تعال واكتب حالتك/لحظتك شعراً ..!

[صالح العرجان]

شبيت من زود التباريح .. شمعه
ودي تشوف الجرح لا صار عاري

إن كان هلّت لي نواظرك دمعه !
أنا عيوني أسقت أرض وصحاري

[فهد الماجدي]

لك الله مابقا شـي ٍ ليـا ضقنـا نرجـه رج
............. ماغير اكتب لي بيوت ٍ على الطاروق واهرجها

وحيد ٍ مامعي الا.. قلـم ساكـن بـأول درج
............. اجاريـه ويجارينـي .. اِليـن الله يفرجـهـا

نهيض بليلة ٍ دلجـا سمـوم ٍ كلبوهـا عـج
............. واذا بان الشروق ..ادموعنا بالحيل ندرجهـا

يقولون الورق ماعاد هو وافي بوقت الصـج
............. وانا اقول السبب ناس ٍ من الكتـاّب هججهـا

يقولون ويّكبون الحقيقه لـوّ دروبـه صـج
............. وفي لحظة غضب والا هوى ضاعت مفالجهـا

يعين الله لياضاع الأمن بيـن الشطـور ودج
............. ويعين الله لياّمـن الامانـه ضـاع منهجهـا

لك الله مايطوفوني وانا ماشي علـى منهـج
............. سليمٍ وناضج ٍ فكري علـى الملـه مبرمجهـا

انا عنده وانا رده وانـا حـده / ولالـه فـج
............. وانا لده وانا ضـده \ وذالاشكـال نحرجهـا

وعلى الخلان رديه سلامـي للعيـون الدعـج
............. حبيبي وصاحبي وافـي ترفرفلـي بيارجهـا

نعم وافي وهو غالي حبيبي بالحشى لك بـرج
............. على بعد الثريّه,, سكانن جوفـي ومبهجهـا

وختام المسك والعنبر عدد من طاف مكه حـج
............. ومـن لبـا لوجـه الله بداخلهـا وخارجهـا !

[نايف السميري]

،
ياليت اعمارنا
كلمه ولانكبر !
لكن اعمارنا
تقويم !!
على حائط مواجعنا ،
يجي بكره
ويشطبها ،
ويبقى اليوم !!
/
مثل سكين ،
تساوم
خاصرة بكره ،
لجل تأبين
روح الطين ..!!
،

[منتهى القريش]

في صمتنا
وايد حكي م انقال
كل الخطاوي اثقال
تحرض على التغريب
تعال خل انغيب
في عتمة الترحال

[شذرة السيف]

بعت البشر لجلـه .... وكانـت بدايـه..//..يبيعنـي للنـاس يـاشـذرة السّـيـف

http://www.7looo.com/uploader//uploads/images/7looo.comccb9d8b7af.gif

[عبدالله صلال العساف]

كوب قهوه على اطرف طاولتنا حزين
ينتظر مرّة اشفاهك...ولا مرته
عبدالله العساف

[غاده]

،

الله يسامح " تويتر" رجعك ليه
خلاك بعد البطا والبعد تلقاني

من بعد ما رحت و النيّه هي النيّه
تكفا ، طلبتك ، تخليني علشاني !
(؟؟؟)
،

[أمجاد محمد]

قـالت جنـنت بمن تهوى فقلت لهــــا
الـعـشـق أعـظــم مـمـا بالـمـجـانـيـــن.