تعال واكتب حالتك/لحظتك شعراً ..!

[سليمان عباس]

كرها نسافر في سماء طموحهم
....طوعاَ نبيع زماننا .........احسانا

[كريمه السالمي]

:

أنا بخير و ما على قلبي خلاف
‏لو الحزن مرات يطغى بصدري

....

[رشا عرابي]

عساها جُمعِتَك خيره
ونور من الأمل يِغشاك

تِبَسّم وانفِض الحيره
ترى كِل العُمر يِفداك

رشاك

[نورة القحطاني]

والله إني كثر مافيني جروح
ابتعدت احاول اني ماانجرح !

لكن الغربة مع دمعٍ فضوح
تستعيرالشوق والحزن اتّضح !

[ضياء شمس الأصيل]

...


كل عام وجروحنا بخير


...

[علي القرني]

يستحق آلبسه ثوب المديح ::: كل جرحٍ كان من زايــد غلايا

على القرني

[سليمان عباس]

الغالي علي القرني وقفت هنا متعجب امام روح هذا البيت فكتبت لك



مايهم ان بات احساسي جريح
شي طبيعي الحب يجرحنا حلاه

سليمان

[فيْصَل الصَقّار]

‏طَاحَت مِرايَه وانْكِسَر وَجْه عَذْرَى ./
‏كَان الخسُوف لـِ نِصْف لا كِل جفْنِي
‏تَنَاثَرَت حتّى إخْتَنَق ضَيّ قَمْرى...'
‏شِف القمَر لا غَاب بتقُول شِفْنِي...'
‏تِعبْت أفَتِّش [ دَفْتَر الحزِن ] وأقرَى
‏أهْرُب ..؟ تعِيْد قرَايتِه ..تَكْتشِفنِي..!
‏مَن هـ الرِيَاح إحْطَام، وأشْيَاء ذِكْرَى
‏وهَذا الشِراع - إن مِت - خَلّوه كَفْنِي
‏الجَرْح مَجْهُول الألَم كيْف يَبْرَى....!
‏أحِنّ لِه طُول العُمر لَو نِزَفنِي ......./