سيمفونِيّة مَطَرْ

[سعيد الموسى]

إنت وينك ؟
كل إصبع من يديني ..
قال وينك!
فاقدينك!
ناطرينك!
كل ضلع بجوف صدري
.. فاقد إيدك!
إنت وينك؟
ياني مشتاق لجبينك
..رمش عينك!
انت وينك؟

[سعيد الموسى]

يابلد ...
ضاع الكلام ...
وإختفى بين الزحام !
يابلد أم القرى
والمبادئ
والرؤى
قلت لي إقرأ
... لمن؟
والبشر كومة صور!

[سعيد الموسى]

ياسيدي ماعاش من هو يهينك!
... العود لو هو يحترق فاح طيبه!
لاتبتأس ... تكرم ويكرم جبينك !
... ماذمك إلا شخص مليان خيبه !

[سعيد الموسى]

ليش اسولف عنك ..
فيك !
وليش من تلمس يديك !
آخر يدين
السكوت!
يعتلي بالصمت
.. صوت!
وتكبر أزهار
وطفل !
طفل ينشد للمطر !
والسحاب
يصير ناي!

[سعيد الموسى]

الغيم هذا ... يشبه إيدينك كثير !
وانا طفل مبلول ويشاغب إيديك !
هذا المطر خلاني أصبح مثل طير !
أحتاج صدرك كثر ماأحتاج خديك!

[سعيد الموسى]

الشعر هذا ماء وإحساسنا أرض!
تزهر به الدنيا وتخضر الأوطان!
والله ورب الشعر والناس والفرض !
إن الشعر مائي وتحيا به ألوان!

[سعيد الموسى]

بذرت من حرفي
--- الفكره!
كوّنت منها --
نسيج الماء !
محدٍ تجرأ ---
على البذره !
خبيتها ---
بغابة المعنى !

[سعيد الموسى]

افا يابنت الناس مايلحقك ضيم !
دامي على هالأرض استرزق وحي !
كان الضما ظالم ف انا صدري الغيم !
وان سودت دنياك مديت لك ضي !