مشاهدة النسخة كاملة : سيمفونِيّة مَطَرْ
سعيد الموسى
07-18-2017, 12:40 AM
https://www.youtube.com/watch?v=469vnWJyMUU&feature=youtu.be
انا ناسي لجل أنسى ؟
سعيد الموسى
07-18-2017, 12:44 AM
سلمى تقول : الناس لو تقدر الناس!
حاول تكون أجمل عشاني .. تجمّل !
سلمى :أحس الناس وسواس خنّاس!
وأكمام هذا الحزن عيّت .. تحمّل !
#سعيد_موسى
سعيد الموسى
07-18-2017, 12:45 AM
ياليتني لاضقت لي كمّ ثالث !
يبسمل الحزن الرجيم ويطبطب!
أحيان أحس الضيق حاجه توارث!
شوفيني من الهم .. أكتب وأشطب!
#سعيد_موسى
سعيد الموسى
07-18-2017, 12:52 AM
انا تعبت .. الركض !
وتعبت من همّي !
أحيان احس الأرض !
غصّه .. وسط فمّي !
#سعيد_موسى
سعيد الموسى
08-02-2017, 10:28 PM
اغار حتى من لثامك ..
واغار من نقشة الحِنّا !
اغار من كحل ب عيونك !
واغار من شربتك للما !
#سعيد_موسى
سعيد الموسى
08-02-2017, 10:30 PM
أشربي شيئاً من الشعر معي .. !
سعيد الموسى
08-25-2017, 08:01 PM
إنتِ دمّك من " عطر "
وإنتِ خدك من غمام !
ياحلو فيك الشعر
ياسيدة كل الكلام!
مايشبهك غير النصر
كل جمهوره " عِظام"
سعيد الموسى
08-25-2017, 08:02 PM
فاجئيني بالسؤال ..
_إنت كيفك؟
- ماني طيّب
كيف جرحك يالحبيّب ؟
_جرح طيّب
جرح ثيّب !
جرح فاير -جرح ثاير - جرح غاير
بس طيّب لسى ينتظرك
يحبك!
سعيد الموسى
08-25-2017, 08:03 PM
بيني وبينك .. غمام
بينك وبيني .. قصيد
ليش يابنت الكرام ؟
حتى بااحلامي وحيد!
سعيد الموسى
08-25-2017, 08:07 PM
امتلينا .. بالنكد
لا إلـه إلا الصمـد !
يااااه ياضيق البلد ..
مابها غيري أحد ؟
مرّه أفتح هالزرار !
لجل تتنفس يدي!
مره يصفعني الجدار!
مره يفهم مقصدي
آخ من هذي البلد..
مابها غيري أحد ؟
سعيد الموسى
08-25-2017, 08:08 PM
ما كن هالجرح إلا .. رمح !
مغروز ياخي وسط صدري !
يالطيّب اللي غلط .. مو صح !
إياك ...لاتنتقص ... قَدري !
سعيد الموسى
08-25-2017, 08:10 PM
مين شايل هالحزن ؟
غير قلبك !
كنّك مفارق .. وطن!
شقد صبرك!
يالنحيل اللي تعبت ..
لاندمت..
إستظل بظل جرحك ..
لاتعبت!
الله يلّم الجراح
لاحزنت!
سعيد الموسى
08-25-2017, 08:11 PM
سولفي لي..كيف خدك؟
وش يقولوا هالبنات ؟
مايقولوا ..إنك أجمل
بدر يكمَل .. حُسن مذهل؟
مايقولوا وجهك الماء؟
صدرك الرمان واشهى؟
سعيد الموسى
08-25-2017, 08:11 PM
الوجوه أحيان تشبه بعضها
والصدور أوقات جداً .. تختلف!
ناس تلهى ، ناس صلّت فرضها!
ناس أوطى ، وناس مليانه شرف !
سعيد الموسى
08-25-2017, 08:12 PM
كل طاري مر .. إنتِ
كل ريح تهب .. عطرك ..
كل وجه يمر .. وجهك !
خدك الغيم العتيق ..
ثغرك أنفاس الطريق !
كنتي الحسن ..وكملتي!
سيّدة ورد الحبق
سعيد الموسى
08-25-2017, 08:13 PM
محدٍ ترحّم على حزنك ..
لله هذا الحزن .. لله !
مابين شكّك إلى ظنّك !
تنهيدتين وبقايا .. آه !
سعيد الموسى
08-25-2017, 08:14 PM
انا تعبت من المعاتب .. والاعذار !
وتعبت من نفسي وهي جزء مني!
بالمختصر إياك تمهلني .. أختار !
بختار أبعّد .. كل جرحٍ كسرني !
سعيد الموسى
08-25-2017, 08:15 PM
بسم الله .. أسقيكِ !
كاس الحب .. المرّ ، العذب !
ياالله ... يـ إيديكِ !
أدفى من هالماء .. إن صبّ !
بسم الله .. ذوقيني !
أجمل مما قد يُكتب!
سعيد الموسى
08-25-2017, 08:16 PM
صحيح مااملك ..
الأشياء
لكني أملك بسمتك ..
لفي بـ وجهي عن
الضوضاء ..
يكفيني والله ..
ضحكتك!
ماعاد تعنيني الأسماء!
مادام أحبك ..
كلمتك!
سعيد الموسى
08-25-2017, 08:22 PM
الله .. ولا كلمه تجي مثل خنجر
تجتث صدري لين تظلم وتدميه
ياليتها من غيرك ... الله اكبر!
قلبي بريء , شلون تقسى وتإذيه؟
سعيد الموسى
10-21-2017, 09:05 PM
الليل هذا شمعه .. وجمر وعناق !
وانا معي دفتر شعر .. مامعي شمع!
اذوّب إحساسي هنا .. بين الأوراق!
والليل كنّه شخص .. بس فاقد السمع!
#سعيد_موسى (https://mobile.twitter.com/hashtag/%D8%B3%D8%B9%D9%8A%D8%AF_%D9%85%D9%88%D8%B3%D9%89? src=hash)
سعيد الموسى
10-21-2017, 09:07 PM
محتاج أعيش بلا ضما ..
محتاج أحس بهالدفا ..
محتاج صدر ٍ مايخون !
وافكار ماتعرف .. ظنون !
محتاج روح من العطر!
تغريني.. واكتبها .. شعر!
سعيد الموسى
10-21-2017, 09:17 PM
تبتسم عين الغزال ..
والسما ..تخجل وتمطر..
آه من هذا الدلال !
لارمى الخصر ..وتغندر ..
قلت ..يابنت الحلال !
لامشيتي الأرض : تزهر
سعيد الموسى
10-21-2017, 09:18 PM
سيّد الغيم العتيق
حبر هذا الماء .. وأكثر ..
أمش في هذا الطريق ..
من نسل روحك تعطّر
إنت هامه ..
إنت قامه ..
إنت أكثر من .. شعر !
سعيد الموسى
10-21-2017, 09:19 PM
عايشه بين الأغاني ..
بين لحن .. وبين حزن !
نصفها .. مُتعب .. يعاني !
حتى بكّيتها .. ب فنّ !
سعيد الموسى
10-25-2017, 05:22 PM
جارحه .. مثل الحزن
لامن حكت .. تنفث شرار !
قاسيه .. مثل الكفن !
تقتلك .. وترسل إعتذار !
ــــــــــــ
.....
عطشان ... وتمدي الضمى !
أنا تعبت من السراب !
إيدي نخت ... صدر السما
مجروح كتفي .. ب الف ناب !
ياسيّدة جرحي ... كفى !
ما للجروح إلا ... الغياب !
سعيد الموسى
11-14-2018, 12:30 AM
الضيّ اللي في عينك ..
هي الشمس تسرق .. منك ؟
الورد اللي في خدك ..
كم مشتـل .. يتشبه فيك ؟
والغيم اللي بجبينك ..
يتشكل .. ويسولف عنك ..
الرمّان اللي في صدرك ..
هو .. رمان او هو ياقوت ؟
يخرب بيتك
ضايع فيك !
يعني من المس إيديك ..
قلب يدق
وإيدٍ ترجف !
سعيد الموسى
11-20-2018, 08:41 PM
ناقم على نفسي !
ناقم على هالناس!
مرّه اسب أمسي!
واكسر يدين الكاس!
ماقلت لك حسي؟
ملعون ابو الإحساس!
سعيد الموسى
11-20-2018, 08:55 PM
استغفر الله .. من بعدك !
من قلب ساهي .. ولا حبّك !
أستغفر الله .. من ورده
تبحث عن إيدين .. غير إيدك !
استغفر الله .. من عطرك
فاتن ، وطاغي ، مثل خصرك!
بالله بالله لاملتي ..
ميلي على الأرض بالراحه ..
يابنت آدم .. ياتفّاحه !
سعيد الموسى
11-22-2018, 12:01 AM
سمفونية مطر ..
مدونة متواضعة على التلقرام :
https://t.me/alskab1
سعيد الموسى
11-30-2018, 05:38 PM
حبيبتي
تلبس الأصفر ..
والأرض من مشيها
.. تزهر
ماهي بـ عاديّة المنظر !
غيمه من الحسن ..
بس تمطر !
قالت أنا
.. كنها .. تغتّر !
قالت لها الارض :
ياسكّر !
سعيد الموسى
11-30-2018, 06:24 PM
حملتها توي 🙊
https://youtu.be/JSPtUCTkj1w
سعيد الموسى
12-11-2018, 09:07 PM
ريحة مطر .. مرّت علي!
بالله هذي ريحتك ؟
الجو فيها ممتلي !
يمكن بقايا .. زينتك ؟
طيفك .. عبر
لحظة .. شِعر !
ثم أمتلى الشارع غزل !
