سيمفونِيّة مَطَرْ

[سعيد الموسى]

صدرك
فيه التوت ...العذب !
لولو
.. ويشبه للمرجان !
قلعه بيضاء
عاجيه !
وآنا إيديني
صوت الشعب !
ثار الشعب
بـ نظره غصب!
ياهذا الشعب المغلوب!

[سعيد الموسى]

اللي يدور طيحتك ... أقرب الناس !
ـــ وإلا الغريب أحيان يسندك كتفه !
دنيا غريبه لكن إثبت ولاباس !
ـــ ماباقي إلا ثوبك إن عاف ... عفته !

[سعيد الموسى]

تغريني الإيدين!
... لامن تحنّت !
الثلج ذايب ...
دام بآخره
جمره !
يغريني الخال
... إن سكن
فوق ثغرك !
شيخ ٍ صغيّر !
... بس شايل قبيله !

[سعيد الموسى]

مابه حزن
والحب للعين
يمتد !
مابه حزن
وإنتي كمال
المرآيه !
ياحلوتي
كم قلت لك :
لمسة الخدّ !
رشفة فرح !
وأشياء
ضد الكآبه ! ؟

[سعيد الموسى]

أصحي !
أحسّ الكون عازف
معه عود !
يعزف وعزفه لحن شادي وغيمه !
يمشط الأوتار !
كردان / بوساليك / ياكه / عشيران / دوكه / نوا / موزونة لــ فا حجازي !
حفلة شعور ورقصة أوراق
بيضا !
زحمة شعر عزفة مطر
ربكة إيدين !
إصحي وشوفي
سطري الأوحد العذب !
في آخر الحفله
يلملم يدينه !
إصحي لأن الشمس
في عينك أحلى !
إصحي : طيور الأرض
تنده جبينك !

[سعيد الموسى]

قلت الأغاني ؟
قالت : الناس نامت !
قلت الأماني ؟
قالت: الصبح أجمل ..
قلت الهوا ؟
وتنفست ثم
ضْحكت
قالت : تنّفس
منك صدري
يتنفس !

[سعيد الموسى]

مجرّد شاعر ٍ
عادي ,
وذولا الناس
يقرونك !
كثير من الوجع
... غادي !
ولاأقفى الشعر
... ينسونك !
أحس
إن الشعر
مُحبِط !
ولا به حاجةٍ
تُغبط !

[سعيد الموسى]

وشهو شعوري ؟ يابعد حيّ حيّه ؟
ـــ شي أكبر من الحب وأجمل وأعظم !
روحين داخل روح ! .. ماهي شويّه !
ـــ بقول أحبك ... بس حكيي يتعلثم !