تعال واكتب حالتك/لحظتك شعراً ..!

[محمد الناصر الشهري]

يالله تغفر كل زلّات عمري ..
............................ يا واحدٍ ترجيه كل المخاليق ..!


:34:

[غاده]

هَنآ : كَآنْ المَطيحَ وَ دمَعة الفَرقَى وَ صُوتَ النَآي
............ هنَآ : مُوتَ التَلآقِي و العَزآ فِيَ كَذبة احَلآ آ آ آ مِي . .‘

هنَآ : شيَخ الغيَآبَ الليَ ثنَى كُوعَه عَلى مَركَاي
........... هَنَآ : قَلتْ لِ عيُونِي فِيَ حِضِنْ بِنْتْ السَّهَرْ ( نَآمَي ) ..!

(؟؟؟؟؟؟)

[صالح العرجان]

في داخلي شي ٍ عن النـاس مستـور
حرك سكون القلب .. والقلـب لبـاه

شي ٍ غريب من اغرب انواع الشعور
عجزت ادور وش هو سـره ومعنـاه

مدري غلا .. ولا حزن .. ولا سرور
مدري بداية فـرح .. ولا معانـاه !

لي صاحب ٍ في طلته يشـرق النـور
ولاغاب عني .. غيب النـور ويـاه

من يوم شفته والحشـا فيـه مبهـور
زين الوصايـف كـل شيـن يتعـداه

لا مر طيفه يرقص القلـب مسـرور
و يتبع سروره رغبـة ٍ فـي ملاقـاه

[غاده]

ْالشوق كايد .. والبطا زوّد الشوق
زدني بوصلك جعل ماا / اذوق حزنك /

/ فيني / جفاف سنين ماتت به عروق!
وفيني صحاري ... مااتبي غير مزنك

[صالح العرجان]

هي هي عيوني بعد ماغبتْ هي هي
تسّهر..تشاغب طيوفك .. بالزوايــا

جايعك من جّد .. وانت بجّد تشهي
كيف اسّد الجوع ... وفتاتك بقايا ؟

[سعيد الموسى]

أوعديني !
إن حبك ماء في مبسم ضياء !
أوعديني !
إن قلبك مثل غيمه في سماء !
أوعديني :
إنك إنتي !
لو تغيّر كون كامل !
لو تفجّر ألف نهر
لو تهاجر هالنوارس !
إنك إنتي
إنتي إنتي !
وإنك الأحلى
ـ وأجمل !
وإنك الأصدق
ـ وأكْمـَل !
أوعديني : إني أثمل !
من تمرّي حيّ خدّي !
من تمّري فوق جفني !
من تدّقي باب
ثغري !
عانقيني : مثل نسمه !
مثل كذبه
عانقت طفل ٍ فقير !
مثل إثم ِ
يوجع الشيخ الكبير !
.
.
مثل ماكنت ِ
تقولي
إن هذا الكون : أجمل !
وإن هذا البحر
يهطل !
يهطل ويرقص بموجه !
.
.
أوعديني
إنك إنتي !
وإن هذا الشوق إنتي
وإن هذا الغيم إنتي !
وإن هذا الغصن إنتي !
وإن هذا الورد إنتي !
وإن كل الحب
إنتي !
إنتي إنتي !

[عبدالله صلال العساف]

حن قلبي جنوب ..ماحن قلبك شمال؟؟
والوله من طرق هالباب مامر عليك!!
عبدالله العساف

[مشاعل الفيحاني]

،

سنين وغيرك يخطر القلب ويطوفه
............... يدرج وكلما رقى في خاطري حوّل
إلا أنت يا ملهم القصّاد فـ حروفه
............... أقبلت لي تالي .. وجلست فـ الأوّل