ريحة مطر .. ريحة خجل
الجو به ورد .. إنتثر !
سعيد الموسى
12-11-2018, 09:09 PM
ردّي التحيّة ياملاك ..
احتاج لي بعض العطر!
طيرٍ ندهلك .. باارتباك!
ملّ إنتظاره .. عالشجر !
ودّه يحلّق .. في سماك !
والله ما منها .. ضرر !
يافاتنه .. يسعد مساك !
انا الملّقب .. بالمطر !
انا اللي ضامي وانتخاك!
جيتك وانا شايل .. زهَر !
سعيد الموسى
12-16-2018, 12:37 AM
شاعرك موزونه .. أبياته
مير البلا .. داخله " مكسور "
أستبدل الحزن .. ضحكاته
ياحلوتي وين هذا النور ؟
دورت في كل ظلماته ..
والله هو خافي المستور !
مريت في كل رمضاته ..
حافي قدم ، مارقيت السور!
كم وجه صافحت مأساته!
مامرّ .. في صدري المقهور !
سعيد الموسى
12-24-2018, 01:43 PM
الحاجه اللي حدتك للملامه
ياليتها مابينت روس الاقوام
قلنا سحابة صيف .. صارت غمامه
خلت كبير القوم مشمت للاقزام
ماكل رجّالٍ لبس له .. عمامه
وماكل بندق يابن الاجواد تنسام
سعيد الموسى
12-24-2018, 08:15 PM
أدور الصوّره
وأشكّل ملامح !
ــــ مابين وجه من التعب
طاح نصفه !
والنصف الآخر :
دامي ٍ ومتسامح !
يهزني بروازها
ـ رغم قصفه !
طفل ٍيدوّر للمرح
والأغاني !
طفل ٍ تبنّاه الزمن
للأماني !
طفل ٍ يحب الكف
لو كان قاسي !
طفل ٍمن العابــه
يكوّن مباني !
طفل ٍ رماه الوقت
في حضن غابه !
حتى الوطن
ينهش مواطي ترابه !
يمّد للدنيا .... أكف السحابه
تمّد له : جمر ٍ يزوّد مصابه !
من كثر ماهو طيّب ٍ
ومتسامح !
ماقبل نومه
ــ يرفع إيديه
يدعي !
يارب سامح
كل منهو جرحني !
*
*
كبر هذا الطفل ...
وأنبت !
على شف الندا صوته !
كبر هذا الطفل : حلمه !
وأثمر
صفــعة المنفى !
من كثر
ماهو حب تربة بلاده !
يظن صوت الأرض :
هو صوت أمّه !
تفاجأ
باأكثر الأردى
وتكرار
الزمن : يُتلى !
بلاده
ماهي بلاده !
وناسه
ماهم بناسه !
وثوبه
ماهو بثوبه
ووجهه
خارج الصوره !
وبرواز التعب :
طايح !
*
*
*
من اللي ياوطن :
قصّر ؟
ـــ أنا أو إنت
... ماأذكر ! ؟
أنا هذا الطفل
تذكر ! ؟
من اللي حطّم الصوره ؟
رغم طيبة ملامحها ؟
وأنا ذات الطفل
... وأدعي !
ياربّي
تحفظ بلادي !
من اللي ياوطن , ساذج ؟
أنا طبعاً
... وأنا آسف !
ماطاح طفل ٍ من جناحين
صوره !
قِل : طاحت الدنيا
وماتت أماني !
سعيد الموسى
01-03-2019, 09:33 PM
عندما يتجه الشاعر ، للشعر السياسي ، او المديح ، يزيد إرتجاله للشعر ، ويذهب إبداعه ، تقوى كلماته ويقل إحساسه ، تزيد حدة نبرة شعره ، ويفقد الطفل البريء الذي داخل شعره !
#وجهة_نظر
سعيد الموسى
01-07-2019, 08:52 PM
https://twitter.com/alskab1/status/1082348173572653056?s=21
سعيد الموسى
01-08-2019, 03:40 AM
ماعاد صدري يحتمل جرح هالناس !
ياحلوتي مخنوق من كل حاجه !
انا تعبت أقول عادي ...ولاباس!
حتى العطر هذا .. رمته الزجاجه!
سعيد الموسى
01-14-2019, 03:20 AM
ودي أقول إني أحبك .. وخايف!
مابين أحبك لين .. أحبك ، مسافه!
في ذمتي لاشفت .. حمر الشفايف !
قلت النساء من بعد زولك ..حسافه!
#سعيد_موسى
سعيد الموسى
01-27-2019, 08:49 PM
سلمى .. وانا صدري مثل طير يعلى !
يطير فوق ، بعيد ... ويمشط الديم
سلمى .. وكل آهه غدت فيك تسلى !
الله وكيلك.. فيك طفله من الغيم !
سلمى ..
ويتناثر عطر ..
سلمى ..
ويتساقط مطر !
سلمى ويربكني سؤال !
الحسن ذا ممكن يُقال؟
بنيّةٍ من ناس ..
ماتشبه الناس!
مخلوقة الألماس!
مليانة الإحساس !
سلمى .. ويحضنها الحبق!
سلمى لها الورد .. العبق !
من طين هذي
مثلنا ؟
أو رياحين ؟
سلمى .. وانا قلبي عطش !
للشعر .. ولهذا الرمِش !
سلمى ويتساقط جدل !
لين امتلى الشارع غزل !
اذا انطقت .. كن الحكي
بستان.. به خوخٍ شهي !
سلمى .. اذا قالت أنا !
فزّ الحكي .. غيرك هنا ؟ !
سعيد الموسى
02-15-2019, 02:04 AM
كيف انام ؟
كل شي حولي ظلام ..
كيف أنام ؟
داخلي زحمة ... حطام !
كيف أنام ؟
صدري به .. مثل الجمر ،
والحكي .. اللي اندثر !
ماله عذر .. ماله عذر !
كيف أنام ، ووجهك أظلم
والسيوف اللي بصدري
ماارحمتني
.. قطعتني ..
واوجعتني !
وجرحي ابكم ..
ماتكلّم !
علميني الليله هذي ..
كيف انام؟
سعيد الموسى
02-15-2019, 02:32 AM
اغفر لي اني احبك ..
وآنا بغفر لك .. سوادي !
وإني حبي .. مثل ظلمى !
لاانتي شفتي ولااعتكزتي ..
اغفر لي .. هالسواد !
وهالرماد ..
وانا بغفر لك سهامك ..
" روح عادي ، هو يضر الكون واحد" ؟
غيب .. عادي !
هالبلد كله أيادي !
وقفّت يعني .. عليك ؟
بغفر إني صرت .. عادي !
وان لو أرحل وافارق !
كل هذا الكون هادي !
يالحبيبه .. والحقيقه
مثل موس ..
تقط روس !
تطفي أيام وشموس ..
يصبح العالم .. عبوس !
لفّي هذا الكون كله !
بحره وجزره ومده ..
ريفه .. واصعب تلاله ..
من جنوبه .. لي شماله ..
وعلميني .. بعد مدّه !
من هو اللي حب كثري ؟
ومن هو اللي صان مثلي؟
ومن هو اللي شال صدرك .. مثل ماشال الحمامه
بين كفه .. بكل عفه !
يالحبيبه ... صدري الأبيض .. تجمّر !
صدري المعشب .. تصحّر !
كيف مااغفر لك سوادي ؟
رغم إنه ابيض أبيض من حلم
وأكرم اشمخ .. من قمم !
ربما .. غيرك يشوفه
كل حلمه .. وكل شوفه ،
لكن الأيام هذي .. مانبي الشخص النظيف !
مانبي الا السخيف ..
مايعيش الا الرخيص ..
ولا يقوم الا النقيص !
جرحك اللي هزّ جوفي .
لينها أهتزت . كفوفي ..
" إني عابر .. جيت عابر .. رحت عابر "
مااصعب شعور المقابر !
،
بغفر جراحك ... وانتي
داخل الله .. تغفري لي
إني احبك ..
هذا أكبر ماحملته ..
هذا ذنبي اللي اقترفته !
سعيد الموسى
02-23-2019, 08:16 PM
الحب ذا كذبه
كذبه بـ فمّ أطفال
كل ٍ عطى قلبه
وفرقّهم الترحال
بنت افقدت لعبه
وطفلٍ غدا رجال ..
يالسهله .. الصعبه
سهم الهوا قتّال !
كلٍ مشى دربه ..
وتغيرت احوال !
أحدٍ طفى .. شهبه!
والبعض منه .. رمال !
ماأجمل .. الكذبه !
في شفّة الاطفال !
سعيد الموسى
03-04-2019, 09:57 PM
وعن والدي أقول :
يكفي إنه لا دعا
قالت آمين : السما !
يكفي إنه لااعتزى!
قال كلمه وأحتمى!
ماهو عادي ..
شي ماهو إعتيادي
إنه لوحده بلادي
سعيد الموسى
03-29-2019, 02:16 AM
يجيك من الزمن .. حادي !
وتنسينه ..
وتتناسين ..
شي عادي !
وهو باقي العمر
.. باقي؟
كبرنا ..
والزمن يكبر !
وانا ماشابت اوراقي !
دخيل " آحبِك "
الأولى
وهي تمشي
وتتلعثم !
وأربّيها على يدي ..
واكبّرها على صدري !
ولكن للأسف .. تكبر
وتصبح عاقه بـ قلبي !
وغصه في وسط فمي!
ولاتثمر!
سعيد الموسى
04-07-2019, 06:00 AM
كل دمعه مرّت فْمي مالحه
..... ذقتها من قبل حتّى لاتفوت !
الجروح أحيان مو متصالحه
..... والكلام احيان في صدري يموت!
