لملمة شتات !

[سلطان العتيبي]

تعرف تفاصيلي مثل عرفك اسمك
من نبرتي بالصوت تعرف شعوري

انت الذي نقشت بالقلب رسمك
رسم ٍ على ذوقك ولا خذت شوري

واليوم لي حق واجي لك واحشْمك !
وانسى جروحي منك واكسر غروري !

فكرتك بك محتاجٍ اشد عزمك !!
وابديت لك ليان وانهيت دوري

فسرتها اني جيت في ثوب خصمك !
ماكنك اللي ماتطوفك / سطوري !!

خلاص مالي شي والحسم حسمك
واللي تشوفه / من دواعي سروري

[سلطان العتيبي]

لاتقولين احبه / والله ان تزعلين !
لني ان قلتي احبه // بردد : كذوبة

المحبة لدى // الكفار والمسلمين
درب واحد / و لا حب ٍ تعدد دروبه !

لاتلفين عنها من يسار ويمين
لو صدقتي بها / جيتي بعد باب توبة

[سلطان العتيبي]

من جهل بالفرق بين المشاعر والشعور
النتيجة ينصدم بالفراغ العاطفي

/

\

/

حاشاك درب التسليه مانويتي
لكن مشيتي درب ٍ بدون عنوان !

بين المشاعر والشعور ابتليتي
شعور .. ب / عيونك مشاعر ووجدان

انتي عن دروب المشاعر غفيتي
وحلمتي انك طير يكفخ بجنحان

لكن بعد نومك وحلمك صحيتي
على الهموم المستفيضة والاحزان !

لو هي مشاعر / صدق .. كان ارتميتي
انتي مع اعذارك وألمك بالاحضان

شوفي حصيلك بالهوى وش لقيتي
الكذب حبله ماورد فيه ظميان !

هذي تفاسيري ولو مارضيتي
انتي على فالك / وسلطان . سلطان

[سلطان العتيبي]

يامستجيرة من الخيال بالواقع
(كالمستجير من الرمضاء بالنار )

[سلطان العتيبي]

قلتي كلامٍ مايقولونه الناس
واليوم ادور عنه .. بس مالقيته !!

[سلطان العتيبي]

ارسلت له / من خيرة الناس .. مرسول
مرسول له بالحب .. خبرة وتجريب !

يحس باحساسي .. ويدري وش يقول
على جناح الحظ / مدري وش يجيب

إما تقدر قولة / العذر مقبول !
وإلا كشفت ان الحكايه ألاعيب

[سلطان العتيبي]

والله إني خايفن عقب لملمْت الشتات
تاخذ الدنيا بمنحى شتات اللملمة !

[سلطان العتيبي]

يسأل واجاوب ويسأل / عن حدود الغلا
وأعيد ويعيد / قل : يعني وش يساوي

اقول مالك خشير ٍ بين كل الملا !
ولا رضى يوم ساويته ب / علاوي :(

ذي غايته ماتبعها غير ضرب الخلا
راح الغلا ومابقى / الا غصنه الذاوي