سنعسته

[غازي بن عالي]

السلام عليكم ورحمة الله وبركاته

صباحكم سعاده غامره

بدايةً اعتذر لهذا الغياب الطويل
ألتمس العذر كثيرآ جدآ

بحوزتي متواضعه علّها تشع للغياب

.
.


عظيمه هـ القلوب اللي تعيش بـ عالمه حلمين
على ليلٍ نسيمه .. باب وانتي الشوق حارسته

يهيمك من عزف لك بالمعاني داخل الضلعين
على احساسك الباذخ قرع من شانك أجرسته

على جيتي من الفرحه على آبي على تشرين ..
على شوقٍ رفع يمناه .. بـ إحساسه وخامسته

من الفرحه نسيت اقول ياحيي فدتك سنين
فداك اللي من الطنيه صرخ عزوه بـ سنعسته

تطاول غيبتك رجلٍ نسج من عالمه تكوين
شموخه طيب .. ياحيّه .. فخر لا قيل نومسته

أحبك كثر مااكتب قصيدي بالجنون يحين
وأحبك كثر ماجيت المكان .. وضاقت أجلسته

واحبك أكثر من أول .. أحبك غايتي تدرين ؟
أحبك .. يالشعور .. اللي .. من أول يوم لامسته

تعالي لي بعللك بقصيدي .. والحروف إتبين
حضورك صبحٍ أشرق بي من إحساسك تنفسته

أشوف إغيابك مطول أشوفك ماتبين إتجين
إزار .. غيابك .. القاسي خذى من قدك أللبسته

وش أكتب فيك لا مني مللت اهيم فـ التخمين
أخمّن .. مره .. إتحبن .. وكثير أمرار .. وسوسته

كرهت الشعر والابيات كرهت أسرابك الغاوين
كرهت الخاطر اللي فيك مـن الاحساس قوسته

على خد الغياب اللي رسم من صورتك تلوين
على برواز صورتك .. البهيّه .. قمت .. هوجسته

واناظر وجهك بـ عيني وأشوفك روعة الغالين
حنين بـ كفي الصوره .. غلا .. بـ إحساس بوسته

تسافربي من أشواقي من أحداقي على اللاهين
وانا دايم ألاحي بك .. حنيني فيك ( كرسته ) ..

فمان الحلم يوم اني ألوّح بـ الكفوف إيدين
وعيني دمعها .. عِزآ .. إلى هـ الحين حابسته ..


.
.

عاطر التحايا

 

[سعيد الموسى]

_________

أهلاً غازي ..
تأتي إلينا محمّلاً بالشِعر ، وكأنك غيمة تبللنا بالكثير من المطر ..
نص مليء بالعاطفة والشجن .. والزهر والعطر
ممتن لك على هذا الحضور الجميل

 

[سليمان عباس]

الشاعر غازي بن عالي
ياهلا فيك وياهلا بالشعر والشعور الجميل
صح نبضك

 

[عبدالله العويمر]

كرهت الشعر والابيات كرهت أسرابك الغاوين



سلم قلبك

 

[نادرة عبدالحي]

وعليكم السلام ورحمة الله وبركاته
أسراب الإبداع تُحلق في فضاء الشعر الجميل فرحة سعيدة بمولد قصيدة سنعسته،
سلمت يداكَ شاعرنا الفاضل ودمتم أهل الإبداع ودياره

 

[سحر الشهري]

الله الله
شِعر مُترف بالحُب والأحساس الجميل !

 

[عبدالإله المالك]

غازي يا مرحبا بك

أبيات وجدانية مرهفة تأخذ المتلقي معها إلى حيث الشوق والتوق والتوّله،
كعادة العربي ابن الصحراء يضمن وتشتمل قصائده على الفخر بالعشيرة وأنه يداري اندفاعه الوجداني بعباءة أخلاق العرب التي يحافظ عليها ويداريها.
حي الله السناعيس وطنيتهم والشعراء وقصائدهم

 

[غازي بن عالي]

البقى بك
اخي سعيد موسى

وانا بك سعيد بهطولك المُغدق
سلائل من فرح

ممنون لك وأكثر ياسيّدي الفاضل

عاطر تحاياي لـ سموك