سيمفونِيّة مَطَرْ

[سعيد الموسى]

لاصرت محتاج ٍ ومديت للغير !
تعطي وكفك بحر ماينطر الرد !
ياعيش عمرك حر عالي مثل طير !
او موت لاتنطر حياتك الى الغد !

[سعيد الموسى]

إنت أبد !
ماكنت ... تكتب !
كنت .. تنزف !
كنت / ترسم للسنين !
بعض تلويحة [ جبين ] !
كنت : أو كانت [ يدين ]
مٌثقله ... متثاقله !
تحمل الريشه : أنين !
والله ... لا !
لا .... لا !
من يقول إنك : كتبت !
إنت تنزف !
والنزيف أصبح :شِعر !
لاإله ... إلا الرحيم !
ليش شايل هالسنين ؟ وليش تحمل هالحنين ؟ وليش تكتب هالأنين ؟ وليش تنزف ؟
مالهذا الحرف مُنصف , لو غدا نوته وتُعزف ... يبقى ينزف !
بسّ ينزف !
دون أيّة طبطبه ... والمُسمى , وإن تسامى !
نقطة وتقويس شعب/ي [ هالقصيده ... مُتعِبه ]

[سعيد الموسى]

الناس هذي بخير .. لاتشغل البال !
ـــ مافي فقير ولافي حتى آرامل !
وان شفت من هو يشكي الحال .. دجال !
ـــ ياسيدي ذا فن مدّ ..الأنامل

[سعيد الموسى]

وظفوها معلمّه
..بين أحضان النفي !
جات جثّه
مهشّمه !
وانتهى
...كل الحكي !
قولوا لاصحاب القرار
.. عاريه إيدينكم
عاريه متعريّه!

[سعيد الموسى]

طعم اللقاء
... صدفه !
وثوب الحكي .. ربكه !
جتني وهي
عجله !
وكان اللقا
... غمضه !
ياأعذب الموعد !
ويامااجمل الكذبه!

[سعيد الموسى]

قالت : الله
..ياحلو هالغيمه..هذي!
قلت هذي
يقولوا أنثى!
تنجب لهالارض طفل!
قالت الله!
من ولدها!
قلت شيلي هالمظله !
شايفه هذا المطر
ذا ولدها
....صافحيه

[سعيد الموسى]

جيت وبكفي كلام !
صافحيه وعانقيه !
ماني شايل
غير قلبي !
طفل طيب
.. مهما يغلط !
يهرب
يدور حضن !
إحضنيه
... وقولي أحبك !
بس كافي !
والله يكفي!

[سعيد الموسى]

إنتي أدرى بالعطور !
قلبي أدرى
بالحروف!
وإنتي أجمل
بالوصوف!
وإيدي تحب
الرسم !
كل ماقلت
أرسمك !
داخلي طفل
إرتبك !
علميه شلون يرسم
كيف يحلم!