سيمفونِيّة مَطَرْ

[سعيد الموسى]

تقول سلمى لو زعلت استرح .. وضّ !
..... ‏واقول ياسلمى.. توضيّت مارتحت !
‏الناس هم من ضيّقوا بعيني الأرض!
..... ‏مااخافهم واقف ، ولكن إذا طحت!؟
‏الغدر والغيبه لهم معدن وفرض !
..... ‏وانا تعبت إني اغمض اذا صحت!
‏تعبت أقول اسكت تناساهم وغضّ !
‏..... مير الافاغي تلدغ الرجل من تحت!

[سعيد الموسى]

أنا ... أنا ، لازلت أنا !
بس أنت لا .. ماعدت إنت !
كل شي تغيّر .. بيننا !
لاتقول احبك .. قول كنت !

[سعيد الموسى]

أنا على الهقوه أبد .. ماتغيّرت !
ورثت هذا الطيب عن أبٍّ وجدّ !
اللاء ماهي عندي ولو تخيّرت !
أبسط ذراعي لين تاصل هل الوجد!
بنت الكرام اللي تقول إنت حيّرت!
بقول هذي شمس والقيض له حد!
الله يجيرك قبل ماني تجيّرت !
الله وكيلك ماغدا للحزن .. ند !
وانا من أهل الله لا .. ماتطيّرت!
الدرب أخضر ، روح ياأحمر الخد !
ماعاد أعتب ، مقفي أوّ جيت سيّرت!
لو صدري أحرقني ، ابهمس من البرد!
عشت الوجع مرات بس ماتأثّرت !
وان صار قلت بخير ، وش يعني الصد؟

[سعيد الموسى]

في شفّتي بعض الغمام !
‏أخاف أقوله ... ينهمر !
‏ياحلوتي .. وش هو الكلام؟
‏وإنتِ نباته .. والثمر !
‏في ذمّتي .. بنت الكرام !
‏إن حبت .. أسقتك الخمر!
‏وإن هي بدت لك بالسلام!
‏ودّك من إيديها ..تمر !
‏إن ميّلت .. مالت سهام !
‏طافت بصدرك ، تعتمر !
‏تقول أحبك..ب احترام !
‏واقول : توّ يبدا العمر !

[سعيد الموسى]

سلمى: صباحك خير لاصرتي الخير !
‏في صدر كل الناس لك وجه طيّب !
‏أشوف بك ميزه ، إذا حلّق الطير !
‏رغم إنه بصدر السما ، بس قريّب !

[سعيد الموسى]

في الرابعه : فجراً ..
‏الناس ذي نامت !
‏فـ الرابعه : جرحاً !
‏الحزن ذا .. باهت !
‏ليش صاحي ؟
‏نام ياخي !
‏والله مقدر
‏والله مقدر!
‏كن هذا الليل .. مجمر !
‏قم تعوّذ من جراحك !
‏والله إن يكفي بياضك!
‏ماتعبت من الهموم ؟
‏والقلق هذا يدوم؟
‏قوم تالي الليل .. ركعه!
‏زيِد هالإيمان رفعه!
‏قم توضّ !
قم تمضمض من همومك !
ألف .. بسم الله عليك !
إنت مو شايف يديك؟
والله إن إيديك بيضاء !
والله إن سمعتك .. تسمى !
والله إن يطرون .. ذْكرك !
فاخروا ب طيبك .. وإسمك !
إنت وشبك ؟
ألف بسم الله عليك !
واللي يرحم والديك !
قوم طيّب .. لاتنام !
أوقف ، إثبت بااحترام !
إنت قامه !
إنت هامه !
لو يطيحون العرب !
والزمن هذا غَرَب !
إشمخ ، أوقف !
ماانت شايف ؟
شوف وجهك !
هالسماحه والبياض !
ليش تاليه إعتراض ؟
إحمد الله ، سبّح الله ، أشكر الله !
مايطيح إلا الكرام !
مايئن إلا الشهم !
جرح صدره ماالتئم !
إنت لولاك الشهم ، كان مااوجعك اللئم !
كم لئيم ينام ليله !
وكم كريم يفزّ حيله !
كل شيّ وله .. ثمن !
لو دفعت أغلى ثمن !
ليه تندم ؟ ليه تغتم ؟
والله ياصدري .. تعبت !
لا لا ..
قل سحابه واظلمت !
مايخالف .. ماعليه !
كل شيّ .. وله ثمن !
قوم صلّ الفجر .. طيّب !
واللي يرحم والديك ..
الف .. بسم الله عليك !

[سعيد الموسى]

إختلاف ..
يدور في دينك .. خلاف !
آه ياأم المدن ..
وام القرى !
أختلاف ..
ومافي أيّة إئتلاف !
هذا سني .. هذا شيعي !
ذا بِلا !
خل صوتك بين شفتّك ..
بلحاف !
الزمن ماهو أمام ..
ولا ورى !
قلت سلمى .. قالت اهدا
لاتخاف !
وانت ناصع .. لايخيفك
هالصدى !
قلت هذا الوقت وسنينه
عجاف !
قالت المؤمن ، بعمره ..
مبتلى !

[سعيد الموسى]

حرقنا في العتب موعد ..
وجرّحنا قمر .. ونجوم !
ياااااه ياجنون البدر ياأخي عندما يكتب هذا الصعب بكل هذه السهوله ، البدر ليس مهندس الكلمة فقط بل مزارع ، فلاّح الشعر الذي يضع الكلمه فيسقيها باإحساسه ثم تنبت فكره ثم ثمر قصيده يانعه ..
لنأكلها نحن !