أجنحة وأغاني

[مشعل فايح]

لحظات أخيرة

الساعة السادسة وعشرون دقيقة فجراً.
الشمس تشرق بعد ساعتين.. على ضفة
اللوار كل شيء يستعد لبكاء يومه قوت
الشتاء.. كل الأشياء تتجمد.. وتستعد للغياب
سيكون شروق شمس اليوم مختلفاً.
عن جثث.. وأموات.. وصلوت في الكنائس
حتى طيور النهر.. لم تأتي اليوم.
يا الله.

[مشعل فايح]

يا رب..
هذا المدى يصغر..
وانا اكبر..
ملامحي الصفرا خريف
واقدامي غاصت في رصيف
العمر.
وان قال لي صاحب خطاك
السوّء.
بالسوء اتعثّر.
يا رب.. هذا السرير
اللي ولفته والبياض.
مبلي بروحي والجسد
بالحزن هو والأمتعاض.
تعبان ومكدّر.

يارب.. انا الأحباب دخاني
العتيق من البكا
واللي اتّكا بصدري من
الأصحاب..
وحدة.. وايام اغتراب.
وصمت الزمان اكثر

يارب.. لا ابقى كثير.
ما دام لا فراشي وثير.
ولا شانئي أبتر.
يا رب.. اغسلي بي خطاياهم
علي.. واقطع طريقي عن الخطا
تعبت من الدرب الخُطى.
وكل الكسور الهينة تمضي.
بنفسى الخُطى تمضي.
لكنّ كسّر الروح بي يا رب.
ما يجبر..
يا رب.. ما يجبر.

[مشعل فايح]

بشريني.. بشريني.
ما كرهتيني حياتي.. ما نسيتيني..

بشريني..

بشري قلبي الظلوم
اللي في عزّ الهموم
يحمل جراحه ويغيب.

بشريني..
ما كرهتيني حياتي.. ما نسيتيني.

بشريه اللي في سكوتك
وحزنك.. وضيقك وموتك
ما درى بـ انه حبيب

بشريني..

ما كسرتيه فـ ضلوعك
ما سكبتيه فدموعك
دامه بعمره غريب.

بشريني..
ما نسيتيني حياتي ما كرهتيني

ما انقتل فيك الغلا..
ما قسا قلبك.. سلا.
ما لقى غيري قريب.

بشريني..
بشريني..

ما كرهتيني حياتي.. ما نسيتيني.

[مشعل فايح]

أقول والا بس أطاوع زماني
واسكت واجاري الظل ولصبري انصاع
الغيم وغصون الشجر والأغاني
وذكراهم اللي ما غفت بين الأضلاع
والراحلين وهالسفن والمواني
والغربة اللي في شراييني صراع
تجمعت فيني وذابت عشاني
متعود اعبرها بلا زاد ومتاع
اللي معي منها خلص ما كفاني
ومافاتني منها عمر للأسف ضاع
تعبان من نفسي وكاره زماني
وثواني الراحة على عد الأصباع
حتى المشاعر والشعر والمعاني
ما تطمن الخايف ولا تشبع جياع
يارب مالي غيرك معين ثاني
انا غريبك تهت ودروبك وساع

[مشعل فايح]

واللي جمع روحك ورحي بميعاد
حلمٍ لفا بوجهك ولو ما نسيته
اني عقب عشرينك جروحي جداد
مافيه حيّ يشبهك لو لقيته
واني بعد موتك.. نزيفي بميلاد
لا راح يومٍ من حياتي حييته
واني اشوفك.. بالمرايا والأولاد
وبكل حرفٍ أكتبه ما قريته
اكتب عشان استنزفك روح ومداد
وانا انتهيت.. وعالمك ما انتهيته
يا اللي بغيابك.. لاهب الشوق وقاد
عمرٍ بدونك... يهدم الله بيته.

[مشعل فايح]

ارجوك تبعد يدك عن قلبي الدافي
لا يخدعك برقه.. ولا لمعة غيومه
عذروبه اللي بقوله وافي وكافي
انك تخليه بأفراحه وبهمومه
ما عمر جوّه بقا يا صاحبي صافي
ونبضاته الحانية بالفقد مسمومة
جنّب طريقه.. وشف لك خافق وافي
يدفيك في نبضته يذريك بكمومه
اما انا.. مركبٍ مكسور مجدافي
يا قلّ حيلي على التجديف والعومة

[مشعل فايح]

البلد ماهو بلد لا زاحمتك أوتاده
والولد ماهو ولد.. لا قال عفت بلادي


بيت عظيم.. لشاعر رائع وأنسان راقٍ وجميل وواعٍ
هو الأستاذ والأخ. سليمان السناني.

بعد سنوات طويلة من ترديد هذا البيت بيني وبين روحي
بتًّ أتسائل.. بأي الشطرين يفترض أن نبدأ.


إنحناءة صلاة ناقصة الشروط:
ما قلتُ لأطهر وطن.. وأنقى ثرى بأنني عفتك.

[مشعل فايح]

يا اللي بكثبانك رحل عاصف الشيح
الوسم مقبل وانت وين انـت رايـح
وغصوني اللي كسروها المشافيـح
هذي مكاسرها بهـا الطيـب فايـح
ليني لعصفه يا غصـون المجاريـح
والله لميـلات السنابـل يسـامـح