ثوب الصمت

[عطاالله ممدوح]

:

.

كل عام وانتم بخير أيها الأحبه

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للعقل عوره مثل ما للجسد عوره=كم من عقول بثوب الصمت مستوره
حتى تفوّه بما يكشف خوافيها=شي ٍ مايستره ( دشداشه ) و ( كندوره )
ياليت بعض البشر يبقى على صمته=ويموت سامج كلامه وسط حنجوره
ماودك انك تشوفه قبل تسمع له=يعجبك في وقفته واللبس والصوره
وليا تكلم عسى ماينولد مثله=بين الرفاقه ولا بديار ( أخو نوره )
ياصاحبي عطني عيونك قبل سمعك=واسمع من محدثك ماخالج شعوره
كلام الانسان ناتج عن قناعاته=وقناعته جزء من فكره ومنظوره
والناس تحكم عليك بماتلفظ به=وانت اختر اللي تحسّ يناسبك دوره
اما مع اللي مكانتهم على الهامش=والا مع اللي يشير وينوخذ شوره
كم واحد نفرح بشوفه ونسعد به=وكم واحد غيبته احسن من حضوره
ياصاحب العقل وش هي فايدة عقلك=اذا يقودك عقل غيرك ودستوره[/poem]

عطاالله ممدوح

 

[أروى التميمي]

،
تسكب الحكمة في كوب فاخر
ظاهره جميل ومافيه يروي الذائقة

من المطلع ، إلى المخرج
ومابينهما جميلٌ جداً


تلاميذ نقرع باب شعرك
ونلتمس منه الجمال
وما خاب من قرع

دمتَ شعراً

،

 

[عبدالله سماح المجلاد]

الشاعر القدير والأخ العزيز
عطالله بن ممدوح
أن يقول المرء صح لسانك لشاعر رائع وباعه في الشعر طويل وتجربته مكتمله فهذا مخجل من وجهة نظري ولا أملك وجهة نظر الاخر
صدقني ياعطالله أنك من أجمل الأسماء التي قرئت لها في الساحه ويكفيك أنك تملك بصمتك الخاصه التي تدمغ بها نصوصك الدافئه
.....
لاتحرمنا منك يارائع

 

[منار عبدالعزيز]

المشاركة الأصلية كتبت بواسطة عطاالله ممدوح

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كم واحد نفرح بشوفه ونسعد به=وكم واحد غيبته احسن من حضوره
ياصاحب العقل وش هي فايدة عقلك=اذا يقودك عقل غيرك ودستوره[/poem]

بيتين أنهيت بهم جميلتك بأهم ما يميز العقل البشري... وما أجملهما

صح الله لسانك ولا هنت.. قصيدة لها ثقلها

 

[مرضي البلوي]

صح لسانك يامبدع .. وعيدك مبارك
جميل جداً هذا البوح وراقي

احترامي

 

[عبدالإله المالك]

عطالله

صح لسناك ومنطوقك .. هذا هو الشعر .. والشاعرية تتألق هنا من ينبوع الروح العذبة .....

أسعد الله حضورك وأوقاتك كلها شعر ..

 

[فرج البلاز]

صح لسانك لاهنت ..

 

[صالح الشملاني]

المشاركة الأصلية كتبت بواسطة عبدالله سماح المجلاد

الشاعر القدير والأخ العزيز
عطالله بن ممدوح
أن يقول المرء صح لسانك لشاعر رائع وباعه في الشعر طويل وتجربته مكتمله فهذا مخجل من وجهة نظري ولا أملك وجهة نظر الاخر
صدقني ياعطالله أنك من أجمل الأسماء التي قرئت لها في الساحه ويكفيك أنك تملك بصمتك الخاصه التي تدمغ بها نصوصك الدافئه
.....

لاتحرمنا منك يارائع

الله الله لااضيف على تعليق اخي عبدالله

الا التصفيق كثيراً

مااجملك واصدقك واعمقك يامجنون : )