شف شحوبي شوف عيني سارحه!
..... كم بهذا القلب هزّه دون صوت!
يابن آدم .. والأوادم .. جارحه!
..... كيف أكون انسان في صدره ريموت!
سعيد الموسى
04-13-2019, 12:29 AM
تقول سلمى لو زعلت استرح .. وضّ !
..... واقول ياسلمى.. توضيّت مارتحت !
الناس هم من ضيّقوا بعيني الأرض!
..... مااخافهم واقف ، ولكن إذا طحت!؟
الغدر والغيبه لهم معدن وفرض !
..... وانا تعبت إني اغمض اذا صحت!
تعبت أقول اسكت تناساهم وغضّ !
..... مير الافاغي تلدغ الرجل من تحت!
سعيد الموسى
06-23-2019, 03:15 AM
أنا ... أنا ، لازلت أنا !
بس أنت لا .. ماعدت إنت !
كل شي تغيّر .. بيننا !
لاتقول احبك .. قول كنت !
سعيد الموسى
06-23-2019, 03:16 AM
أنا على الهقوه أبد .. ماتغيّرت !
ورثت هذا الطيب عن أبٍّ وجدّ !
اللاء ماهي عندي ولو تخيّرت !
أبسط ذراعي لين تاصل هل الوجد!
بنت الكرام اللي تقول إنت حيّرت!
بقول هذي شمس والقيض له حد!
الله يجيرك قبل ماني تجيّرت !
الله وكيلك ماغدا للحزن .. ند !
وانا من أهل الله لا .. ماتطيّرت!
الدرب أخضر ، روح ياأحمر الخد !
ماعاد أعتب ، مقفي أوّ جيت سيّرت!
لو صدري أحرقني ، ابهمس من البرد!
عشت الوجع مرات بس ماتأثّرت !
وان صار قلت بخير ، وش يعني الصد؟
سعيد الموسى
06-23-2019, 03:17 AM
في شفّتي بعض الغمام !
أخاف أقوله ... ينهمر !
ياحلوتي .. وش هو الكلام؟
وإنتِ نباته .. والثمر !
في ذمّتي .. بنت الكرام !
إن حبت .. أسقتك الخمر!
وإن هي بدت لك بالسلام!
ودّك من إيديها ..تمر !
إن ميّلت .. مالت سهام !
طافت بصدرك ، تعتمر !
تقول أحبك..ب احترام !
واقول : توّ يبدا العمر !
سعيد الموسى
06-25-2019, 06:19 AM
سلمى: صباحك خير لاصرتي الخير !
في صدر كل الناس لك وجه طيّب !
أشوف بك ميزه ، إذا حلّق الطير !
رغم إنه بصدر السما ، بس قريّب !
سعيد الموسى
07-09-2019, 04:06 AM
في الرابعه : فجراً ..
الناس ذي نامت !
فـ الرابعه : جرحاً !
الحزن ذا .. باهت !
ليش صاحي ؟
نام ياخي !
والله مقدر
والله مقدر!
كن هذا الليل .. مجمر !
قم تعوّذ من جراحك !
والله إن يكفي بياضك!
ماتعبت من الهموم ؟
والقلق هذا يدوم؟
قوم تالي الليل .. ركعه!
زيِد هالإيمان رفعه!
قم توضّ !
قم تمضمض من همومك !
ألف .. بسم الله عليك !
إنت مو شايف يديك؟
والله إن إيديك بيضاء !
والله إن سمعتك .. تسمى !
والله إن يطرون .. ذْكرك !
فاخروا ب طيبك .. وإسمك !
إنت وشبك ؟
ألف بسم الله عليك !
واللي يرحم والديك !
قوم طيّب .. لاتنام !
أوقف ، إثبت بااحترام !
إنت قامه !
إنت هامه !
لو يطيحون العرب !
والزمن هذا غَرَب !
إشمخ ، أوقف !
ماانت شايف ؟
شوف وجهك !
هالسماحه والبياض !
ليش تاليه إعتراض ؟
إحمد الله ، سبّح الله ، أشكر الله !
مايطيح إلا الكرام !
مايئن إلا الشهم !
جرح صدره ماالتئم !
إنت لولاك الشهم ، كان مااوجعك اللئم !
كم لئيم ينام ليله !
وكم كريم يفزّ حيله !
كل شيّ وله .. ثمن !
لو دفعت أغلى ثمن !
ليه تندم ؟ ليه تغتم ؟
والله ياصدري .. تعبت !
لا لا ..
قل سحابه واظلمت !
مايخالف .. ماعليه !
كل شيّ .. وله ثمن !
قوم صلّ الفجر .. طيّب !
واللي يرحم والديك ..
الف .. بسم الله عليك !
سعيد الموسى
08-02-2019, 04:34 AM
إختلاف ..
يدور في دينك .. خلاف !
آه ياأم المدن ..
وام القرى !
أختلاف ..
ومافي أيّة إئتلاف !
هذا سني .. هذا شيعي !
ذا بِلا !
خل صوتك بين شفتّك ..
بلحاف !
الزمن ماهو أمام ..
ولا ورى !
قلت سلمى .. قالت اهدا
لاتخاف !
وانت ناصع .. لايخيفك
هالصدى !
قلت هذا الوقت وسنينه
عجاف !
قالت المؤمن ، بعمره ..
مبتلى !
سعيد الموسى
08-03-2019, 08:06 AM
حرقنا في العتب موعد ..
وجرّحنا قمر .. ونجوم !
ياااااه ياجنون البدر ياأخي عندما يكتب هذا الصعب بكل هذه السهوله ، البدر ليس مهندس الكلمة فقط بل مزارع ، فلاّح الشعر الذي يضع الكلمه فيسقيها باإحساسه ثم تنبت فكره ثم ثمر قصيده يانعه ..
لنأكلها نحن !
سعيد الموسى
08-08-2019, 07:38 AM
مَر هذا الصبح .. مُرّ!
قم تقهوى هالجراح !
مايضرّك هالألم !
أشرب أشرب .. للصباح !
ليه تهوى للعظم ؟
أنت تبحث عن قيم ؟
عن مبادئ .. عن وهم !
حب .. ياحلو الندم !
كان ياما كان .. زهره !
كانت أجمل !
وسط مشتل !
واقتطفها هالضباب ..
ثم رماها للتراب !
كان ياما كان وانت !
ليت من جرحك سلمت!
سعيد الموسى
08-25-2019, 09:45 PM
خلّ الكلام ... يموت
في صدري .. العاتب!
وش فايدة .. هالصوت!
مايسمعه .. صاحب!
هيّا تعال .. نغيب !
دام الكلام يعيب!
بنجرب الفرقا !
تحيا .. مشاعرنا !
والا .. تموت أحلى !
ياسيدي الفاضل ..
الجسم ذا .. ناحل !
به شي يستاهل ؟
هيا تعال .. نغيب !
وجروحنا .. بتطيب !
جرّب أحد .. غيري!
مايضّر ياطيري !
وانا بعد .. بنسى !
دام انها فرقا !
سعيد الموسى
08-26-2019, 09:53 PM
مريت لك مهموم ..
قلبي على كفي !
أكثرت فيني اللوم !
وأزددت في نزفي !
ياسيّدي .. واليوم
كل الحكي .. يكفي !
البحر يبغى .. عوم !
وانا .. تعب كتفي !
في سِلمك .. المضيوم!
تأويه .. أو تنفي ؟
سعيد الموسى
08-30-2019, 09:39 PM
ماعاد لي حاجةٍ بالناس ..
إن صار كل شي يأذيني !
الناس صارت بلا إحساس!
ثملت الأوجاع .. يكفيني !
ياحلوتي .. والحلا مقياس !
ماانتي بحلوه .. بلا ايديني !
جيتي وداخلك رمح وفاس !
داويت جرحك بمـا .. عيني !
لما وقفتي ، وزال الباس !
قلتي ومن قال داويني ؟
ابشر بطعنه تجيب الياس!
تاخذ حياتك وتبقيني !
الله ماأغرب قلوب الناس !
ورد ٍ زرعته ، ويدميني ؟
الكاس كاسك ، شربت الكاس!
والجرح عادي .. مهو فيني ؟
سعيد الموسى
09-01-2019, 10:25 PM
الكلمه اللي واقفه " بين " فمّي !
أزريت فيها من حياي .. وتخبّت !
الناس لو هو دمّهم .. مثل دمّي !
كان الحبق في كل صدرٍ بينبت !
سعيد الموسى
09-07-2019, 04:52 AM
لاتقولي إنت وينك ؟
آنا موجود ..بعيونك !
كنت أجمّع هالورود..
فوق رمشك .. تحت جفنك !
عند هالشامه .. وقفت !
وأرتبكت .. وماقدرت !
طحت ، لمتني الشفايف !
صارت اللحظه ..رعود !
والمطر سال ..وجرفني !
ماوعيت الا بصدرك !
كان عالي !
كان طاغي !
كان به رمانتين !
وكنت جايع !
قلت آكل ، فمّي ذابل!
سعيد الموسى
09-20-2019, 09:23 PM
ياليتني في طرف صدرك
قذلة شعر ، شال متموج !
والتف واتنفس .. بعطرك !
قد ايش انا للعطر .. احوج !
سعيد الموسى
09-20-2019, 09:24 PM
كان ياما كان .. شاعر !
كان ينزف .. دمّ شعره !
كان ينقش عالورق !
كان يعجبه .. الغرق !
قيّدوه وقالوا : أكتب !
قال : مقدر
قالوا أكذب !
قال مقدر .. هاتوا إيدي !
فكوا أغلال الخيال !
قالوا إنته مو طبيعي !
مبدئك ماهو حقيقي !
شوف كل الناس تكذب!
