي من هرج كل الحاقديـن
من براسه شيٍ؟ إحساس وعتب؟=لا يجي إلاّ معـه علـم ٍ يقيـن!
إسمي اللي ماسترتـه باللقـب=والله ان تبطي تـرددْه السنيـن
ومن يلفّق قول وعلـومٍ كـذب=كل حكْيه يوم نحشر لـه يْديـن
جعـل حوباتـي تحـدّه للكـرب=ولا يفرج لـه إلـه المسلميـن
همي اللي حاصدٍ فرحي حطـب=يدْفي العالم وأنا بـرد الكنيـن:
ما صنع منّي على قول العـرب=غير وحده عن كثيـر العالميـن
[/poem]