تناهيد/خمره/سكره/هم ورحيل ..!

[مشاعر تائهة]

السلام عليكم ورحمة الله وبركاته

.
.
.








إضغط هُنا




[ تناهيد /خمره / سكره]



أبتنهّد
إلين ألقاك ..
وأعانق روحك وأبكيك
تعكّر صبري يا حبي .. وبانت بي مواريّه

عجزت
أكذب على نفسي ..
على رجوى أنا أرجيك
أردد .. آه وآهاتي .. تنّطر حزت الجيّه

على كفي
زرعت الشوق ..
سقيته من دمع أغليك
وطاحت ثمرة أشواقي .. وأنا أرجي طلتّك ليّه

متى تصفق كفوفي لك.. وأردد ياغلا لبيك
نعم لبى .. [بعد عيني] .. وحي الملفي يا حيّه

وأغنّي
.. قصتي بموّال ..
أبي حزني كذا يدفيك
أبيك تحس .. تتفهّم .. عسى تغْرِقْني حنيّه



تخمّر حبي يا روحي .. متى تقبل .. تعبت أدعيك

تعـال ..
وإرتشـف ..
خــمــــري ..
أبي تسكر .. من إيديّه



أبتنّهد إلين ألقاك .. وأرتّل .. يا هوى أفديك
فداك العمر وأيامه .. لأنك .. فرحته وضيّه


’

ولا أعتب على قلبي .. إلامنه غصب يبكيك
لأنك يالعشق [عالم] .. عجزت ألقى أبد زيّه

[ شـلـت هـمـك ]







[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]تِنْكِر إني شلت همك .. فوق كتفي رغم .. صغري ..!=تِنْكِر إني كنت أمك .. كنت أختك / لـك صديـق..!

تِنْكِر إنك مت فيني وتعشق أسلوبـي / وعطـري ..!=تحب صوتي / تحب شوفي / ودنيتك دوني تضيـق..!

لا سألتك ردّ / وضّح / لا تجاوبني بـ..مـدري ..!=تِنْكِر إن اللي جمعنا بكل تفاصيله .. (( عريق )) ..!

صح تدري إني أحبك / وإنت أحلى مافي عمـري..!=و تدري إنك إنتشلتـه .. قلـب ٍ بحزنـه غريـق ..!

تدري إني لك وبس وأدري إنـك إنـت تـدري..!=وتدري إني ما أرافق غيرك / إنت أغلى رفيـق ..![/POEM]

[ رحيل الحلم ]



ويِرْبِكْنِي ..
رحيل الحلم ..
وصَحْوَة جرحي المكبوت
ويضنيني .. صراخ الصبر .. إلا من شق أسماعي..!

أخبّيني ..
ورى عمري ..
أخـاف يمـرّني هالمـوت
وأنا لااااااااااازلت أتنطـّر .. عيونك تلمح أوجاعي ..!

علامك ..
ساكت الليله ..
وتتحاشى أنين الصوت ..!
تغفّيـني....وأنا أحاتي .. (ثلااث أربـاع أربـاعي) ..!


[ربع] .. عانى جفاف الحس

[ربع] .. متشرّب القسوه

[ربع] .. يكره ملامح أمس

[ربع] .. يحمل غثا عنوه

[ربع] .. يتقن كثير الهمس

يردد وجعتي غنوه ..!

[ربع] يصرخ كفاني بس

[ربع] يسعى لجل صحوه ..!








ويبْكيني ..
ضياع الفرح ..
كأنه مبتلعه الحوت..!
أمده .. بالسعّي لآجله .. ويخذل .. مدّة إذراعي ..!

على صدر الأمل .. أغفى .. وفي حضني .. ثلاث إكروت
وجع / أشواق/ [يا ذلي] ..وحنينٍ .. مربك أوضاعي ..!


وأصحّيني ..
على منوة .. بيبْني من .. غلاي بيوت
ويصْفعني .. قسى قلبه .. بوقت ٍ ماله أي داعي..!

عزاي إن الأمل موجود .. ولملمته وسط تابوت
عزمت إنك تكون اللي .. لحفلة ضيعتي الداعي

ترى من حقي أتكّلم .. قبل ما هالقـطـار يفوت
وأظل لوحدي .. ولوحدي .. أخيّط رقعة شراعي..!

دخيل اللي بلاني بك .. وهذا الملح .. وحلو التوت
أبي مره على شاني .. تكون لوصلي الساعي ..!