إكتب .. إكتب !
قيدوه ، وكيف يهرب؟
سعيد الموسى
09-21-2019, 03:03 AM
مرّوا علي ..
ونجّسوا لي .. ثيابي !
رياحهم سوداء ..
وأنا .. عطري أبيض !
الليل هذا ..
طاف ، من عند بابي !
مامّد بعض إيديه ..
وإيديني .. أعرَض !
مديت له غيمه ..
تدور بسحابي !
عيب ٍ عليه ..
يدير ظهره ويعرِض !
سعيد الموسى
10-03-2019, 03:32 AM
من يِرد لـ شِعري فمّه ؟
بعض ممّا كان منّه ..
أي شيّ لو بعض همّه !
شوهوه ، وخاب ظنّه !
سعيد الموسى
11-12-2019, 03:57 AM
أنا طفلٍ .. نسى يكبر !
نسى إن الزمن يغدر !
بسيط بصـدره .. المزهر !
أنا طفل ٍ .. حَمل ورده !
ومد لها البشر .. إيده !
لقى له .. صفعه ب خده !
وجرح ، وصوت تنهيده !
.
.
أبي أكبر مثل هالناس !
أبحمل في يديني الفاس !
بصير بدون أي إحساس !
مثل هالناس .. زي الناس !
تعبت إني وحيد .. أمشي
أبي مثل البشر .. ذولا !
ابي إني أحب وأغدر !
وأبي أحلف وابي أفجر !
وابي أكذب .. وبتكبر !
بكون أوطى ..
مثل بعض البشر .. ذولا !
تعبت إني طفل .. أبيض !
أبتعايش ..
أبتعايش !
كأن الأرض توقف بي !
تعبت .. إني وحيد أمشي !
أنا طفلٍ نسى يكبر !
نسى يغدر !
نسى يتكبر
ويفجر !
أبي أكبر .. أبي أكبر !
بصير بدون أي إحساس !
مثل هالناس .. زي الناس !
سعيد الموسى
11-19-2019, 01:25 AM
سلمى وإيديني
.. حجاره !
كل إصبع ،
طفل قدسي !
والعدو الصعب
.. فكره !
سلمى والعالم .. حجاره !
علميني من هو أرمي ؟
من هو أعفي ؟
من هو أحمي ؟
وأختبي مِن مَن .. وأغفي !
والعدو الصعب .. فكره !
كيف أهرب ؟
هالشعور المُر .. مُتعِب !
سلمى .. وأكتب !
والحزن يزداد.. واشطب!
سعيد الموسى
11-24-2019, 07:16 PM
للسكوت ..
اللي جرح صدري !
وفاز .. !
جيت ... من فمّ الحجاز !
في ضلوعي .. بعض زمزم !
طفل من نور .. يترنّم !
والملاوي .. وريع ذاخر !
والدكاكين القديمه ..
اللي في درب المسافر !
صدري مِحرم ،
لو أصابيعي .. تكلّم !
جيت .. من فمّ الحجاز !
ماآعرف .. الإنحياز !
كل كلمة شعر .. أرضي !
وكل شطر يمر .. زرعي !
كل هذا الشعر .. بعضي !
إنولد ، من وسط ضلعي !
سعيد الموسى
01-01-2020, 09:19 PM
ماني أنا ... فيه شي يصير !
لاالوجه وجهي .. ولاإيديني !
لاالثوب ذا .. قابل التغيير !
والعين ذي .. ماهي بعيني !
دورت عن صوت .. عن تبرير !
عن ضلع في ضلع ينجيني !
وين الصدا .. ياغريق البير !
يايوسفيّه .. وانا .. ويني !؟
انا هنا بـ آخر التفسير !
ضيعت وجهي وعناويني!
سعيد الموسى
01-04-2020, 10:46 PM
قلت أمرّ لنهلك .. أشرب !
فمّي ضامي !
مارواني سلسبيله ..
الله يجازي .. جبينه !
صرت أشرب .. مرّه
وأهرب !
وأختبي في تلّتينه !
فوق هذي الياسمينه!
بين مشتل من كرز !
آه من هذا الكرز !
فجأه من نومي وعيت !
الله يغربل عدوك!
.
.
مااكتفيت!
سعيد الموسى
02-02-2020, 12:14 AM
تقول أمي : لك أحلامك مثل ماللزهور تعيش!
وأقول الحلم يايمّه ؟ يمّر مرور في ذهني !
تعبنا نحرث المبدأ ، ولا ينبت بلقمة عيش !
وانا باقي على الباقي من الأزهار في ظني !
وطن يمّه ، وطن همّه، وفيه الحرّ والدرويش!
وفيه الماء وفيه اللاء وفيه الكاف تطعّني!
وفيه اقراب والاغراب ،فيه الحق والتهميش!
وانا مدري على ايش أبكي ومدري وش بقى مني؟
سعيد الموسى
02-02-2020, 11:46 PM
من طرق بابي ..
قلَط !
واللي أبعد
.. مو غلط !
ماشيه الدنيا .. بدونه
لو بغاني .. صرت عونه !
.
.
.
زارع الشمس
... بيده !
ماحصدت
إلا اللهب !
ليه مايُشكر .. دفاك ؟
وكل غيمه .. في سماك !
زارع الشمس ..
كْسفت!
وإستمالت .. واسبتت !
ليه مايُشكر .. ضياك ؟
وإحتراقك !
في مداك !
سعيد الموسى
02-08-2020, 10:34 PM
أنثى من اللاشيء ، تُخلق سليمه ؟!
في كفّها شلّال وزهور .. وانهار !
كانت ترّش الحب في كل ديمه!
من نسل آدم ، بالطبايع يتيمه!
سعيد الموسى
02-17-2020, 12:03 AM
قلت للدنيا .. كفى !
قالت وتفرح ؟
أفا !
قلت كتفي / ماهو كتفي !
والظهر .. كنّه صدر !
طعنة أحبابي
.. كثير !
قالت وتفرح ؟
يصير !
قلت : بيديني ورود !
قالت : وفـ الورد شوك !
جرب تذوق الجحود !
وش عليه ؟
ماعليه !
سعيد الموسى
03-07-2020, 01:09 AM
انا مابي ولاحاجه!
ولا آحبك ، ولا ماابغاك !
واذا " ماابغاك " تسعدها
بقول لهالفراق " أهلاً "
مهو لني عليك .. أكذب !
ولا إني " نفيت الحب "
ولو كان الفراق .. أصعب !
يكون أهون ، ولا أعتب !
بلاش من الجروح " أسلم "
هنا .. صدري !
هنا كتفي !
هنا قلبي !
هنا بـ آخر حدود اللاء ..
غديت أشلاء .. تترامى !
وأدور كتف .. مايقسى !
وياسلمى
وياسلمى
ورب البيت ، متصنّم
شعوري كهف ماهو نور
كهف .. مُظلم !
أنا بـ آخر ظلام اللاء
وهي ظلمى
وادور نور !
تعب قلبي وقوف السور
وياما بالصدور قبور !
.
.
إذا هالثوب مو ثوبي
واذا هالوجه .. مو وجهي !
وانا أنظف ، وانا أجمل
وانا من يغرس الكلمه
وتنبت بالسما بسمه
وانا من يبسط إيدينه
وهو محتاج في حينه !
يصير أشقى ؟
يجوز إن البشر ذولا ..
بشر مثلي !
أو اني كائن ٍ آخر !
أو ان الكون ذا .. آخر !
.
.
تجين إنتي بعد .. سكّين !
ومن هالعين لين العين
تبين آحاسبك يعني ؟
وهو غيرك ترك لك .. لحم !
فدا ياحلوتي .. تمونين !
مهو ماني لحم أو دم
ولا إحساس أو أهتم !
انا من طين
انا من طين !
وهذا الطين ، لاتنسين !
بينبت زهر !
وبتمطّر !
واصير أزهر !
ويحييني خرير الماء ..
واصير " أقدر "
سعيد الموسى
03-07-2020, 01:17 AM
https://youtu.be/h0bGI8OcuqM
لو إني حِكت لك غيمه ..
أنا صدري بك المبلول !
وانا ياحلوتي .. كتفي !
بدون لباس .. متهندم !
نعم .. مايل !
ومو قايل !
بشر .. زيّك !
أحب وأكره ، وأوجِع !
ولااوجعتك !
وأتأثر !
إذا مرّ المطر عيني !
وكان أغزر !
ولاسلّم ، ولامرر لي إيدينه وكان أرحم!
وليت من السيول أسلَم !
نعم أغرق ..
وكنت أشهق .. لجل ألحق!
لجل أسبق ..
بـ اني آعيش بس آعيش !
وكيف أقدر ؟
أكون الماء .. بهالظلمى !
وكنت آشع وأتسامى !
لجل أبقى !
سعيد الموسى
03-29-2020, 12:06 AM
وش يخوّف
بنت مثلك؟
تسدل الشمس
بيديها ؟
بنت بيضاء .. ضوء واضواء
بنت لامرت أراضي !
صارت ورود وفيافي !
وش يخوف بنت مثلك؟
وانت اسمك
لاانحكى ..
صارت الدنيا ..
موسيقى !
وكل غصن أهتز ..
نوته !
وإنتي توته !
توته حلوه !
وانتي حتى .. ابتسامك
لاابتسمتي ،، لاضحكتي
رشت الغيمه مطر ..
وانحفر بالأرض .. غرشه
منهل يصب العطر !
ياحبيبه في بياضك
يامهيبه في جمالك ..
ياحكايه في دلالك
ياقصايد إنس .. تمشي
ياجسد ماهو جسد
وش يخوّف بنت
مثلك؟
تسدل الشمس
بيديها ؟
وانتي حتى لا ملتي ..
