أنا مسافر

[عادل الدوسري]

بسم الله أبدأ
::
::
أبترك الدار لك و اترك لك الديره
والروح ماهيب في يمناك مرهونه

مشكور واللي حصل يا طيب السيره
ترجم جميع الذي كنتوا تخشونه

صبرت صبر ٍ ينشّف ماه من بيره
واسرار متبعثره و اسرار مصيونه

والشوق ملعون في مده و تقصيره
ما يرحم اللي سببه الروح محزونه

والوصل مزن ٍ تحدّر من شخاتيره
يروي عروق ٍ يباس بصادق مزونه

لكن خليتها لك جعلها خيره
و مفارقك صار لي أرباح مضمونه

والعاذل يدق مزماره على زيره
ويجر صوته على فرقاك و لحونه

والشامت يفسرك من ضمن تفسيره
وتصير ضحكة حكي ياللي تعرفونه

منتب كفو للذي خصّك بتقديره
والحب منتب كفو شكله ولا لونه

والعذر خله معك طرحه و تبريره
عذرك على اللي تنشّد ويش مضمونه

ديره بديره و أبدل جيره بجيره
من غير محدٍ يبيّح كل مكنونه

بروح للي ملكنا في تعابيره
الجادل اللي سببه النفس مفتونه

ادعج غنج ما خلق زينه على غيره
مزيونةٍ وان تحاكت ويش مزيونه ؟!!

والعمر فاني ولا شرّه ولا خيره
والحب سنّه مع العربان مسنونه

كل ٍ يحاول و جهده من مذاخيره
واللي مضى في سبيله لا تلومونه

الحاسد يموت بالحسرات والغيره
واهل الوفى حاضره توفي و ممنونه

عادل بوبدر ​الدوسري

 

[عبدالإله المالك]

حييتَ ـأهلًا وسهلًا ومرحبا
في أبعاد أدبية يا عادل

قدمت شعرًا رائقًا وشيقا

شاعر جزل وممتعة أبياتك
تقبل خالص التحية والترحيب



((ادعج غنج ما خلق زينه على غيره
مزيونةٍ وان تحاكت ويش مزيونه ؟!!

والعمر فاني ولا شرّه ولا خيره
والحب سنّه مع العربان مسنونه

كل ٍ يحاول و جهده من مذاخيره
واللي مضى في سبيله لا تلومونه))

 

[رشا عرابي]

حُيّيتَ وحرفُك/ إحساسكَ الماطِر يا أبا بدر

أبعاد بِأبعادِها وُدّاً تُحيّيكَ تِرحاباً بمُزن يَراعِكَ يليق

تحايا عاطِرة

 

[عبدالله عليان]

سنبدأ معك يابو بدر كما بديت بسم الله الرحمن الرحيم

والوصل مزن ٍ تحدّر من شخاتيره
........................ يروي عروق ٍ يباس بصادق مزونه !!

صورة شاعرية أكثر من رائعة

الله عليك يابو بدر

 

[أنور السيفي]

شاعرنا الكريم عادل الدوسري

أهلا ً بك أيها الرائع

للمساء معك حديث لايمل

سعدت بحضوري هُنا

دام عزفك

تقديري

 

[عبدالناصر السديري]

حضور عذب يا بو بدر يختصر التعريف بك وبشعرك العذب

 

[وليد الفالح]

رائع يابو بدر
تقديري

 

[ساره عبدالمنعم]

حييت أهلاً
في أبعاد
قصيده رائعه
ممتعه بجمال
حيكتها ..
سلمت