البيت أولى من عيال الخنا والبغا

[نايف العنزي]

عدت من جديد


تشوم نفسي عن رفاقة هبالُ ولغا
ما لي بهرجاتهم متعة وصبري قليل

والهرج لا انساق لهروج الخنا والبغا
ماني بهراج في قول الردي والرذيل

البيت أولى من عيال الخنا والبغا
لا صارت هروجهم نقل الردي والرذيل

يا كم ديكٍ يصيح وكم بعيرٍ رغا
ويا كم نسمع سواليفٍ بليّا حصيل

اللي جلس مع معاديني وسمعه وصغا
وش عاد لا صارت البومة لدربه دليل

مالي برجعة رفيقٍ راح من مبتغى
ما دامها دون سبة وش نبي بالثقيل

لا يا قوي العزايم يا حصان الوغى
بالناس نلقى مع الايام *صاحب بديل

وربع المصالح قضى موضوعهم والتغى
اللي يطقّوا على البيبان صبحٍ وليل

يا زهرةٍ زاهية والريح منه فغا
شومي عن اللي بساقه كلّ يومٍ يميل

الصدق مدري عن النيّة ووشو هو بغى
لكنّ في خاطري شيٍّ عريض وطويل

مانيب متكبرٍ هايم ولا بي طغى
لكنّ في غالب الأحيان شعري جزيل

 

[عبدالله العتيبي]

يادافع البلاء


اي بالله انك جزيل وجميل واصيل سوف ابقى هنا يانايف لحين تفرغ الذاكرة من شعر غيرك
واتشبع بما حوى هذا المتصفح الباااهر


حي هلا مليار وارررررحب

 

[عبدالإله المالك]

في كل الأحيان وفي كل الأوقات شعرك يا نايف جميل

جزل ومن راس جزل


متعة الفائدة الشعرية تحققت هنا

تقبل خالص الود يا نايف

 

[نيرفانا]

مالي برجعة رفيقٍ راح من مبتغى
ما دامها دون سبة وش نبي بالثقيل

لا يا قوي العزايم يا حصان الوغى
بالناس نلقى مع الايام *صاحب بديل




واعزّتي لي من أصحاب هالزمن .. نسـأل الله منهم السلامه .
يالنايف ..
عّز الله شـأنك وشـأن مّنَ على العّز ربّاك ..
ممتع حضور حرفكَ حدّ البذخ

طّبت

 

[بندر الصقر]

مرحبا بالعودة العطرة المليئة بالشعر والجزالة

مرحبا يا نايف

 

[خليفه الصائغ]

مانيب متكبرٍ هايم ولا بي طغى
لكنّ في غالب الأحيان شعري جزيل

اكيد والدليل قافيه الصدر

صح لساااااااااااااانك يا مبدع

 

[نايف العنزي]

شكرا على الإطراء الذي شحنني لنظم قصيدة أخرى وغمرني سعادةوشكرا لكل من استحسن القصيدة (وملاحظة بسيطة البيت الثاني والثالث المفروض اختار واحد لكني نسختهم جميعا بالغلط)
لكم خالص الود والمحبة

 

[نادرة عبدالحي]

الشاعر نايف العنزي كلام يسري في الذهن يتم صيامه

ويبحر في تأملاتهِ ......يالشاعر جعلت للكلام دهشة أدهشت كل من قرأكَ.