كنك تفعيله
من إيدي !
من ترنيمه ، لترنيمه !
كنك عصفورة
ريحان !
وتغرد
بااحلى الالحان !
وش يخوّف بنت
مثلك ؟
اشكري لي
بطن أمك !
سعيد الموسى
04-07-2020, 06:49 AM
أمررها مثل .. فكره !
تبات ، ولو صحت بكره !
انا قادر على إيدي !
ولاانتي من صنع .. إيدي!
وأمرر كل هذا الصمت !
لو إني لِنت ..
بس أيقنت !
انا من يزرع الفكره ..
على هذا الشعر " بذره "
ويسقيها ..
وتنبت في قوافيها ..
وتثمر فاكهه .. من سحر !
ولايعجزني .. أتغاضى
لو إن أغصانها .. مالت !
مشاتل غيري ...
اطهرها
سواد واسمدة موتى !
واذا يعني جذورك .. وين؟
ولا كل طِين ، مثل الطِين !
.
.
على فكره " وللعبره "
انا فلّاح هذا الشعر ..
ولاقادر " على كسره "
ولكن قادر " أختصره"
سعيد الموسى
06-02-2020, 11:18 PM
بشويش ..
طفل السّماء .. نايم !
بشويش مروا ..
على الغيمه !
بشويش
" لاتزعجون الماء!
سعيد الموسى
07-29-2020, 04:25 PM
ضع نقاط ـــ
وخط أبيض !
خط واضح
مُستقيم !
ليش تمدح هاليدين ؟
هالجبانه / تستلين !
واقفه بين [ إصبعين ] !
وألف [ لا لا ]
....تستكين !
__________
غيّر المشهد
[ ورمّز ] !
ــــ به بشر تتعب
وتخبز !
والرغيف بفمّ : ساده !
ــــ [ يُضحِك الزارع ... حصاده ] !
يلعن الله الظلام!
سعيد الموسى
08-12-2020, 10:52 PM
انا مسكت .. مسكت ،
قربك .. إلى حد !
تُدمى يديني ، دون مارف لك رمش !
بنفس هالقوه .. تركتك
بلا ودّ !
مابي عتابك أو كلامك
بس : إمش !
فرقاك نعمه
لاتباهى بهالقدّ !
وشفيك ميزه ؟
وأنت إبره .. وسط قشّ !
سعيد الموسى
08-18-2020, 12:26 AM
الفن هو أكسجين الفنان وثاني أكسيده أيضاً ، شهيق التجربة وزفير الإبداع ..
.
.
لاأتحدث عن الطرب فكل موهوب فنان ، في الشعر في الفن التشكيلي ... الخ
حتى المخترع هو بطبيعته فنان ، حتى الخبّاز الناجح له طرقه في الإبداع داخل مطبخه !
الفن ليس حكراً على الأدباء .. ولا المثقفين
سعيد الموسى
08-21-2020, 05:54 AM
مو تقولي إنك أقوى ؟
وإن عادي !
غيب ، روح !
غيبتك
ماهي جديده !
غابوا الأحباب
قبلك !
وشهو يعني يصير
عقبك !
هذي الأقلام حولي
وهذا دفتر!
قلت لك سهله .. وكتبتي
قبل تبدين القصيده ..
انكسرتي!
ماانوزنتي!
وانتي ماعمرك " كسرتي "
ليه تبكين ونزفتي؟
كنتي طفله !
وش خذيتي من كبرتي!
كنتي لاخفتي .. أضمك !
كنت أطمن طفل صدرك!
لاحزنتي .. خذتي ايدي
كنت عيدك ، كنتي عيدي!
ماعجبك الحال يمكن!
قلتي أكبر !
قلتي أغتر !
قلتي وش يعني غيابه !
وان عجزت ..آدق بابه
فرصه .. أجرب عتابه !
مشكلته انه .. يسامح
حيّل طيب !
لابغيته .. هو قريّب !
وشهو يعني ؟
ماهو أول شخص فَارق !
والمصيبه .. إني " فارِق "
قلت عادي !
ابشري بي
اشطبي كلمة حبيبي!
جيت واحد
رحت واجد!
وانتي وحدك
في ظلامك !
صدقيني .. يمكن ارجع !
في خيالك ..
وهذي أقصى أمنياتك !
جربي انك تنزعيني ..
الله اعطاك ِ .. عمر !
ماهو شطرين وشعر !
وبترجعي لي ..
بس يمكن في خيالك !
هذا أقصى .. أمنياتك !
سعيد الموسى
08-26-2020, 04:10 AM
مكه وهي بالغنج كانت تمادى !
... قالت ترى هالارض شيٍ وانا شيّ !
في كفّها يغفى المطر ويتهادى
... ماكان ينزل ، قدّ ماتعتلي هيّ !
سعيد الموسى
08-29-2020, 04:39 AM
طفلٍ أعرفه ، غصن من قبل يكبر
…من كان يلعب بالحبق ، والمراجيح
ابوه أبيض ، ماهو اسود ، ولا اسمر !
…جلمود ماهزه أعاصير أو ريح
وإبنه مثل سيف الذهب قبل يشهر !
…شفت الخزامى كيف تفرق عن الشيح!؟
يومه كبر جاني بسيفه .. ويزفر !
…اللي تحبه ، لاقصم ظهرك تطيح !
يابن الكرام ان كان ودك وتزئر !
…حذاري أنك تكسر العطر ويسيح !
الشي ماهو بالتفاصيل يُذكر !
…قل للسما هذي طيورك مجاريح !
بلغ سلامي " غمدك " وشي أكثر
…قله يبه والصمت له صوت ويصيح؟
.
.
ومع الحب كل الحب والله
سعيد الموسى
10-01-2020, 07:14 AM
ناس ٍ تقهوى كاس من دم هالناس !
وناس ٍ تقهوي دمّها كل محتاج !
ياسيدي وشلون تفهم ومو حاس ؟
الطير يسكن هالسما ماهو أبراج !
سعيد الموسى
10-02-2020, 05:05 AM
" وجهة نظر "
من حقّك أن تبُدي رأيك في قصيدة مّا ، وليس من حقك أن تبرهن صوابك !
أنت تعرِض رأيك ولاتفرِضه !
ماأن حِدت عن ذلك تصبح جاهلاً وظالم !
أنت لم تكتب النص ، شاعر النص هو من كتبه !
أنت لم تبتكر أفكار النص ، شاعر النص هو من أبتكرها !
أنت لم تخلِق عالم النص ، شاعر النص هو من فعل ذلك !
هناك نصوص مدح ٌ بيّن ، وهي بالأصل هجاء !
هناك نصوص تتحدث عن فكرة عابرة وهي مليئة بالرمزية التي ربما لن يفهمها 20 قارئ !
هناك نصوص غزليّة ظاهرياً ، وهي أبعد ماتكون عن وصف أنثى !
الشِعر حمّال أوجه ، قد ترى شيئاً لم يعنيه أساساً كاتب القصيدة !
وعيك يختلف عن وعي الآخر ، حالتك أثناء قراءة النص تختلف عن حالة الشاعر أثناء كتابة النص !
هل تعلم من الذي يخافه الشاعر ؟
الشاعر لايخاف الناقد أبداً أبداً !
ولكنّه يخاف من الشاعر الذكي ، والرسام المبدع !
وكلاهما قد لايصيبان ولكن يكفي أن يجردان النص من ملابسه بكل أدب وهما مبتسمان !
" وش الطاري " ؟
رأيت مقطع فيديو لشاعر يقيمون نصه مجموعة من النقّاد ، المضحك أن أحدهما يعارض مفردة من مفردات النص
ويقول : لاترد عليّ !
لم يسكت الشاعر رغم محاولة فض الحوار من الدكتور ، ثم رد عليه ب رد أدبي مفحم يشرح المفردة وصحتها
العجيب : من أنت حتى تتحدث وتملي رأيك وتقرر وتنهي الحوار !
هذا ليس حوار ، الحوار قائم على طرفين وأكثر وليس شخص واحد !
أنت لم تكتب النص " النص بمثابة الإبن للشاعر هل تكون أدرى بالإبن من والده " ؟!
قل رأيك ودع الآخر يعبّر عن رأيه ، الحوار هو ذلك النقاش الثري الذي يكسب فيه الطرفان !
الجدال : ثرثرة وحجة واهية تقوم على مصادرة الآراء الأخرى وهي ظاهرة سيئة أدبياً وخلقياً وحتى دينياً !
الحوار ذكاء ، والجدال غباء
الحوار قوة فكرية ، والجدال ضعف وجهل
إذا كنت حتى لاتستطيع التفريق بينهما فكيف أسميك ناقد ؟
+
🌷
سعيد الموسى
10-21-2020, 05:11 AM
تحتضني هالمدينه ..
وبشغف ماهو بعادي !
تخنق إيديني .. وصدري !
كبّلت كتفي ، وكفّي !
لو تحبيني .. إتركيني !
ودي أزفر هالبيوت !
ودي أحيا .. قبل أموت !
ادري إنك حيل بيضاء !
وادري إنك نور واضواء !
وادري إنك شي أسمى !
بس هذا الحب أكبر
من حجم صدري وأكثر !
ودّي أرحل !
ضايقه فيني سماءك !
صرت أذبل !
هذا وردك ؟
ذي رماحك ؟
هالشوارع ، نفسها
هالمباني ، نفسها
هي ذاتها ، ذي شمسها !
ذا ليلها وسكونها !
والوجوه اللي تمر !
ماغدت تحمل عطر !
وارصفتك اللي زمان !
ماهي بنفس المكان !
ماهي بذات الأمان !
يامدينه ..
ياحزينه ..
ياأنيقه ..
