سيمفونِيّة مَطَرْ

[سعيد الموسى]

ماني بشخص ٍ رهن ثوبه !
ـــ ولاني بعد قارئ أفكارك !
ياكثر ماقلت لي توبه !
ـــ والمشكله أرجع أختارك !
.
لاتزفر .. وتنفر
وتهدا !
شبعان ضيقه
من الدنيا !
ولاني بعد أصغر أبنائك !
ولاأنته بعد
من بقايا أهلي !
أما تمّد الفرح
والنور !
وإلا
توكّل بلا رجعه !
ان كان هذاالحكي
تجريح !
....... يسعد صباحك
وش آسميك ؟

[سعيد الموسى]

أنا ماضقت من حاجه !
كثر ماضقت
من صمتي !
أنا لله ياوقت ٍ
رمانا بــــــ آخر المجلس !
لاغدا النشمي
بهالدنيا حطب !
صب لي فنجان وقتي
بشربه !

[سعيد الموسى]

محمّد
دمّه بــــ كمّي !
يقول عمو:
... وهو ينزف !
أقول / مايبكي النشمي !
وأنا ألهيه عن ضعفه !
ودمعي طاح
دون أشعر !
أشيله
... وأحضن أنفاسه !
قل
أحضن زفرة نعاسه !
أدور له
على بسمه !
أدور منقذ
ومنفذ !
،
أدور له على غيمه !
لقيت أن الزمن منفى !
تحس الناس
ماهم ناس !
بلا رحمه !
بلا شيمه !
طفل طايح على إيديني !
وتمثال
الوهن غافي !
أحسّ إن الزمن ينزف !
كثر
ماينزّف محمّد !
كثر ماهو نزف طهره !
كثر ماغرّق أكمامي !
كثر ماضقت من وقتي !
كثر ماضقت من صمتي !
دعيت الله ...
ياربي !
حسيبي إنت ياربّه

[سعيد الموسى]

أستأذنك
في جرح وقتك ثواني !
أستسمحك !
ماني بحاجة رسايل !
أوفى رساله ...
تحت الأدراج .. تنفى !
منفى .. ورق !
يجرح سطور الدقايق !
يافاضلة
ماللرسايل
أماني !
دام الأماني خاينه للثواني !
أستأذنك
في ضمّ هجرك ... ثواني !
يمكن
أخونك في خيالي ...
وسطري !

[سعيد الموسى]

http://www.ii1i.com/uploads7/915413e970.jpg

أضحك
ولك عهد الوطن
تفداك كل أرواحنا !
زال التعب
وش هو التعب ؟
غير إن هذي المملكة !
تبكي تحن ... لرجعتك !
مافيه شخص ٍ مادعى
ياربنا يرجع لنا !
سالم معافى مبتسم !
قلبك وطن ...
شايل وطن !
نقسم برب الطيبين !
إنّا نحبّك
ياملك !
*
ماهزّنا في غيبتك !
إلا
فقدنا بسمتك !
يا مطيبك
يامطيبك !
*
*
لو تنشد الطفل الصغير
في غيبتي كيف الوطن ! ؟
تمتم وهو رافع يده !
ياوالدي ماني بخير !
إلا إذا
شفتك بخير !
لو تنشد الشيخ الكبير !
في غيبتي كيف الوطن ! ؟
بيضمّك لصدر الجفن !
ويقول لك :
إنت الوطن !
كل الوطن !
يامرحبا بــــ أغلى ملك .
كثرك وكبر محبــــــــتك

[سعيد الموسى]

*
*
*

يارب

[سعيد الموسى]

ستّة عَشر حرفنا عِنّاب !
ـــــــــ والناس تجهل معانينا !
*
لو أنفض أكمامي !
أكمامي !
يطيح من نونها
فكره !
مليانه إيديني ...
بحبري !
كثر البشر ...
كثرك ... وصغرك !
شبعان صدري
ثنا ... وأدري !
إني لهالشعر ... متحيّز !
ماهزّ فكري !
ولا سطري !
إلا عبارة [ يظِنّ إنّه ] ! !
وش ظنّي ؟
الظن .. !
لو سيئ !
سيئ لأن إنظرك سيئ !
مثلي ... ومثل المطر !
رؤيه !
لمّي عيونك !
وخبيّها !
وإن كان غرتي !
فــــــ لا جهلك !
إلا إنك
أتفه من إبهامك !
غيري يدوّر
رضا جيبه !
وأنا من العزّ
متفييّ !
أستهدي بربك !
وظّني !
بالناس خيرٍ
ولو مرّه !

[سعيد الموسى]

*
*
فداك الجرح !
وش يعني ؟
مادام أكتافي الأثقل !
تفضّل !
حيلك بجرحي !
تشوف جباه خلق الله ؟
تشوف وجوه خلق الله ؟
تشوف جروح خلق الله ؟
تشوف ؟
وشوفني مرّه !
كذا ماتستحي ... من الله !
أشيلك
في هدب عيني !
تجازيني
بكم طعنه !
ياشيخ إسكت !
وخذ كتفي
وفصّل جرحك بصمتك !
أبيه يناسب كتافي !
أحس إن الزمن ضيّق !
مثل ماضقت من ثوبي !
من أكمامي !
من أزراري !
من أتفه حاجه ... وحاجه !
أنا ماعدت مستوعب !
أنا اللي حيل متغيّر ؟
أو إن الوقت ذا تافه !
ويتشطّر على أسياده !
بلا أسياد ... أو شيمه !
أحد فاهم وش الشيمه ؟
ياشيخ إجرح !
وأنا بضحك !