سيمفونِيّة مَطَرْ

[سعيد الموسى]

تحتضني هالمدينه ..
وبشغف ماهو بعادي !
تخنق إيديني .. وصدري !
كبّلت كتفي ، وكفّي !
لو تحبيني .. إتركيني !
ودي أزفر هالبيوت !
ودي أحيا .. قبل أموت !
ادري إنك حيل بيضاء !
وادري إنك نور واضواء !
وادري إنك شي أسمى !
بس هذا الحب أكبر
من حجم صدري وأكثر !
ودّي أرحل !
ضايقه فيني سماءك !
صرت أذبل !
هذا وردك ؟
ذي رماحك ؟
هالشوارع ، نفسها
هالمباني ، نفسها
هي ذاتها ، ذي شمسها !
ذا ليلها وسكونها !
والوجوه اللي تمر !
ماغدت تحمل عطر !
وارصفتك اللي زمان !
ماهي بنفس المكان !
ماهي بذات الأمان !
يامدينه ..
ياحزينه ..
ياأنيقه ..
ياعتيقه ..
ياعظيمه ..
ذي ظليمه !
خلي إيديني .. تحرر !
بفتح الشباك .. بسهر
والمساء يغري ويمطر !
وأكتب أشعاري واعبّر !
إيه بغرق !
وأتبلل لين أعرق !
إتركيني ..
ليه طوّقتي يديني ؟
ودي أرحل ..
صرت أذبل !
برجع أجمل !
برجع أكمَل !
وش يضرك لو رحلت ؟
وش يضرك لـ ابتعدت !
زمزمك يجبرني أرجع !
وإشتياقي يكون امتع !

[سعيد الموسى]

مُشكلة عندما يكون وعيك آفاق ووعي المتحدث معك دائري !
تخبره عن الشرق ، يعيدك للغرب !
تحاول الإيضاح فيعتبر ذلك هروباً مبرراً ، ينشز صوتك يتعرّق لسانك وهو يحدثك ضِمن دائرة مغلقه!
يامحور الكون ياحديث الساحة العالمية يامن أشغلت جميع القنوات الإخبارية في كوكب الأرض وعطارد والزهره !
ليس كل حديث عنك وليست كل إيماءة تكون فيك وعنك !
أنا عندما أتحدث عن شيء فهو شيء " شيء محدد " !
نقاش عن شيء أي شيء في الأرض لماذا تحيل الموضوع لك ؟
لاتشخصن لأني لم أشخصن ولو أردت ذلك لوّجهت الكلام مباشرة يافرعون عصرك ياقرانديزر !
يعني دع نظرية المؤامرة جانباً ، الموساد الإسرائيلي ماأرسلني عليك يامِشغل كل إستخبارات البنتاقون ياأدهم صبري !
نتحدث عن نقطة محددة ، ويصبح الموضوع دائري لايقف ، ولانصل !
ياصبر الأرض !

[سعيد الموسى]

____
*


حتّى الذي مروّا بصدرك وراحوا
‏___ خذوا معاهم عطرك وبعض يمناك !
‏من طيبتك ماقلت " قفّوا وطاحوا !
‏___ قلت اعذر اللي راح لو بعده اضناك!

[سعيد الموسى]

ماكنت أظن الحكي
أعمى !
وإن صار لك حاجبٍ
يُدمى !
بس كنت أظنه
" كثير أشياء "
.
.
ياليت بعض الحكي
" يضمى "
ماودك إنه يذوق الما !
لاتجرح الصمت " بالظلمى "
والصوت ماهو سهم يُرمى !
علمتك أنك تكون " أقوى "
طعنتني
قلت لي : تبرى !

[سعيد الموسى]

هذا الألم يقتص من ظهري ، الحمدلله حتى يرضى
لانقول غير ذلك

[سعيد الموسى]

https://youtu.be/DvEZ6KQma9U

إن حكيت يفزّ لك عطر الزهور
‏__ وإن سكّت الهم كنّه قاتلك!
‏داخلك طفلٍ مؤدب لو يثور
__ ‏يقلب الدنيا ويصبح عاذلك!

[سعيد الموسى]

دوّرت عنها في تفاصيل الأطفال
دورت في روحي ومابين أيِدي !
مثل القصيده تشبه الما وتختال
تنساب مثل العطر حتى وريدي
ألِف .. ألِف ..
والباء له صوت موّال !
في تاءها .. تايه
وأنا اخترت / قيدي !
حتى الحروف اللي تسلطن وتنهال !
تنهال رُقية صدر ..
من فمّ .. غيدي !
قلت : الحروف اللي تقولين / تحتال !
قالت عليك أعتب ..
تقول إنت : زِيدي !

[سعيد الموسى]

لو يصير الصبح
سلمى !
كيف هالأغصان
تضمى ؟
لو يصير " النور "
ظلمى !
يعني مابه وجه
" سلمى "
لو جرحني الكون كلّه !
يمكن إيديني مضلّه !
قادر أصبر
قادر آكابر ، وأزهِر !
بس لو تجرحني " سلمى "
وين أهرب ؟
كان لي صدر أرتمي له ..
كنت احارب
كان حبّك " سيف آسلّه "
كان لي وجه ٍ .. أحبه !
مابقى وجهٍ أحبّه !