ياعتيقه ..
ياعظيمه ..
ذي ظليمه !
خلي إيديني .. تحرر !
بفتح الشباك .. بسهر
والمساء يغري ويمطر !
وأكتب أشعاري واعبّر !
إيه بغرق !
وأتبلل لين أعرق !
إتركيني ..
ليه طوّقتي يديني ؟
ودي أرحل ..
صرت أذبل !
برجع أجمل !
برجع أكمَل !
وش يضرك لو رحلت ؟
وش يضرك لـ ابتعدت !
زمزمك يجبرني أرجع !
وإشتياقي يكون امتع !
سعيد الموسى
10-23-2020, 05:13 PM
مُشكلة عندما يكون وعيك آفاق ووعي المتحدث معك دائري !
تخبره عن الشرق ، يعيدك للغرب !
تحاول الإيضاح فيعتبر ذلك هروباً مبرراً ، ينشز صوتك يتعرّق لسانك وهو يحدثك ضِمن دائرة مغلقه!
يامحور الكون ياحديث الساحة العالمية يامن أشغلت جميع القنوات الإخبارية في كوكب الأرض وعطارد والزهره !
ليس كل حديث عنك وليست كل إيماءة تكون فيك وعنك !
أنا عندما أتحدث عن شيء فهو شيء " شيء محدد " !
نقاش عن شيء أي شيء في الأرض لماذا تحيل الموضوع لك ؟
لاتشخصن لأني لم أشخصن ولو أردت ذلك لوّجهت الكلام مباشرة يافرعون عصرك ياقرانديزر !
يعني دع نظرية المؤامرة جانباً ، الموساد الإسرائيلي ماأرسلني عليك يامِشغل كل إستخبارات البنتاقون ياأدهم صبري !
نتحدث عن نقطة محددة ، ويصبح الموضوع دائري لايقف ، ولانصل !
ياصبر الأرض !
سعيد الموسى
11-07-2020, 09:00 AM
____
*
حتّى الذي مروّا بصدرك وراحوا
___ خذوا معاهم عطرك وبعض يمناك !
من طيبتك ماقلت " قفّوا وطاحوا !
___ قلت اعذر اللي راح لو بعده اضناك!
سعيد الموسى
11-12-2020, 08:31 PM
ماكنت أظن الحكي
أعمى !
وإن صار لك حاجبٍ
يُدمى !
بس كنت أظنه
" كثير أشياء "
.
.
ياليت بعض الحكي
" يضمى "
ماودك إنه يذوق الما !
لاتجرح الصمت " بالظلمى "
والصوت ماهو سهم يُرمى !
علمتك أنك تكون " أقوى "
طعنتني
قلت لي : تبرى !
سعيد الموسى
11-15-2020, 10:07 PM
هذا الألم يقتص من ظهري ، الحمدلله حتى يرضى
لانقول غير ذلك
سعيد الموسى
11-18-2020, 04:10 PM
https://youtu.be/DvEZ6KQma9U
إن حكيت يفزّ لك عطر الزهور
__ وإن سكّت الهم كنّه قاتلك!
داخلك طفلٍ مؤدب لو يثور
__ يقلب الدنيا ويصبح عاذلك!
سعيد الموسى
11-23-2020, 04:12 AM
دوّرت عنها في تفاصيل الأطفال
دورت في روحي ومابين أيِدي !
مثل القصيده تشبه الما وتختال
تنساب مثل العطر حتى وريدي
ألِف .. ألِف ..
والباء له صوت موّال !
في تاءها .. تايه
وأنا اخترت / قيدي !
حتى الحروف اللي تسلطن وتنهال !
تنهال رُقية صدر ..
من فمّ .. غيدي !
قلت : الحروف اللي تقولين / تحتال !
قالت عليك أعتب ..
تقول إنت : زِيدي !
سعيد الموسى
11-23-2020, 01:18 PM
لو يصير الصبح
سلمى !
كيف هالأغصان
تضمى ؟
لو يصير " النور "
ظلمى !
يعني مابه وجه
" سلمى "
لو جرحني الكون كلّه !
يمكن إيديني مضلّه !
قادر أصبر
قادر آكابر ، وأزهِر !
بس لو تجرحني " سلمى "
وين أهرب ؟
كان لي صدر أرتمي له ..
كنت احارب
كان حبّك " سيف آسلّه "
كان لي وجه ٍ .. أحبه !
مابقى وجهٍ أحبّه !
سعيد الموسى
11-29-2020, 08:40 PM
عالكلام " الفضّ "
غُضّ !
وأمسك يدينك .. وأمِضّ !
مشكلتك ..
اللي قْتلتكْ !
مايناسبك الحرير ..
ولا يناسبك الحصير !
_____
ماتناسبك الصدور
اللي تشبه للقبور !
مايناسبك الكلام !
لا غدا حرب وحطام ..
وكان تجريح وخصام !
.
.
مايناسبك الغباء ..
ولا ظلام الأذكياء
او سواليف الرياء !
.
.
مشكلة هالوعي أكبر ..
من قلم سائل ودفتر !
من هو اللي يسمعك ؟
فهّم اللي يقرأك !
.
.
_______
الحكي ضايع : متى ؟
يوم يصبح للملاَ !
يوم تحكي ل أغبيا
عن مدى غير المدى !
______
يا ثقافه : مـ انتي آفه !
ولا بعد .. كنتي
حسافه !
لو تحدّثتي : بلطافه !
مشكلة خلخال
ساقك ..
جمّلك : ويقلدونك
ثم ينتقدوا / عيونك !
.
.
ماكُتِب أعلاه / أعظم !
من فتاه بظِفر أبكم !
سعيد الموسى
12-01-2020, 12:23 PM
يقولون .. الزمن راشي
وجوه الناس
مُرتشيِه !
وانا فمّي ، وهو فمّي !
عليّ أحياناً " الظالم "
وفي ايديني
سواد أبيض ..
يكون أضيَق ، يكون أعرَض !
يكون أفسَح !
يكون أجرَح !
يكون " أطيَب "
يكون " أخيَب "
تصير وجايز الخذلان !
مهو ثارك مع الأزمان !
غلط " غلطان "
يكون أحيان مع نفسك !
يكون أحيان من " حسّك "
غلطك
إنك تكون إنسان !
وهذا المجتمع
" ........... "
سعيد الموسى
12-01-2020, 12:34 PM
لو إنِك حرف جاء عابر !
__ كتبتك نصّ تفعيله !
على نقدك بعَد شاكر !
__ وصدري قادر يْعِيله !
سعيد الموسى
12-08-2020, 06:57 AM
ياليتني إنسان دون أيّ مبدأ
__ عشان يمكن فالظلام آتعايش !
تعبت أدور عن صدر فيه أهدأ
__ تعبت أصك الباب وأفتح درايش !
سعيد الموسى
12-09-2020, 06:38 AM
مايغرِي الصبح .. لاوالله
__ لو ماحمَل عطِرك لصدري
الله وهبك الحلا .. كلّه !
__ وانا وهبتك بعض شِعري !
•
•
لاتقطفي الورد ..
وتعدّين !
يحبني ؟
ما درى عنّي ؟
كل شي لمستيه له إيدين !
بيجاوبك إيه .. ويغنّي !
الأرض تدري .. وماتدرين ؟
وش قد هالظن متجنّي !
سعيد الموسى
12-09-2020, 06:14 PM
ماكِنت ناقص ضيِق ..
والحكي يوجعني
فيني جبال طويق
وأزريت تعذرني !
سعيد الموسى
12-12-2020, 05:56 AM
من مرتاح لكونه ...شاعر !؟
__ ماهو صح ...أبداً مو صح!
بعض احساس الكلمه.. فاجر!
__ هذا الشعر أحياناً... جرح!
سعيد الموسى
12-14-2020, 08:25 AM
قالها البدر :
https://youtu.be/SYbiD3sLasM
ومن يكتبنا مثل البدر
سعيد الموسى
12-18-2020, 03:37 AM
نحن الذين نفكّر ، نستوعب الأشياء مسكونين بالقلق والراحة والفزع والإطمئنان ، هناك أماكن لانحتملها وهي لا تحتملنا .. وهذهِ ضريبة أن تكون إنساناً في زمن يعج بالحيوانات !
سعيد الموسى
12-18-2020, 09:24 AM
وش يضّر الناس لو حبّوا
بعض ؟
__ بسّ حتّى الورد في أسفله شوك !
ياحبيبه ، والهوا غصب
أنفرض !
__ في حبيبك لو حكيتي كذبوك !
وش تقولي عن مشاعر
تنقرض ؟
__ عند منهم باول السلّم رموك ؟
ماهو لازم كل شيّ ، فيه
أعترض !
__ زهرة الفكره ، عساهم يفهموك
سعيد الموسى
12-20-2020, 05:59 AM
سنُزهِر يوماً ، لاعليك
نحن نتصحر الآن ، ثم يأتي الغيث بماءه وبذوره ، ثُم ننبت ونُزهر مجدداً !
لست مع من يقول أن الأرض ثابته ، كل شيء مُتحرك ويدور ، شعورك ، أحزانك ، فرحك ، حبك ، كرهك ، غضبك ، هدؤك
كل شيء ، ولأنه هكذا لاتخف ستزهر يوماً !
نحن نتألم لنترمم من جديد !
نحن نتصحر ، لنصبح أنهاراً ومشاتل بعد ذلك !
نحن نتوجع والله ولكن لنكون أقوى بعد ذلك وأكثر ثباتاً ..
ستزهر أنت ، وأُزهِر أنا ، إطمئن !
سعيد الموسى
12-23-2020, 11:29 AM
قالت وهذِي الأرض ماهي مكاني !
