تعال واكتب حالتك/لحظتك شعراً ..!

[أمجاد محمد]

حلمت البارحه
أني معك .. و إيديني بأيدينك ..
شعرت بْ فرحة الدنيا ..
و قلبي ذابت " أوجاعه " .!
وفجأة ,
غبت عن عيني ..
و صحت بـ لهفتي ( وينك )
أثاري ساعتي رنّت ..
وقمت أدعي على " الساعه

[منتهى القريش]

مو غريبه .. تبقى وحدك
والـ معك في يوم كان
مو غريبه يصير ضدك
الغريبه..
إنهم وبكل شراسه
يدنسوا فيك البياض
والمشاعر ..م انت شاعر
استباحوها وراحوا
وبيحوا بالغدر سدك ..

[علي الحسني]

مازلت أرى أن النسا أصدق كثير من الرجال
.......... ولازلت أرى إن الرجال أخون كثير من النسا

[علي الحسني]

أنا كذا طبعي صريح
أقول مافي خاطري
قدام وجهك واستريح
تزعل بكيفك .. بس مو مثلك أنا
لاغبت تطعن بالظهر
هذا الصحيح
يا أنت تقبلني كذا والاّ استريح

[محمد فرج]

ضميت بيدي باقة الورد والفل
................................واهديتها لاغلى الحبايب هديه
الصاحب اللي كنه البدر لا طل
......................................واليا تبسم بسمته بابليه
سكن فؤادي واستباحه عن الكل
..............................صار يتمشى به على كل نيه .

[هدب]

فيني بداية وقت ونهاية أزمان
أشتاق باكر وأعطي أمسي حنيني

[صالح العرجان]

في داخلي طفلِ يبي العمر .. يوقف
قلبه( تعب ينسى ) لو الوقت نسـّـآه !!


طفلِ خذى من سود الأيـآم موقف
ماهو بـ / قآسي لكن ؟الوقت قسـّآه

[خلف المهيلان]

الحاله الي تعتريني وأنااكتب
.............مثل الغروب إلى أوجل بحمره الشمس
وأنااطلق يدينه والوح ويذهب
...........صوت الوداع ويصمت تحشرج الهمس
قرار(ن)الاصعب منه شين اصعب
...............تسييرك بحالة ذهول وطلا ل امس
ماله بقاموس الحكيات معرب
...................لاصار جرحه تخدشه بحة المس
ومن غار ابعد النزف من قلبي اقرب
.............لوينشكى يشكى عليه بحكى الرمس