سيمفونِيّة مَطَرْ

[سعيد الموسى]

ودّك تظهر ؟
ودّك تطلع ؟

..

عندك أسهل حلّ وجرّب !
أشتم دينك !
إنزع وجهك !
أقذف كل رجال الدين
!سبّ الدوله !
بل والـــــقاده !
إكذب ...
أصرخ
تلقى 100 شخص
ودلخ !
قالوا عنّك
!وإنّك .. وإنّك !
تصبح هم الشارع كلّه !
إنك ضد اللا حريّه !
وإنك قلت
و قلت ...وقلت !
باكر إسمك قبله : د .... دال !
وبعده .... طول ربي عمره !
...لكن قبل وبعد القبل !
ممكن فجأه تفقد روحك !
قلي
كيف تقابل ربك ؟

[سعيد الموسى]

ماني بمجنون
لا والله !
لو قلت عينك
ترّف عيون !
*
*
حبيبتي والقمر ... صاحي
متخيل إنك
على رمشه !
حبيبتي والسما ... تمطر
أتخيّلك
في شفاه الغيم !
يستذرفك
يعتق رذاذك !
عطر ٍ من الما
وبعض الريف !
حبيبتي ... والقلوب ... الناس !
أتخيل الناس
في غمضك !
مروّا على غمضة التنقيح !
وأخترتي النور
والأسما !
حبيبتي وإنتي الأدهى
حبيبتي وإنتي الأطيب
أنتي ونطق الحكي أضداد
مابينهم
بحرك ومركب !
ماقبل نطق الحكي والريح
فاه الشعر يخرص
ويغرق !

*
*
ماني بمجنون أو يمكن !
مفتون
في سهلك الأصعب !

[سعيد الموسى]

عشان عيني
بلاش التوت !
ياأحلى من التوت
يانرجس !
التوت في شفّتك ممقوت !
لنّي رهيّف
وأخاف الطيش !
*
*
ياحلوة الريف ... ياقمرا
يازفرة الغيم
بل أشهى !
*
*
أعوذ بالخالق الأوحد !
شيطان حسنك
يبعثرني !

[سعيد الموسى]

من سرق هالنور
من ضيّ القمر ؟
وأقتبس سحر النجوم
ونورها !
من لبس هالغيم في عنقه
فجر
ومن سلب هذي السما
في معصمه !
من قدر يحمل بياضه
بالليال
تشرق الدنيا إذا خدّه عبر !
.
.
من هو الأسهل .. صعب
ومن هو الأكثر ... هدب !
من هو غيرك
يعبر الدنيا ... عجب !
لاانثى للأرض
تفرش له عنب !
من هو غيرك لاحكى
حكيه نغم !
ترقص الغيمات
ويطيح المطر !
.
.

لاتشوفين المرايا
كاذبه كل الزوايا
إنتي إجمل
من شفاهك !
وإنتي أجمل
من عيونك !
ساعديني برسمك !
بس أخافك ... وأرتبك !
طاحت الريشه
حيا !
وصرت أشوفك بالسما !

[سعيد الموسى]

*

*



دلّوعتي !

طفلتي البيضـــــاء !

يسعد صباح الكرز

والتوت !

هاتي من إيدينك ..... القمرا

ماهو عشاني

عشان الناس !

قومي لجل يعبق الكـــــــــادي !

هزّي بخصرك .... يطيح النور !

*

*

جبينك الصبح وإشراقه !

بنت الشموس إنتي

وأشرق !

يغازلك فجر خلق الله !

يسرق من أنفاسك

رياحه !

يابخت بخت الندى ياناس !

لاطاح في خدها

الناعس !

يابخت رمشك سكن عينك !

يحضن عيونك

يبّوسها !

يابخت شامه تضمّ الخّد !

مغرورة الحسن

والهيبه !

يابخت ضحكتك بشفاهك !

مغروس فيها

الحبق والتوت !

ألـــ يـــــــــاه من شفتّك : قاموس !

مافيه غيري

يترجمها !

*

*

ياطفلة الصبح .... زوريني !

نسمة مطر !

وأغسلي خدّي !

[سعيد الموسى]

أبد
مافي ولا حاجه !
مجرّد دمعه
وطاحت !
.
.
أبد من قال متضايق ؟
مجرّد همّ
لاتهتــــــــم !
بخير .... وكمّي الغرقان !
أبد ماهو بسبّة : دمع !
أهو غرقان من غيمه !
ترش رذاذ وأتبلل !
*
*
على فكره !
أنا آسف !
نسيت أنشد
وش أخبارك ؟

[سعيد الموسى]

أحب فيها كثير أشياء
أكثر من الكحل
والحِنّا ...
وربي إني كثير أحتاج
من عينها رشفة
الزيتون !
احبّها
... والقلوب أطفال
أحبّها
.... والعيون ... الناس !
أحبها
..... كثر خلق الله ..
في عينها تجتمع أضداد !
النار
والمي !
والمنفى !
باأشفاهها
... تلعه
ومحّار !
مابينها ..
. توت متغطرس !
بجبينها
صبح ... متفائل !
*
*
قولوا كلام الشعر كذّاب !
وأرفع يدي
وأسدل جفوني !
إي والله إن الشعر كذّاب !
لو حاول بحرف
يرسمها !
حبيبتي ماهي الأجمل !
جبيبتي
أجمل .... الأجمل !

[سعيد الموسى]

ياصاحب الشمس
لاتعتب !
قرفان
حتى من أزراري !
قرفان
من رمية شماغي !
قرفان
من غطرسة ثوبي !
قرفان
حتى وجوه الناس !
أحس وجوههم تُقرأ !
أحس وجوههم توجع !
أحس بهذا يتوجع
وأحس بذاك متشتت !
أحس هذا تعب نفسسه
تعب حتى رغيف أهله
وأحس بذاك يتألم
يسافر لجل كوب الما
أحس بذيك تعبانه
تدور فارس وصفعه !
ولا تنشد عن الصفعه !
أذا الفارس بلا مهره !
حصانه لعنة لســـانه !
حصانه يشتم أزمانه
.
.
ياشيخ إسكت !
وخل أسكت !
ولاتعتب !
ولاتشره !
إذا كان العتب لازم !
كفى تعتب على الأوطان !
أبي تصرخ باأعلى صوت
أحد فيكم لِمح إنسسسسسسسسان ؟ !
بشر إحنا ... بشر ياخي !
وهم في فكرهم آلات !
نحب ونشعر ونبكي
نصيح ونفرح نغّني !
نطيع الله سبحانه !
وفينا طيبة ورحمه !
وهم ماهم بشر ياخي !
أهم همّ الفلك ياخي
أوادم يقتلون الحلم
أوادم شربونا الهمّ
أوادم دون أي أحسسسسسسسساس !
أوادم بس أيييّة نااااااااااااااس !
*
*
أنا آسف !
كثير آسف !
تقلّي كيفها أحوالك ؟