لملمة شتات !

[سلطان العتيبي]

بغيت أوصفْنا ب / عش العصافير !
لكن تذكّرته ليا هبت الريح

أخاف لاضاقت علينا المعاذير
تطير بك ريح ٍ وانا / تحته اطيح

[سلطان العتيبي]

وين انت ؟
مايكفيك لاقلت وين انت ؟
يعني تراها بعض بعض اهتمامي

تبغى دليل انك بقلبي تمكنت ؟
شفني قبل حبك وتلقى كلامي !

سلطان. ..
لكنك عليّه تسلطنت !
عنيد ..
لكنّ اعترف بانهزامي !

[سلطان العتيبي]

لاتقربين
ولا تحكين

بس المهم اذا اقتربت
لاتبعدين

واذا حكيت
ما اريدك الا تسمعين

عارف دروب العاشقين
تكفيك مني كلمين

[سلطان العتيبي]

http://m002.maktoob.com/alfrasha/up/2026416759231478046.gif

نفس الزمان اللي جرحك وجرحني
لابد يوم ٍ يبتسم بالسعادة

اشوف بعيونك كلام ٍ شرحني
وبنظرتي تلقين شرح وزيادة

جرحك وجرحي مابذحك وذبحني
مادامنا نملك دواه وضماده

[سلطان العتيبي]

كل عذب الشعر يطري !
وكل كلمة
منه عندي كنها الكنز
ولقيته !
يوم الاقي شي ماقلته لغيرك

واتبختر
واتذكر

وان ذكرت إن كلمة ٍ قيلت بغيرك
كنها الحلم !
وتبعثر

لاتلوميني عليها
كلمتين ٍ واسمعيها
لاتقولين المشاعر .. صادقة في كل .. كلمة !

لنك أنتي /
قلتي اللي كن ماخلْقت لغيرك
وإنك أنتي /
تستحقين إن مايخلق خشيرك !
وإنك أنتي /
أكبر إن الورد يوخذ من عبيرك !

وش فهمتي ؟
ردديها في ضميرك !

[سلطان العتيبي]

زود الغلا يروح بافكاري بعيد
قمت اتخيل كيف ساعة غيابك !

اثر الغلا جنة . ولكن ّ لايزيد
إن زاد يصبح قطعة ٍ من عذابك !

ترى المشاعر زادت .. وجابت العيد
في وقت واحد ترتجيك .. وتهابك

[سلطان العتيبي]

ذكرت وقتي معك ياروعة الذكرى
كل مامضى يوم زاد اليوم ميزانك

ماضي زماني محته اسنيني الغبرا
الا انت ..
كن الزمن يرجع على شانك !

إن كان به واحدن يكتب ولا يقرا !!!
يمكني انساك واقوى لوع هجرانك !

[سلطان العتيبي]

البارحة عاتبتني .. بالهداوة !
باسلوب غير الناس . غير اعتيادي

أدركت حرصك لاتجي بالقساوة
حتى على عْتابك .. مروق وهادي

مني العتب تستقبله بالحفاوة
لنّه صدى صوت المشاعر ( تنادي )

غيرت بي كل شي _ حتى الشقاوة _
وطاوعتك بكل شي _ حتى عنادي _

ودي اجرب معْك ساعة عداوة !
واصير مثلك بالمواقف حيادي !