__ عطني يِدك محتاجه أدفِي عظامي !
ليت الزمن ويّاك راح ونساني !
__ عشان معك أوقف ، وألملم حطامي !
شوقي لصدرك ، قول عنّه أناني !
__ تحيّزي لك إنت ، ضيّ بظلامي !
انا أحبك حب ، فوق المعاني !
__ عطني يِدك إيدي بتشرح كلامي!
سعيد الموسى
12-25-2020, 03:00 PM
عسى تنسى ..
عسى أقوى !
عساها خيِرة المضطر !
ولا صدرك يذوق المُر !
بكل أحوالنا ..
نمضي !
ولا نعرف ، ولاندري !
لوين ، وكيف ؟
مانسأل !
كذا نرحل !
كذا نمشي إلى " ننحل "
ويعني البعد " مو منحل "
ولا هو عطر
او مشتل !
إلى " نذبل "
__
انا كتفي حصن " وحْجار "
وهدّيته ..
ب كم مسمار !
لأنك قبل " رممته "
وتعرف كل ثغراته ..
بدون إنذار " أسقطته "
تبي أعتب ؟
وليه أكذب !
وليه نطوّل المشوار ؟
وإنت من العدم تختار !
عسى تنسى !
عسى أقوى !
سلام الله على قلبك ..
على حبّك
على عطرك
وانا استودعتك الرحمن
سعيد الموسى
12-27-2020, 06:17 PM
تبللتي ؟
تعطّر فيك هذا الماء !
رقص لك
رقصة الوادي ؟
روّى منك ؟
شَرب صدرك؟
وسيّل كل قطراته !
تخلل في شَعرك ومرّ ؟
يسويها .. ويتبختر !
تبللتي ؟
وتحت الماء
تشيطنتي ؟
تطفّل ، بس تمايلتي !
أعرفه زين
هذا الماء ..
مشاكس
وين مايُرمى !
تبللتي ؟
تبلل بك !
سعيد الموسى
12-30-2020, 03:30 AM
_____
هالليل ياخي عجيب أمره ..
يتلحّف الحزن بـ اسنانه !
سعيد الموسى
01-01-2021, 05:07 PM
أبي أحزن معك مرّه ..
أبي أفرح معك مرّات !
بعيش اللحظه المُرّه !
وننسى بعدها الأوقات !
أنا ايديني .. مهي حرّه !
وإنتي ايديكِ .. الدعوات !
تبسمل صدري .. تسرّه !
وتنزع منه .. هالطعنات !
سعيد الموسى
01-03-2021, 05:05 PM
الأصدقاء الجميلين هم الذين يشيدون بك في مجالس لم تحضرها
ودون أن تعلم ، الآن وصلني ذلك عبر رسالة الشاعر الجميل عبداللطيف ..
شكراً فهد دوحان لأنك أبيض ، في صدري يافهد القلة من الأسماء العظيمة وأنت أحدهم
وهذا يفرحني والله ، ف أنت لست مجرد شاعر ، أنت أسم لايتكرر
عليك السلام والغمام ، ولك الود والورد ، ومنك الشعر والعطر ..
سعيد الموسى
01-07-2021, 02:40 AM
على الرصيف فتات
لجل العصافير !
__ مرقابي الغيمه
ولي مخلب الحرّ !
ماحب تمره ..
طاحت بفم كم طير !
وان شفتها عادي !
مثل كل ما مرّ !
مااحب أعلى الما
واحب اسفل البير !
الطارف من الماء
" للكل " مو سرّ !
سعيد الموسى
01-12-2021, 12:18 AM
" بعفوية أكثر "
.
.
______
.
.
عندما يكون الحوار في السياسة " لاأناقش " لأنه سيتحول لجدال "شخصي "
وعندما يكون الحوار في الفن " لاأناقش " لأنه سيتسم بالكثير من الحساسية ويتحول "لشخصي" لأن طبيعة الفن كالزجاج شفاف ولكن سريع الكسر ، والزجاجة إذا كُسِرت " تجرح " !
في الشعر أناقش لأن الشاعر حسّاس وواعي أيضاً ومنفتح على الإبداع وسيكون النقاش مُثري " أتحدث عن الشاعر وليس المستشعر!
عندما يكون النقاش عن الرسم " لاأناقش إلا كمتعلم مؤدب " لأن الرسم حالة لاتشبه أي حالة أخرى ، خذ من الرسام وعيه دون أن يُعرّي وعيك ، لاأخاف النقاش مع فيلسوف
ولكني أخاف من النقاش مع رسام مبدع ، لاأحد يملك وعي الرسّام لا الفنان ولا السياسي ولا أي شاعر ، قلت ولا أي شاعر ولم أقل كل الشعراء !
لأن أقرب شيء للشعر الرسم وللرسم الشعر ، لذلك حتّى الرسّام يخاف من أثنان ..
شاعر تجاوز الإبداع ..
ومهندس متميّز ومتجاوز في التصميم والرسم الهندسي !
_____
" نقطة آخر السطر "
بعيداً عن هذا وذاك " أختر معاركك " وأختر " من هو كفؤ ليكون ندّك " .
سعيد الموسى
01-12-2021, 10:25 PM
لو نقول " الغيم "
طِفل !
السماء الزرقا " هيّ أمّه " ؟
لو نقول " إيديك
" وبل !
صدري هذا..
من يلمّه ؟
صوت وجهك ،
مثل فل !
لو سمحتي لي
أشمّه !
ُمتعَبه يمكن
وهل !
ريحيها لو ..
بضمّه !
سعيد الموسى
01-14-2021, 03:00 AM
عن شِعري :
عندما أكتب عن الحزن ستتعجب لو أخبرتك أنني أقوم بـ ألباسه بدلة أنيقه ،
وأقوم بوضع ربطة عنق له حتى يكون منظره جميلاً ثم أضع على بدلته بعض العطر !
الحزن فارس عظيم حتى لو أوجعك إياك أن تهينه فهو رفيق المبدعين والعظماء !
_______
قصيدتي في نظري " طفلتي " التي ألبسها جيداً وأمشط شعرها وأُلبسها فستان أنيق
وأُعطرها ب أجمل عطر يتعطر بها ولاتتعطر به !
ثم تأتي لتكون أميره ، طاغية الحسن والجمال ، على الأقل عندي قبل أن يكون لأحد !
________
+ أحب الشِعر أكثر مما تتخيّل وأغضب وفيه ، ربما تصنع يومي قصيده !
وتبكيني قصيدة وتُفرحني قصيدة ، وتنتشلني من قمة وجعي قصيدة !
تماماً كما تفعل أنت مع حبيبتك عندما لايسعفك الكلام تقوم بـ إهدأها أغنية ، وأصل الأغنية قصيده
ولا موسيقى أكبر من موسيقى الشعر ، الكلمة ذاتها إن لم تكن موسيقية لن تكون أغنية ولو لحنها أعظم موسيقار وملحن !
__
فانيه كل الموسيقى !
إلا موسيقى .. الشعر !
كل لفظ!
وكل لحن !
مثل غصنٍ مال .. مثمر!
مثل غيمه!
لحن ديمه!
تعزف إيقاع المطر!
سعيد الموسى
01-15-2021, 06:50 AM
http://www.ab33ad.info/up/uploads/images/ab33ad.info-47408d2828.jpeg (http://www.ab33ad.info/up/uploads/images/ab33ad.info-47408d2828.jpeg)
المسفر .. الممطر
الممتلي بالزهر
قالوا : تعَب قلبك ، من أيش ؟
من طهرك ؟
من أيش هو يتعب ؟
يالأجمل .. الأطيب
يالناصع ، الفارع
ياأجمل الأصحاب ، ياأنظف الأحباب ..
تعبان من كونه ..
مافيه من لونه ..
الأبيض الشفّاف
من خارجك ينشاف !
ماكان هو عادي ، قلبك مثل وادي
مليان بالأزهار ..
ياسيّد الأشعار ..
ياعازف الأوتار ..
بالله " لاتنهار "
____
الله يشافيك وترجع لنا بالسلامه يابوعبدالله
سعيد الموسى
01-20-2021, 07:53 AM
http://www.ab33ad.info/up/uploads/images/ab33ad.info-51cfe1ebc1.jpeg (http://www.ab33ad.info/up/uploads/images/ab33ad.info-51cfe1ebc1.jpeg)
يخنقنا الكلام يابويزيد والله ، رحمك الله أيها الصديق الغالي والأخ العزيز
سعيد الموسى
01-21-2021, 01:12 PM
كتبت عنه مقال في مجلة وضوح قبل 8 سنوات ، قصّ الصفحه
ومحتفظ بها في جيبه الأعلى من أخذ المجلة حتى الآن ..
يقولي : تنزل من جيبي إذا غيّرت الثوب فقط وترجع للثوب الآخر ..
" والله أن الكلام كان عادي مايستاهل هالقدّ "
لكنه يقول : لأنه أنت ولأني أعتز بك مافارقت جيبي الأعلى ، كل ماشعرت بالهم والضيق ومشاكل الحياة
طلّعت هالصفحة وقريتها وكانت مثل الماء البارد ..
صدقني ياسعيد : مررت بكثير من التعب والمرض والضيق والظروف الحياتية والمعيشية وكنت إذا شعرت بكل هذا أفتح الورقه ..
__
قلت ياليتني كتبت أكثر ، لأنك أكثر من ذلك .
__
على فكرة : ليس شاعر ولا كاتب ولا رسام ولافنان ولا صاحب نفوذ
كتبت عنه " لأنه إنسان " ولأنه فعلاً رجل عظيم من دون رأيي وكلامي وشهادتي
والإنسانية تستحق من يكتب عنها
سعيد الموسى
01-24-2021, 07:18 PM
ياحنين ..