أبي تخذل وجع روحي .. وتطلق .. حلمي المكبوت
وتنطقها أبيها منْك .. وترددها على أسماعي ..!



وماتت باقي أرباعي ..!

وأنا لازلت .. أكمّدها ..!

غريبه رجفة أضلاعي..!

إلا من قمت أهدّدها..!

ترى ما للصبر داعي

ويذبحني تردّدها ..!

ينام الحلم مرتاعي

وكلمة آه يردّدها ..!

إضاءه/مخرج

ولاتوقعت
تِرْخِصْنِي ..
ويلْبسني .. زماني بشوت
بشوت الحزن .. والحسره.. ولكن ليتك تراعي

أترككم بحفظ الله

مودتي

مشاعر تائهه

 

[لحظة]

مازلت أتأمل ...



بإنبهار !!



سأعود بعد لملمة


وبعد القراءة المئة


سأعود



مشاعر تائهة ....



انتظريني



دمعة في زايد

 

[ميــرال]

مشاعر

معياده رائعه
ومتصفح فاخر

ولي عوده
محبتي

 

[خنساء بنت المثنى]

يااااه

نزفٌ لهو رائحه المطر

رائعه وأكثر اخيتي

صح بيانك وكُلك


مودتي وأحترامي

 

[محمد الضويحي]

جميل هذا المتصفح بكل تفاصيله

 

[مشاعر تائهة]

المشاركة الأصلية كتبت بواسطة لحظة

مازلت أتأمل ...



بإنبهار !!



سأعود بعد لملمة


وبعد القراءة المئة


سأعود



مشاعر تائهة ....



انتظريني



دمعة في زايد

.
.
.


بإنتظارك .. بإنتظارك
وقوافل حبي .. شوقي .. بإنتظارك فلا تطيلي علي


محبتك

 

[عبدالعزيز رشيد]

قصيدة بل قصائد تضع يديها على الـ قلب لـ تتلمّس مكانتهم بأصابع أبياتها فكانت لمساتها أبيات تدلّ على مكانتهم
لطيفة تلك الأبيات كـ أصابعها بـ رفق كانت تصف مكانهم
والجميل الانتقال من الحديث عنهم الى الحديث عن نفسك وبالتحدبد
"أخبّيني ورا عمري أخاف يمرني هالموت"
كان المقطع مشهدا جميلا من بعيد رأيناه ومن قريب نحسّ به
أختي الكريمة\ مشاعر تائهة
لـ روحك وبياض حرفك وبياضك كلّ الـ شكر

 

[لحظة]

حسابات ... القلق من الحاضر

اعجزتني ..... حد الخوف !!


رغم الأماني ... رغم إختفاء الآخر


زوبعة مخاوف ...


بين تمني ،، خدر ،، خذلان ،، وداع

المشاركة الأصلية كتبت بواسطة مشاعر تائهة

وأغنّي
.. قصتي بموّال ..
أبي حزني كذا يدفيك
أبيك تحس .. تتفهّم .. عسى تغْرِقْني حنيّه
[/CENTER]

[/B][/size][/font][/color]

كلها بالنهاية حديث بين وبين ...


لوحة غنائية تحكي قصة ...

المشاركة الأصلية كتبت بواسطة مشاعر تائهة

ويِرْبِكْنِي ..
رحيل الحلم ..
وصَحْوَة جرحي المكبوت
ويضنيني .. صراخ الصبر .. إلا من شق أسماعي..!
ترى من حقي أتكّلم .. قبل ما هالقـطـار يفوت
وأظل لوحدي .. ولوحدي .. أخيّط رقعة شراعي..!

[/CENTER]
[/B][/size][/font][/color]

حديث الروح للروح

المشاركة الأصلية كتبت بواسطة مشاعر تائهة

متى تصفق كفوفي لك.. وأردد ياغلا لبيك
نعم لبى .. [بعد عيني] .. وحي الملفي يا حيّه

:
:


أبتنّهد إلين ألقاك .. وأرتّل .. يا هوى أفديك
فداك العمر وأيامه .. لأنك .. فرحته وضيّه


:
:


ولا أعتب على قلبي .. إلامنه غصب يبكيك
لأنك يالعشق [عالم] .. عجزت ألقى أبد زيّه[/RIGHT]


[/CENTER]

[/B][/size][/font][/color]

مشاعر تائهة ....


بصدق وجدت هنا روعة ... أربكتني ... حد المكوث زمن


كوني بخير اخيتي ومرحبا ً بك هنا وبروحك الجميلة




دمعة في زايد