عذر الامل (مصافحه أولى)

[عمر الهمزاني]

مساكم الله بالخير
أولا انا سعيد بانضمامي لهذا الصرح الادبي الشامخ
وأتمنى أن ينال ماأقدمه على رضاكم وأستحسانكم
بين أيديكم هذه المتواضعه مصافحه أولى

؛؛مدخل؛؛

لو تهيا وصالك أبشري بالحبيب
..............جاك كله وقلبه بالمحبه عمى

أشهد أنه تعذب مالقى له طبيب
.............الغلا في عروقه والمفارق ظما

((تعابير الاقلام))

[poem=font=",6,darkblue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
أدفن هموم وتنولد فيني هموم=يالله دخيلك من تصاريف الأيام
لاشك مايجري على العبد مقسوم=مار الرجا من تالي الحظ قدام
ياقلب لوتبقى مع الوقت محشوم=لاعاد تشره لو تعداك الأحلام
ياما كرهت بدنيتك طلة اللوم=وياما شبعت من الطواري والأوهام
أحضن غلا طيف ٍله أيام محروم=وأشبع غروره لو تعذب ولاهام
يكفيه من جوفك معاذير وسلوم=ويكفيك من جوره تعابير الأقلام
عذر الحطب في داخل الجاش مشعوم=وعذر الامل في ظل الأحداق مانام
وشلون ينساني وأنا عنه ماصوم=وشلون يفطرني على عض الأبهام
لو كان بايعني على فرقة السوم=وشلون تشريني تصاريف الإلهام
الجرح لو دونه عن الشامت هدوم=يفضح هطول العين لوكنت عزام
والصد لو يطغي على قلب منجوم=وش حيلته وأتلا المعاليق هدام
ليه العتب في كلمة الحق مظلوم=ليه العنا في غفلة الشوق مقدام
ليه الرجا في سطوة الوجد مرحوم=ليه الشقا في خد الأشواق لزام
ليه اللقا في حجر الأهداب معدوم=ليه الهقاوي تختفي خلف الأحكام
دام الاماني تحتوي وسطه غيوم=أشره على قلب ٍمن العام منضام
دام الجفا في خافقي ظل محتوم=حنيت ياساقي على سج الاقدام
الحب لعبه مير لاصرت مهزوم=حاول تناسا لو على شان الأحلام[/poem]

؛؛خروج؛؛

يـامـا تـقـهـوا في محـلك من تعلق بالهيام
وياما تأمل فـيـك عـاشق مار حظه يقهره

لاتهملين الطيف كانه حال من دونه ظلام
أن ماحفظتي ورد حلمه..جور حبه بعثره

 

[أحمد الهايس]

عمر الهمزاني ..
أهلا ً بك بين أحبتك آل أبعاد نتشرف كثيرا ً بانضمامك
هطول أول يتراكض خلفه الربيع في هذا المصافحه الإولى ترسم الدهشة على ملامحنا لتجعلنا ننتظر ماهو قادم بشغف
الحب لعبه مير لاصرت مهزوم
................. حاول تناسا لو على شان الأحلام
توقفت كثيرا ً عند هذا البيت وسأعود كثيرا ً لهذا النص المفعم بالشاعرية كل الياسمين لقلبك ...

 

[عبدالإله المالك]

الشاعر عمر الهمزاني

مصافحة أولى غير شكل ..
شاعرية عبقة ..
كم نحن سعداء بمثل هذه المصافحة والانضمام للبعد الآخر ..

 

[عون القحطاني]

عمر الهمزاني

ارحب بك في ابعادك
اهلاً بك يا جميل

نورتنا بهذا الحرف الوامض والنابض
سعيدين بحضورك شاعرنا

وافر الشكر والامتنان

 

[بدرية البدري]

عمر الهمزاني ..
شعر وعذوبة ..
نورنت أبعادك ..

لقلبك الورد ..

 

[ناصر العلي]

حياك الله في ابعاد
شاعرنا المبدع عمر الهمزاني
اطربتنا بهذا النص الرائع

 

[عمر الهمزاني]

المشاركة الأصلية كتبت بواسطة أحمد الهايس

عمر الهمزاني ..
أهلا ً بك بين أحبتك آل أبعاد نتشرف كثيرا ً بانضمامك
هطول أول يتراكض خلفه الربيع في هذا المصافحه الإولى ترسم الدهشة على ملامحنا لتجعلنا ننتظر ماهو قادم بشغف
الحب لعبه مير لاصرت مهزوم
................. حاول تناسا لو على شان الأحلام
توقفت كثيرا ً عند هذا البيت وسأعود كثيرا ً لهذا النص المفعم بالشاعرية كل الياسمين لقلبك ...

الله يبقيك ويسلمك يابعدي

تسلم وماقصرت يالغالي على هالمرور الكريم

لاهنت وبيض الله وجهك

واااافي

تحياتي لك

 

[عمر الهمزاني]

المشاركة الأصلية كتبت بواسطة عبدالإله المالك

الشاعر عمر الهمزاني

مصافحة أولى غير شكل ..
شاعرية عبقة ..
كم نحن سعداء بمثل هذه المصافحة والانضمام للبعد الآخر ..

هلا والله وغلا فيك ياعبدالاله

تسلم يابعد ولاقصرت

وانا اسعد صراحه يالغالي

تحياتي لك