سواليف المطر !

[محمد بن شتير]

،


من السماء ينزل مطر بارد و أنا صدري يفوح
لله درك يا مطر ب/أعطيك ما عندي و هات !

سولف على وضح النقاء جيتك وأنا كلي وضوح
من غير ما نخسر بعض و بدون أي مواجهات !

أخاف تغرقني و أنا ماني نبي الله نووح
أوقات من قو المطر نغرق مع كل الجهات ؟

شاعر أشوفك وأسمعك وتصيبني حالة جموح
حساس مثلك مندفع واشاركك بعض الصفات

تخلي الاعمى يشوف و تجبر الأبكم يبوح
وتخلي اكبر ملتزم يسمع بصوتك أغنيات !

معاك أشوف أغلى بشر لاقمت بعيوني تلوح
الله من وجه الحبيبه و المطر و الذكريات !

حبيبتي و أنا حبيبك من وراء أنف الجروح
حتى الجروح أحسها فالحب ضمن المعطيات

أحب و أحب الحياه اللي معك فيها طموح
لو تساليني قلت أموت و ما تموت الأ منيات!

أنتي أمل ياما أنتظرته قبل روحي ما تروح
يا أكثر أنسانه بعيني تستحق التضحيات

روحي أنا تفداك لو ما بعد هاذي الروح روح
ما بعد حبك حب أعيشه من حياتي للممات



🌺🌺