سيمفونِيّة مَطَرْ

[سعيد الموسى]

قلت لك مليون مره
..لاتحب !
قلت لي والغيم ذا
....ماهو السحب؟
قلت لك
عابر..
محمل بالمطر!
قلت لي
وشلون سمّوك المطر؟
قلت لك
دنيا عجاف!
قلت عند الله فرج!

[سعيد الموسى]

طفلةٍ ماكملت أربع سنين !
ـــ تبتسم لي من شبابيك الحزن !
جيتها حامل بيدي وردتين !
ـــ ردت الأولى وقالت : للزمن !

[سعيد الموسى]

كل ثوب يمّل منّك
.. إتركه في
هالرفوف !
كل شخص
يبيع قربك
....ودّعه .. وإمشي
وروح !
يعلمه الزمن
باكر
..يجيك
وفي يده خيبه !
ولابه قلب
..ينتظره!

[سعيد الموسى]

مافقدت بهالشوارع أرصفه !
ـــ بس أحس إن المباني مُظلمه!
(كان ) به عصفور قلبي يعرفه !
ـــ قلت (كان ) ؟ الللللله ياهي ( مُؤلمه ) !

[سعيد الموسى]

كم لها في شفتي بنطق بها !
ــ لانويتك بالمفارق ... ماطلعت !
ردني صدري وقال .. تحبّها؟
ــ هذي الكلمه رصاصه .. عوّدت !

[سعيد الموسى]

كملت هالعام ... واحد واربعين !
ـــ حلمها تحضن بهالدنيا طفل !
وين فارسها ؟ وهي بنت السنين !
ـــ عنّست .. والحلم بالصدر إنقتل !

[سعيد الموسى]

كنّها مرّت ... مثل
سهوة طفل !
مادرى عن حاجته ... أو راحته !
هالسنين اللي .. تمّر !
مرّت بـ زهر العمر !
يااااااااه ... ياسرع السنين !
ضحكتين .. ودمعتين !
مرّه نضمّ الحكي !
مرّه نوادع حِلم !
.
.
هالسنين أشبه ... ب أنثى نافذه !
تفتح الشبّاك في لحظة
عطر !
لين تمطرها الرياح !
وتغلقه !

[سعيد الموسى]

إلى [ مزبلة الشِعر ... أيها السارقون ]
عليكم اللعنة وعلى أرواحكم المتسخه !