أجنحة وأغاني

[مشعل فايح]

يا طفلة عشقي المجنون
ما شفتي عقلي من عام.؟

شمسك ما يكفيها الكون
لكنك.. تيه واوهام.

الضلع التايه مسكون
بالأسامي والاحلام

وراح العمر لهالمسجون
والسجان بسجنه نام

[مشعل فايح]

غفت على وسادة ملام
عينك
وانا الكلام اللي سهر
على الحنين
كل العمر
يشرح حكايات السنين
للغربة والحلم والسلام

هاتي يدينك هالكثار
بصدري المطوي مرار
بشمها لجل القمر
يعذر ليالي الانتظار
ويمسح جبينك
ويبوس عينك
هاللي غفت على وسادة
ملام
وخلت عيوني للسهر
والانتظار

[مشعل فايح]

لحظة.... بعد اعيادي بدونك
اصلاً. نسيت الفرحة/ اعيادي
يا عيدي اللي غاب/ وشلونك
من غبت غاب العيد ف بلادي

[مشعل فايح]

تكبر/ تهون/ وتبين الناس
بين العتم / والضيا فارق
وشلون/ نستمطر الإحساس
واحساسنا بالوحل غارق
اطفي القلم / واشعل القرطاس
ماعاد لجلودنا حارق

[مشعل فايح]

من سألتي
طاشت الأقدام أرض.
وذابت الاحلام
في كف الفرح أيام

واحتفلتي
في رجوعك لإحتضاري
من سألتي..
انكسرت بيدّ قلبك
وانكسر فيك أنكساري

[مشعل فايح]

اشوفك تنادي على كل مفرق
وانا العمر مني قضى بالمفارق
لا تلوح لغارق ترى صدق تغرق
اسوأ غرق تغرق محبة لغارق

[مشعل فايح]

قل للمناجل تسامحنا وقل للطيور
دام السما ما امطرت وشلون نرجي الحصاد

[مشعل فايح]

وارجف.. مثل صبح الغريب البارد..
وأرتشف فنجاني مرّ..
ومعطف الجلد البليد يعاند..
لا دفا وأرحم يديني
ولا وفا.. لباقي النهار الجاحد..
أنا ويني.؟
من كم عامٍ ما ظهرت بمرايتي؟
ومن كم عامٍ ما سمعت أخباري؟
ولا قريت أشعاري.
التيه يسلبني الملامح والعمر.
وما ينتهي مشواري.
وأرجف.. مثل صبح الغريب البارد
وارتشف.. هاليأس مرَ
وتختفي آثاري.