وكل شي حولي حزين
ياحنين ..
وكيف هالدنيا تبين ؟
لا عطور ..
ولا زهور الياسمين !
ولا وجيه الناس رُقيا
ولا هي تحمل آيتين !
قد ماهي مظلمه !
او ملاها هالأنين !
يعني مافيها إخضرار !
لجل تنبت بالوقار !
ياحنين ..
وكل شي
مافيه شيّ
وكل شمس
بدون فيّ
وكل نور
بدون ضيّ
لاتقولي لعمك .. أوقف!
والزمن ماهو بمنصف !
واقف بحيلي
.. سنين !
صامد
وكلي يقين !
بس هالوقفه .. ثقيله !
لاغدا حمل ٍ
واشيله !
كل ماهو أهتز .. كتفي !
قلت عيب
يبان ضعفي !
ياحنين
كل شي ماهو مُبين !
كون مُبهم !
ليل أعتم !
من وجوه الكاذبين !
لو سألتي هالحجاره
اصدق اللي تسألين !
ياحنين الوقت : خيل
يركض وركضه هزيل
والسنين اللي تطوف !
ماتطوف وكتفي محرم
ولاترش بصدري زمزم !
ماتطوف إلا بعلقم !
لو جروحي ماتكلّم !
ياحنين ..
وشوفي .. شبت !
انغرس بالوجه .. نبت !
ياحنين وعندي بنت!
تحضن ايدي لاحزنت
ولاتقولي ليه لنت ؟
كم تكابرت ، ونبلت !
والزمن ماهو نبيل !
ليه يسبقني ب جيل ؟
ياحنين ..
الناس تجهل!
من هو اللي قال تعدل؟
هذا انا يرمون ظهري !
مانزفت الا بعطري !
ياحنين
ورب آدم
بالزمن هذا .. تصادم !
الوضيع يصير " قدوه "
والكريم أصبح " بـ خلوه "
معتزل هالناس " عاكف "
لا تقولي لييييه خايف ؟
إيه خايف
إيه خايف
ايه متضايق / وعايف !
لاالزمن هذا زماني
والأماكن ..
مو مكاني !
لكن أستغفر ..
واكبّر !
وانفض ايديني وتزهر !
والصبر ..
لابد يثمر !
سعيد الموسى
01-27-2021, 05:52 PM
____
تقتله ، تبتر كل أحلامه ، تبعثر كيانه ثُم تتركه !
فتأتي بعد ذلك تكتب عن الفراق وعن الشوق وعن معاناة البُعد !
ماأعجب النساء !
يُخيّل لمن يقرأ أنه كان شيطاناً ولكنها أكرمته بأنها أحبته ، وصانته ، وكانت تراه بطلها وفارسها ..
ولكنه خذلها ، هكذا فقط بكل لاانسانية خذلها وهي البريئة وهي الملاك وهي المغلوب على أمرها
ماأسهل الكلام !
_____
سعيد الموسى
01-29-2021, 05:21 PM
الكرم
يابن الكرم ..
طعنةٍ
ليـن العظم !
لاتقول .. ولاتمِن !
لملم ايدينك ..
وروح !
سعيد الموسى
01-31-2021, 03:11 AM
أنا ماجيت
أناقش حدّ !
ولا حتّى أدوّر .. ندّ !
أنا جيت
أنثر همومي ..
بعد
ماضاق فيها الصدر
على هالطاوله ..
أنقش !
ويمكن عني آفتش !
أدورني ، ولو حتى
بعض وجهي !
أدورني على هالنقش ..
لو إبره
بين كوم القش !
تخيّل
طاوله بيضاء ..
تكون من البشر
أنقى !
تكون أسمى من الأسماء ..
على هالطاوله
أرسم ..
أنا لي إيد
فيها عيون !
ولي فمٍ يشم اللون !
ولي إذنٍ تضج
ظنون !
وأنا والله " مو مجنون "
بس أتنفس
من أيديني !
وهي تزفر ..
مثل صدري !
وفيها بعض ..
من عطري !
ترى إيديني بعد
تكذب
اذا قالت
" تمام بخير "
وانا احياناً
عليها أعتب
اذا هي
خبّت التفسير !
واناقشها
وانا غاضب .. !
وهي أطيب من التقصير !
ترد بكل حنيّه ..
بلا تبرير أو نيّه !
تكون بخير ..
صير بخير !
سعيد الموسى
01-31-2021, 04:11 AM
_______
أجمل مافي [ رياضة الشِعر ] أنها تعيد ترتيب إنسانيتك !
_______
سعيد الموسى
02-01-2021, 09:57 PM
.
______
.
أعظم الأشياء التي نكتبها ، تلك التي نشطبها ونتبرأ منها وكأنها لقيطه !
من أخبرك أن الأدب لايوجد به زِنا ؟
إذن عندما تتألم ثم تكتب لترتاح فتكتب قصيدة وإذا أنتهيت منها مزّقتها ماذا تسمي ذلك ؟
______
" أنا هنا أتحدث مع يدِي لأنها تشاركني هذه الجريمه "
سعيد الموسى
02-03-2021, 07:55 PM
_____
أحبك " سرّ "
خبّيته !
ولا هو " إثم "
أخفيته !
لأنك كنز
" كنتي رمز "
حشمته ..
عن دروب " اللمز "
ومثلك ذكرها
" أكبر "
من الأشعار ..
والأسطر !
ويعني : هالشعر تأويل !
وأنتِ فوق ..
مما قيِل !
وأنا عيني تفوق .. السقف !
ولو تتعب ..
تصير ترّف !
___
أحبّك : قالها شاعر
ويعني ماهي الظاهر !
أحبك : لجل أتنفس !
وهي كلمه
" وتتحسس "
أحبك : روح تتعطّر
وهي ماتُكتب ..
وتُشعر !
أحبّك : قافية شاعر ..
ولا كانت
ثمثّل " عجز "
ولا حتّى
كثيرة " رجز "
ولاكانت صدر
أو خصر !
مثل دعوة
رجل صالح ..
لقت باب السِما
فاتح !
سعيد الموسى
02-08-2021, 04:03 AM
فوضى ..
https://youtu.be/469vnWJyMUU
سعيد الموسى
02-09-2021, 02:41 AM
____
في زاويه .. بالبار
قدّامه .. الويسكي !
كم عاهره ..
ترقص !
والهاتف ب إيده !
يدخل
على الدنيا ..
يستأسد ويكتب :
ياأمّة الفوضى
ياأتفه الأسماء ..
بعتوا قضيّتنا ..
القدس بعتوها ؟
قولوا ثمنكم كم ؟
ماتخافوا من " أللا " ؟
_____
ماأجمل الحكمه
ياسيدي الفاهم !
ياللي أعتكفت الناس
في آخر المسجد !
_______
الخمر ذا تُقيا !
حتى بلاد الكُفر !
تجلس بها رؤيا !
منشان تتفكر !
وتشوف كم مومس ..
تتمايل وترقص !
ماهو ترى " شهوه "
شيطانك .. ب غفوه !
من باب " تتصوّف "
من باب .. تتعّفف !
_______
ماأغرب العالم !
ياسيّدي الفاهم !
سعيد الموسى
02-11-2021, 03:34 AM
____
كانت أمسية صوتية جميلة في كلوب هاوس مع المبدعين
محمد سليمان العنزي وصالح اللذيذ ..
كنت مستمع والله لكن ورطوني وشاركت خصوصاً إني صدق مااعرف له هالبرنامج : )
سعيد الموسى
02-19-2021, 03:45 PM
قلتها لإبن خالي سعود الذي كان خامس أبتدائي حينها ، حتى وصلت لعبدالملك وأنشدها في قناة الواقع ..
https://youtu.be/UTroPcCi_e8
سعيد الموسى
02-24-2021, 08:39 AM
يقولون أنتحرت
.. وبسّ !
يظنوني
" فقير الحِس "
يشوفوني طِفل
"ملعون "
وذنبي بس أكون
"بدون"
انا ماأحتاج للأوراق!
إذا هذا البلد مافاق !
انا .. أصلاً
ترى مامّت !
وربي بس مات
الصمت!
انا قلت أشتكي لله ..
كذا بس رحت
لله رحت ..
عشانه بس يفهمني !
أحس الأرض
تخنقني!
#انتحار_طفل_بدون
سعيد الموسى
03-14-2021, 06:28 AM
حقيقة وليست خيال :
_______
بهالليله .. وهالليله ..
يثور الجرح ..
ياساتر !
وقد أيش الحكي
سافِر !
وأنا عيني تشوف الماء ..
تحوّل كل شي
ظلمى !
وهيّ
مو هيّ ؟
تشابهها ؟
تقاسمها العيون ..
الغيّ !
وربي لو أقول أكثر ..
وتكفى أغفر ..
وربي ذات هالسلسال !
قتلني منظر
السلسال
وذات الخدّ
" حبّة خال" !
وشيّ أنقال
ماينقال!
سعيد الموسى
03-16-2021, 08:37 AM
_____
أنا موجوع
ياسلمى !
وابي إيدٍ
تواسيني !
تعانق ..
ماسقط منّي !
وتمسح
وجْنتي بالماء !
وش أوجع همّ
ياسلمى !
وش أتعب غمّ
ياسلمى !
وأنا ضيعتني " ليله "
مابين النور
والظلمى !
لكِ الله ..
كم تبسمّتك !
وانا
في داخلي أشياء !
بلاش من الحكي
وأدمُى !
وكم كلمه .. غدت منفى !
_____
أنا اللي جرّدوا
شِعري !
وغطّوا به دفاترهم !
عُراه !
وقلت : ألبّسهم !
vBulletin® v3.8.7, Copyright ©2000-2025,