حنان العصيمي
03-10-2013, 09:19 AM
دنيا مضت لاتحسف عليها..
لاتشتكي لي من عنا الوقت لي جار
أنا بعد دنياي تعبان فيها.!
أرسم لك البسمة وأنا داخلي نار
؟؟
فهد الماجدي
03-10-2013, 10:24 PM
هذا المساء الطير فيه متعنّي ..
كنه مع التغريد ضايق وملتاع ..
يجر صوته وكل ما جر اغنّي ..
اجاوبه واطير يمه عن القاع ..
احس بشجونه .. الى دان منّي ..
ويحس بي لاضاق لي خاطر ولاع.!
.
فهد الماجدي
03-10-2013, 11:35 PM
ياغايبة. !
وشهو بقى لسنيننا وايامنا..
وشهو بقى
لعمري معك.
غايب
وروحي مربوطه معك..
وشهو بقى
لوراقنا وانا اكتبك.
وانا اشطبك وانا انثرك ياغايبة.!
فهد الماجدي
03-10-2013, 11:36 PM
ياغايبة..
وشهي خطاوينا معك.
اِنّي وفيت
وانك معي صافي وفا..
نادر ماتحلا لنا ايامنا
وتصدق بنا..
واني خسرت اقرب قريب بسبتك.
ياغايبة.!
فهد الماجدي
03-10-2013, 11:37 PM
ياغايبة.
وشحي لتي وانا انقهر ..
كلي ندم.
واناطر لفجرالظلام..
اللي سطا بشروقنا.
وطيّرت لك
من صدري الضايق حمام..
وشحي لتي ياغايبة.!
فهد الماجدي
03-10-2013, 11:38 PM
ياغايبة.!
مرات احس انك معي لاكن بعيد..
علمتني اني اكون بحضرتك . مثل السراب,!
وانا السحاب,!
وابكي مطر دمعه سيّول.
وابكي شجن
ياغايبة.!
عبدالله الجودي
03-11-2013, 02:09 AM
ليش الدقايق بوقت [ الوصل ] تتخطّر
.................... والساعه , في اليوم هذا .. ماهي عاديّه
سولف حبيبي .. ترى لي قلب ؟ متنطّر
.................... مشتاق ، و " ياليت " هالأشواق : مُعديّه
من فرحتي .. في وجودك ماني [ متفطّر ]
.................... أخاف آكل , تضيع .. أحلام ورديّه
من قلت ( جايك ) وأنا ، كاشخ ومتعطّر
.................كنّي طفل عيد ؟ وكنّك إنت [ عيديّه ] ..
منتهى القريش
03-11-2013, 04:01 PM
حتى حرفي
صار ينزف لك حنين
وكلما جيت اكتب
ألقى طيفك في شعوري
واحن لك أصرخ أبيك
واحاول اهرب من خيالك
ابتدي بك م النهايه
وارجع انزف ذكرياتك وابتديك
كل شي حولي يسألني عليك
مرايتي
وجهي الي منكسر
ساعتي
كل دقيقه تمر فيها تنتحر
الزوايا والأماكن والسكون
ودمعي الي ما يفارق هالعيون
تصدق ؟
كل ما جيت أنسى
حتى صمتي يرجع يذكرني فيك