ياحر

[عبدالله البطي]

قصيدة وصايا لبناخيي نايف بن احمد بن سعيد التريباني الشمري


ياحر انا بوصيك ياحر بوصيك
ثلاث امور وحطها وسط بالك
وصيةً من خالك وخالك يناجيك
ببيات وافطن يالوليدة لذالك
الطيب خله مثل ظلك مباريك
لو كان ياخذ منك غالي حلالك
واوصيك عن بعض الاصحايب واعطيك
عن بعضهم لو كان باع وشرالك
وبعض المجالس كان ماهي بتعطيك
معزتك عنها فجوج ومسالك.
لو كان بالمطراش ياحر يدعيك
لو يفرش البيدا وخيره سعالك
ماكل من يضحك يحبك ومغليك
لو هو سعى قربك وجاك وعنالك
ابوك لاتقطع دعاه وخطاويك
تعطي وتنبي عن بعضها مثالك
بالبر والاحسان وماحزت بيديك
نفسك وماتملك وروحك ومالك
والام يانايف عن النار تنجيك
بالجود واصلها وحسن وصالك
اخر وصية يا ابيض الوجه بوصيك
واحرص عليها حرصك ادرى لحالك
افروضك الخمسة لو الوقت يلهيك
فلاحك ان جودت منها مئالك
تفوز فالدنيا وتلقى التباريك
وبالاخره تلقى لمثوى فعالك
في يوم حتى الطيب الي يفاديك
يشح عن يمناك وينكر شمالك
ارسلت لك قافً على العز ينبيك
ثلاث وحط اوصاتها وسط بالك

 

[نورة القحطاني]

ماشاء الله تبارك الله
نعمت الوصية
وطبت وطاب حرفك وبوحك
صادق الدعاء ببلوغ المراد

 

[نادرة عبدالحي]

الوصايا في الأدب العربي هي وصايا اكتساب الفضائل وتنبيها لإجتناب المخاطر .

وتبقى الوصية صالحة في كل زمان ومكان ولكل الأجيال ...........وفي هذه القصيدة

كانت توجه الشاعر لين هادئ لان الشاعر يدركُ ان هذه الطريقة هي الأنفع لتوصيل نصحه ووصاياهُ.

سلم اليراع شاعرنا الطيب .

 

[رشا عرابي]

وصايا من نور
أورقت في ضلع القصيد مهابة ...

طوبى لك ولإلهامك السخي

لك التّحايا من وريد العطر جوري